សៀមរាប៖ បទល្មើសនេសាទប្រភេទសម្រះ សាច់បរ និងស្បៃមុងនៅចំណុចភូមិសាស្ត្រសម្ព័ន្ធ នៅឃុំដានរុន ស្រុកសូទ្រនិគមន ខេត្តសៀមរាប ប្រជាពលរដ្ឋនៅក្នុងភូមិឃុំខាងលើ បានប្រាប់អ្នកសារពត៌មានយើងអោយបានដឹងថា ជាក់ស្តែងកាលពីថ្ងៃទី២១ ខែមករា ឆ្នាំ២០១៥ មាន
សមត្ថកិច្ចមួយក្រុមកំពុងធ្វើសកម្មភាពចុះទៅបង្ក្រាបបទល្មើសគ្រប់ប្រភេទនៅចំណុចសម្ព័ន្ធ ការចុះទៅបង្ក្រាបបទល្មើសដែលមានច្រើនរូបភាពនោះ ខ្លះទៀតមិនត្រូវបានបង្ក្រាប ហើយខ្លះទៀតក៏ត្រូវបានបង្ក្រាបហើយនិងព្រែកនានាជុំវិញបឹងទន្លេសាបពោពេញទៅដោយសម្រះ និងកំប៉ោក ទុកហ៊ុំមោងយកត្រីនៅរដូវសម្រកចាប់ពីសម្ព័ន្ធចំការឈូកក្នុងឡូតិ៍អភិរក្សព្រែកស្រមោចឃុំកំពង់ឃ្លាំង ស្រុកសូទ្រនិគមន ខេត្តសៀមរាប។ លោក រឹម រិត ប្រជាពលរដ្ឋរស់នៅក្នុងភូមិដានរុន
មានប្រសាសន៍ថា៖ ការធ្វើនេសាទខុសច្បាប់នៅចំណុចភូមិសាស្ត្រខាងលើនេះ បើសិនមន្ត្រីជំនាញនៅតែបន្ធូរដៃបែបនេះ ត្រីនៅក្នុងបឹងទន្លេសាប និងនៅក្នុងចំណុចភូមិសាស្ត្រខាងលើ នឹងត្រូវបានបាត់បង់អស់ជាមិកនខានរហូតដល់កូនចៅជំនាន់ក្រោយ ពិបាករកត្រីយកមកទទួលទាន បន្ទាប់មក អ្នកសារពត៌មានយើង ក៏បានcall ទៅលោក ជុន ឡាត់ជាប្រធានសហគមន៍ថ្នល់ដាច់ដើម្បីសុំការបំភ្លឺ តែទូរស័ព្ទរបស់លោកទាក់ទងមិនបាន។
