កំពង់ឆ្នាំង៖ភាពភ្ញាក់ផ្អើលមួយបានកើតឡើងនៅចំណុចផ្លូវបែកជា៤ក្បែរសាលាបុណ្យភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំងនៅម៉ោង៦និង១០នាទីល្ងាចថ្ងៃទី២២ ខែមករា ឆ្នាំ២០១៥ នៅពេលនគរបាល ១ក្រុមផ្ទុះអាវុធអាកា៣គ្រាប់ ដើម្បីស្ទាក់ចាប់រថយន្តបាឡែនពណ៌
ស១គ្រឿង និងមនុស្ស២នាក់ដែលគ្មានអ្នកណាបានដឹងជាមុន ហើយខ្លះយល់ថាអ្នកស្រវឹងបាញ់គ្នា។ ក្រោយពេលកើតហេតុទើបគេអោយដឹងថា ការផ្ទុះអាវុធនេះគឺនគរបាលមន្ទីរប្រឆាំងគ្រឿងញៀនក្រសួងមហាផ្ទៃ១ក្រុមស្ទាក់ចាប់មេចែកចាយគ្រឿងញៀនដ៏សកម្ម២នាក់ ដែលគេតាមដានសម្ងាត់៣ថ្ងៃមកហើយតាំងពីភ្នំពេញមក។
សមត្ថកិច្ចអោយដឹងថា៖អ្នកដឹកនាំបង្ក្រាបមុខសញ្ញាចែកចាយគ្រឿងញៀនដ៏សកម្មនេះ ជា
លោកអនុប្រធានមន្ទីរគ្រឿងញៀនក្រសួងមហាផ្ទៃ គឺធ្វើតាមបញ្ជារឯកឧត្តមអគ្គស្នងការនគរបាលជាតិ។ជនល្មើសដែលចាប់ខ្លួនបាននោះ ទី១ឈ្មោះ មាស ចាន់ធិន អាយុ៣០ឆ្នាំមុរបរ រត់រថយន្តតាក់ស៊ី ជាមុខសញ្ញាចែកចាយនិងប្រើប្រាស់ថ្នាំញៀនដ៏សកម្ម និងកូនមន្ត្រីគរបាលខេត្តម្នាក់ និងទី២នារីម្នាក់ជាគូរដណ្តឹងមិនស្គាល់ឈ្មោះ ពួកគេរស់នៅក្នុងក្រុងភ្នំពេញ និងបានចេញចូលស្នាក់នៅជាមួយផ្ទះឪពុកម្តាយក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង។
ក្រោយពេលចាប់ខ្លួនសមត្ថកិច្ចក្រសួងនិងខេត្ត ព្រមទាំងអាជ្ញាធរមូលដ្ឋាន លោកព្រះរាជអា
ជ្ញាសាលាដំបូងខេត្ត បានសហការគ្នាឆែកឆេរផ្ទះឪពុកគេដែលគេស្នាក់នៅ រកឃើញអាវុធកា៥៩មួយដើម អាវុធអាកាស្វាយបត់មួយដើម ដាវសាំមូរ៉ៃ១ដើម កាំបិតកកុក១ដើម និងសម្ភារៈជក់ថ្នាំញៀនមួយចំនួនទៀត។ដោយឡែកនៅក្នុងរថយន្តបាឡែនពណ៌ស ពាក់ស្លាកលេខភ្នំពេញ 2Q-3341 របស់់ឪពុកគេដែលគេយកទៅរត់តាក់ស៊ី និងជិះធ្វើសកម្មភាពចែកចាយថ្នាំញៀនសមត្ថកិច្ចឆែករកឃើញថ្នាំញៀន១៣កញ្ជប់តូច ដែលក្នុង១កញ្ចប់គេលក់ថ្លៃ១២ម៉ឺនរៀល។
ជនសង្ស័យទាំង២នាក់ រួមទាំងវត្ថុតាងខាងលើព្រមទាំងរថយន្តបាឡែន១គ្រឿងនិងម៉ូតូធំ១គ្រឿងត្រូវបានសមត្ថកិច្ចដកហូតបញ្ជូនមករក្សាទុកក្នុងស្នងការដ្ឋាននគរបាលខេត្ត ដើម្បីពិនិត្យស្រាវជ្រាវកសាងសំណុំរឿងតាមផ្លូវច្បាប់បញ្ជូនទៅកាន់តុលាការខេត្ត។
មន្ត្រីនគរបាលមូលដ្ឋានអោយដឹងថា៖ជនសង្ស័យឈ្មោះ មាស ចាន់ធិន ធ្លាប់ជាប់ពន្ធនាគារ២ទៅ៣លើក ពីបទចែកចាយនិងប្រើប្រាស់ថ្នាំញៀន ហើយឪពុកគេជាមន្ត្រីនគរបាលក៏ធ្លាប់បានចាប់បញ្ជូនគេទៅបន្សាបគ្រឿងញៀននៅបន្ទាយកងរាជអាវុធហត្ថខេត្តបន្ទាយមានជ័យ អស់លុយឡើងក្រខ្លួនទៅហើយ តែគេនៅតែមិនរាងចាលឡើយ។ដោយឡែកអាវុធ២ដើមខាងលើនេះជាអាវុធរបស់ឪពុកគេជាមន្ត្រីនគរបាលខេត្ត តែគេយកមកទុកលើផ្ទះមានច្បាប់ប្រើប្រាស់ឬយ៉ាងណានោះគេមិនទាន់អោយដឹងឡើយ៕
