ការសាងសង់ផ្លូវដែកឆ្លងទ្វីបទៅកាន់ ជុំវិញពិភពលោក គឺជាមហិច្ឆតារបស់ រដ្ឋាភិបាលចិន ដែលកើតមានតាំងពីយូរ ណាស់មកហើយ ក្រោយពេលអ្នកធ្វើ ដំណើរតាមយន្ដហោះតែងតែជួបគ្រោះ ថ្នាក់ ធ្វើឱ្យគម្រោងសាងសង់ផ្លូវរថភ្លើង ល្បឿនលឿនឆ្លងទី*្វបក្លាយទៅជាការពិត
ដែលអាចទាក់ទាញអ្នកដំណើរបានរាប់ លាននាក់ ។ ពេលនេះចិនបានឡើង គម្រោងសាងសង់ផ្លូវរថភ្លើងល្បឿនលឿន តភ្ជាប់ពីទីក្រុងប៉េកាំងទៅកាន់ទីក្រុង មូស្គូប្រទេសរុស្ស៊ីដែលត្រូវចំណាយប្រាក់ រហូតដល់២៤២ពាន់លានដុល្លារ ។ គម្រោងផ្លូវដែកដែលត្រូវសាងសង់ នោះមានប្រវែងជាង៧ពាន់គីឡូម៉ែត្រ ដោយឆ្លងកាត់ប្រទេសកាហ្សាស្ថាន ។ ពេលវេលាក្នុងការធ្វើដំណើរពីទីក្រុង ប៉េកាំងទៅកាន់មូស្គូ នឹងត្រូវចំណាយ ពេល២ថ្ងៃ ។ គម្រោងផ្លូវដែកខាងលើ នឹងផ្ដល់លក្ខណងាយស្រួលដល់ការធ្វើ ដំណើរពីទីក្រុងប៉េកាំងទៅទីក្រុងមូស្គូ ឬ ពីទីក្រុងមូស្គូមកកាន់ទីក្រុងប៉េកាំង ។
សារព័ត៌មាន Bloomberg បានផ្សព្វ ផ្សាយថា ចិនកំពុងតែជំរុញក្នុងការអភិវឌ្ឍ បច្ចេកវិទ្យាខ្ពស់លើវិស័យផ្លូវដែកកម្រិតអន្ដរជាតិ ។ គម្រោងសាងសង់ផ្លូវដែក ខាងលើ កើតឡើងក្នុងពេលដែលទំនាក់ ទំនងរវាងអាមេរិក អឺរ៉ុប និងរុស្ស៊ីកាន់ តែសោះកក្រោះនឹងគ្នា ដោយសារវិបត្ដិ នៅប្រទេសអ៊ុយក្រែន ធ្វើឱ្យសេដ្ឋកិច្ច រុស្ស៊ីក៏ដូចតម្លៃប្រេងនៅលើពិភពលោកធ្លាក់ចុះ ។
រដ្ឋមន្ដ្រីក្រសួងចរាចរណ៍ដឹកជញ្ជូន រុស្ស៊ី លោក Maxim Sokolov បានបញ្ជាក់ នៅក្នុងបទសម្ភាសន៍មួយថា ការសាង សង់ផ្លូវដែកនៅភាគខាងត្បូងរុស្ស៊ីដោយ វាងប្រទេសអ៊ុយក្រែន នឹងរួចរាល់នៅឆ្នាំ ២០១៨ ។
គម្រោងសាងសង់ផ្លូវដែកត្រូវបាន រដ្ឋាភិបាលចិនគិតគូរជាយូរណាស់មក ហើយ មិនត្រឹមតែផ្លូវរថភ្លើងប្រទេស រុស្ស៊ីប៉ុណ្ណោះទេ ថែមទាំងទៅកាន់អឺរ៉ុប និងសហរដ្ឋអាមេរិកទៀតផង ។ ការ សាងសង់ផ្លូវដែកទៅកាន់ប្រទេសរុស្ស៊ី ជាជំហានដំបូង ហើយពេលអនាគតចិន នឹងបន្ដទៅអឺរ៉ុប និងអាមេរិក ។ បច្ចុប្បន្ន ជនជាតិចិនរស់នៅបរទេសច្រើនជាងគេ បំផុតនៅលើពិភពលោក ក្នុងមានរុស្ស៊ី និងអាមេរិក ។ ពលរដ្ឋចិនទាំងនោះសុទ្ធ សឹងតែតម្រូវការមកលេងស្រុកចិនជា រៀងរាល់ឆ្នាំ ។ ពិសេសនៅក្នុងពិធីបុណ្យ ចូលឆ្នាំម្ដងៗ ។
តាមការស្ទាបស្ទង់មតិ ប្រសិនបើ មានផ្លូវរថភ្លើងឆ្លងទ្វីបនោះ ពលរដ្ឋជា ច្រើនប្រាកដជាច្រើនរើសធ្វើដំណើរតាម រថភ្លើង ប្រសិនបើជួបហេតុការណ៍អាក្រក់ ជួបគ្រោះថ្នាក់ក៏មានសង្ឃឹមអាចនៅ រស់មកជួបសាច់ញាតិច្រើនជាងការធ្វើ ដំណើរលើយន្ដហោះ ពេលដែលជួបគ្រោះ ថ្នាក់ហើយ អ្នកនៅរស់មានតិចខ្លាំង ណាស់ គឺស្ទើរតែគ្មានតែម្ដង
