បន្ទាយមានជ័យ:បន្ទាប់ពីលើកគ្នាកើនចំនួនពីជាង១០០នាក់ដល់ប្រមាណ៣០០នាក់ធ្វើបាតុកម្មទ្រទ្រាយធំបង្កស្ទះចរាចរណ៍ផ្លូវជាតិលេខ ៥ភ្ជាប់ទៅច្រកព្រំដែនអន្តរជាតិប៉ោយប៉ែតត្រង់ចំណុចជាប់នឹងអតីតផ្សាររ៉ាចាស់ភូមិ/សង្កាត់/ក្រុងប៉ោយប៉ែតពីម៉ោងជាង១០ព្រឺកថ្ងៃទី ២២ មករា ២០១៥មក នៅម៉ោង៤ល្ងាចថ្ងៃដដែលកម្មករនិងមន្ត្រីគយបានឯកភាពគ្នា ៣ចំណុច។
សំណៅសរសេរដៃ១ទំព័រចុះថ្ងៃទី ២២ មករា ២០១៥ នៃលទ្ធផលកិច្ចពិភាក្សាគ្នារវាងតំណាងកម្មករនិងម្ចាស់ទំនិញដឹកតាមរទេះអូសគឺអ្នកស្រី រ៉ាយ មុំ និង អ្នកស្រី ភុន ប់ិុច នៅភូមិក្បាលស្ពាន១ សង្កាត់ប៉ោយប៉ែតនិងលោក ញឹម សំណាង អនុប្រធានការិយាល័យគយនិងរដ្ឋាករច្រកទ្វារអន្តរជាតិប៉ោយប៉ែត ានព្រមព្រៀងគ្នាថា:ទី១- មន្ត្រីអង្គភាពគយអាចជួយសម្របសម្រួលទំនិញស្របច្បាប់បន្តិចបន្តួចជើងទី១បង់ពន្ធដូចមុនតាមធមិមតា ហើយអនុញ្ញាតិអោយនៅតែម្តង ដោយមិនបាច់រើទេ។
ទី២-ជើងទី ២ឡើងទៅត្រូវបង់ពន្ធធម្មតា ហើយត្រូវរើទំនិញនៅទីលានរទេះ។ទី៣-បើមានបញ្ហាលើកក្រោយ កម្មករត្រូវចាត់តាំងនឹងជូនដំណឹងដល់អាជ្ញាធរជាមុនសិន។កិច្ចពិភាក្សានេះបញ្ចប់នៅម៉ោង៤ ល្ងាចថ្ងៃទី ២២ មករា ២០១៥ ។
ពួកកម្មករបានលើកបញ្ហាយ៉ាងច្រើនករណីដើម្បីអោយមន្ត្រីគយបន្ធូរបន្ថយការត្រួតពិនិត្យនិងបង់ពន្ធ។
ប៉ុន្តែ លោក ឈួន ហៃ ប្រធានការិយាល័យគយច្រកទ្វារអន្តរាជាតិប៉ោយប៉ែតនិយាយថា:អ្នកតវ៉ាមានចំនួន១០ទៅ ២០ភាគរយប៉ុណ្ណោះ។អ្នកតវ៉ាច្រើនតែគេចវេះការបត់ពន្ធ ហើយដឹកជញ្ជូនទំនិញខូចគុណភាព ហាមឃាត់ ឬទំនិញលាក់លៀមដែលមានអត្រាពន្ធខ្ពស់៕
