ខេត្តកំពង់ស្ពឺ ៖ ព្រះសង្ឃមួយអង្គត្រូវជនមិនស្គាល់មុខលបបាញ់ប្រហារពីក្រោយ ចំព្រះកេសធ្លាយមកដល់មាត់បណ្តាលឱ្យសុគតនៅនឹងកន្លែងកើតហេតុខណៈកំពុង គង់ហត្ថបាសនៅក្នុងរោងបុណ្យក្នុងភូមិថ្មីឃុំតាំងក្រូច ស្រុកសំរោងទង ខេត្តកំពង់ស្ពឺ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៨និង ៣០នាទីយប់ ថ្ងៃទី២៤ ខែមករា ឆ្នាំ២០១៥
នៅចំណុចភូមិថ្មី ឃុំតាំងក្រូច ស្រុកសំរោងទង ខេត្តកំពង់ស្ពឺ ។
ព្រះសង្ឃដែលជនមិនស្គាល់មុខលបបាញ់ប្រហារបណ្តាលឱ្យសុគតមាន ព្រះនាម បឹុង អ៊ុំ ព្រះជន្ម៧៦ឆ្នាំ គង់នៅក្នុងវត្តនទីក្សណហៅអង្គព្មាត ក្នុងភូមិ-ឃុំ កើតហេតុ ហើយព្រះអង្គមានស្រុកកំណើត នៅក្នុងភូមិថ្មី សង្កាត់កណ្តោលដុំ ក្រុងច្បារមន ខេត្តកំពង់ស្ពឺ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុម្ចាស់ផ្ទះបុណ្យឈ្មោះ គង់ ឌីម អាយុ៦៥ឆ្នាំ បាននិមន្តព្រះសង្ឃរងគ្រោះមកទេសនា ក្នុងពិធីបុណ្យខួបគម្រប់១ឆ្នាំកូន ខណៈពេលដែលព្រះសង្ឃរងគ្រោះកំពុងគង់ហត្ថបាសនៅក្នុងរោងបុណ្យនោះ ស្រាប់តែមានជនមិនស្គាល់មុខលបបាញ់ប្រហារពីក្រោយចំព្រះកេស ធ្លាយមកដល់មាត់បណ្តាលឱ្យសុគតនៅនឹងកន្លែងកើតហេតុបង្កឱ្យមានការ ភ្ញាក់ផ្អើលដល់ពុទ្ធបរិស័ទដែលអង្គុយស្តាប់ធម្មទេសនា និងបានរាយការណ៍ទៅសមត្ថកិច្ចមូលដ្ឋានចុះមកពិនិត្យកន្លែងកើត ហេតុ ។ បន្ទាប់ពីធ្វើសកម្មភាពបាញ់ប្រហារហើយនោះជនដែលជាខ្មាន់កាំភ្លើង បានរត់គេចខ្លួនបាត់ស្រមោលតែម្តង ។
ក្រោយពេលកើតហេតុសមត្ថកិច្ចបានចុះទៅពិនិត្យនៅទីតាំងកើតហេតុ ដោយរកមិនឃើញសំបកគ្រាប់កន្ទុះនោះទេ ។ សមត្ថកិច្ចមិនទាន់ធ្វើការសន្និដ្ឋានថាអំពើបាញ់ប្រហារនេះជាករណី អ្វីនៅឡើយទេ តែមជ្ឍដ្ឋានមហាជនដាក់ការសង្ស័យថាជារឿងគំនុំ។ដោយះសុខសុភ័ណ្ឌ
