កំពង់ឆ្នាំង៖ផ្ទះទំហំ៥x៤ ម៉ែត្រ ប្រក់ស័ង្កសី ជញ្ជាំងស្លឹក ១ខ្នងត្រូវបានភ្លើងឆាបឆេះអស់ខ្ទេចគ្មានសល់ កាលពីវេលាម៉ោង១១និង៣០នាទីព្រឹកថ្ងៃទី២៣ ខែមករា ឆ្នាំ២០១៥ ក្រោយពីកូនៗម្ចាស់ផ្ទះបានដាំបាយទុកចោល ពេលដែលឪពុកម្តាយមិននូវផ្ទះ ហើយត្រូវកន្ទុយអូសធ្លាក់ពីចង្ក្រានបណ្តាលឲ្យឆេះរាយដាលរហូតដល់ឆេះផ្ទះទាំងមូលតែម្តង។ ផ្ទះដែលឆេះនេះនៅភូមិនៅភូមិអូរ ឃុំពន្លៃ ស្រុកបរិបូណ៍ ខេត្តកំពង់ឆ្នាំង ។
ប្រភពពីសមត្ថកិច្ចបានឲ្យដឹងថា៖ផ្ទះ១ខ្នងដែលត្រូវភ្លើឆេះនេះជារបស់ឈ្មោះ ឡេង គឹមម៉ប់ អាយុ៣១ឆ្នាំ មានប្រពន្ធឈ្មោះ ផាន ចាន់ឌឿន អាយុ៣៣ឆ្នាំ និងមានកូន៣នាក់នៅក្នុងបន្ទុក ។
សមត្ថកិច្ចដដែលបានឲ្យដឹងថា៖នៅមុនពេលកើតហេតុ ប្តីប្រពន្ឋដែលជាម្ចាស់ផ្ទះមិននៅផ្ទះទេ រវល់ទៅកាប់ឫស្សី ហើយពេលកូនត្រឡប់មកពីរៀនវិញ ដោយមិនបានឃើញឪពុកម្តាយនៅផ្ទះកូនក៏បានដាក់ដាំបាយចោល រួចក៏ដើរទៅណាបាត់ នៅវេលាម៉ោងកើតហេតុខាងលើ ប្រជាពលរដ្ឋដែលមានផ្ទះនៅជិតៗនោះក៍បានឃើញមានភ្លើងឆេះយ៉ាងសន្ធោសន្ធៅពីក្នុងផ្ទះ ដោយភ្លើងបានឆាបឆេះផ្ទះទាំងមូលអស់នៅហើយ ទើបអ្នកភូមិនិងម្ចាស់ផ្ទះមិនអាចជួយពន្លត់បាន ។
ទ្រព្យសម្បត្តិនិងសម្ភារដែលនៅក្នុងផ្ទះ ត្រូវភ្លើងឆេះទាំងអស់គ្មានសល់អ្វីឡើយ តែសំណាងដែរ ដែលមិនប៉ះពាល់ដល់ជីវិតមនុស្សណាម្នាក់ ឫរងរបួសឡើយ ៕ ស ន្យា
