សៀមរាប : ដើម្បីអនុវត្តឲ្យកាន់តែមានប្រសិទ្ធភាពខ្ពស់ក្នុងការអនុវត្តគោលនយោបាយភូមិឃុំមានសុវត្ថិភាពជាក់ស្តែងនៅព្រឹកថ្ងៃទី២៥ខែមករាឆ្នាំ២០១៥នេះ លោកវរសេនីយ៌ឯក ស្រី យូរ៉ា មេបញ្ជាការរងនៃទីបញ្ជាការដ្ឋានកងរាជអាវុធហត្ថខេត្តសៀមរាប និងជាប្រធានមន្ទីរ
ស្រាវជ្រាវនិងយុត្តិធម៌
បាននិយាយថា លោកបានបញ្ជាដឹកនាំកម្លាំងក្រោមឱវាទអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់ ឯ.ឧ ឃឹម ប៊ុនសុង អភិបាលនៃគណៈអភិបាលខេត្តសៀមរាប និង ជាប្រធានគណៈបញ្ជាការឯកភាពខេត្ត ក៏ដូចជា ឯកឩត្តម ឧត្តមសេនីយ៌ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមផងនោះ ជាក់ស្តែងបន្ទាប់ពីកម្លាំងកងរាជអាវុធហត្ថខេត្តសៀមរាបបានប្រើប្រាស់គ្រប់មធ្យោបាយជំនាញក្នុងបង្ក្រាបក្រុមចោរលួចកាច់សោរ ក ម៉ូតូ យ៉ាងសកម្មក្នុងខេត្តសៀមរាបរួចមកទើបទទួលលិទ្ធផលបង្ក្រាបក្រុមចោរប្រុសស្រីបានចំនួន៨នាក់ជាបន្តបន្ទាប់កាលពីវេលាម៉ោង ១៨ : ៣០ នាទី ត្រូវនិង ថ្ងៃទី២៤ ខែ មករា ឆ្នាំ២០១៥ កន្លងទៅ នៅត្រង់ចំណុចក្នុងភូមិបឹង សង្កាត់ជ្រាវ ក្រុង និង ខេត្តសៀមរាប ។ 
លោកវរសេនីយ៌ឯក ស្រី យូរ៉ា បានបន្តអោយដឹងទៀតថា បន្ទាប់ពីកម្លាំងជំនាញបានធ្វើការឃាត់ខ្លួននិងយកមកធ្វើការសួរនាំនៅមន្ទីរជំនាញហើយនោះក្រុមចោរប្រុសស្រីទាំង ៨ នាក់ បានឆ្លើយសារភាពថាពួកគេបានប្រព្រឹត្តនូវករណីអំពើលួចដោយមានស្ថានទម្ងន់ទោស និង ប្រើប្រាស់អាវុធខុសច្បាប់ ពិតប្រាកដមែន ។ លោក បានបន្តអោយដឹងទៀតថា ក្នុងកិច្ចចុះប្រតិបត្តិការណ៍ខាងលើសមត្ថកិច្ចបានធ្វើការដកហួតបាននូវវត្ថុតាងពីជនសង្ស័យដែលជាក្រុមចោរលួចកាច់សោរ ក ម៉ូតូ យ៉ាងសកម្មក្នុងខេត្តសៀមរាប រួមមាន ម៉ូតូ ម៉ាកហុងដា សេ ១២៥ ចំនួន ៤ គ្រឿង ស្លាកលេខ ម៉ូតូ ចំនួន ១២ ដែកសម្រាប់កាច់សោរ ក ម៉ូតូ ចំនួន ២ សម្ភារ:កែច្នៃម៉ូតូមួយចំនួនធំ អាវុធខ្លី កា ៥៤ ចំនួន ២ ដើម បង់ ១ មាន ចំនួន ១៤ គ្រាប់ ។ 
បច្ចុប្បន្នក្រុមចោរលួចកាច់សោរ ក ម៉ូតូ ប្រុសស្រីយ៉ាងសកម្មក្នុងខេត្តសៀមរាបកន្លងមកទាំង៨នាក់នេះ និង វត្ថុតាងទាំងអស់ត្រូវបានកម្លាំងកងរាជអាវុធហត្ថខេត្តសៀមរាបកសាងសំណុំរឿងបញ្ជូនទៅកាន់សាលាដំបូងខេត្តសៀមរាប ហើយកាលពីព្រឹកថ្ងៃអាទិត្យទី២៥ ខែ មករា នេះ ដើម្បីចាត់ការទៅតាម នីតិវិធី បន្ត ៕
លោក ខេង ខេមរា
