ខេត្តកំពង់ចាម: ជនសង្ស័យប្រុសស្រី៥នាក់ត្រូវបានចាប់ខ្លួននៅផ្ទះជួល ដោយកំលាំងការិយាល័យនគរបាលប្រឆាំងគ្រឿងញៀណខេត្តកំពង់ចាម ពីបទរក្សាទុក ជួញដូរ និងចែកចាយថ្នាំញៀណ។ ប្រតិបត្តការពទ្ធ័ផ្ទះជួលចាប់ឃាត់ខ្លួនជនសង្ស័យខាងលើ ធ្វើរឡើងកាលពីវេលាម៉ោង១០និង៣០នាទីព្រឹកថ្ងៃទី២៦ ខែមករា ឆ្នាំ២០១៥ នៅក្នុងភូមិជង្ហុក ឃុំអំពិល ស្រុកកំពង់សៀម ខេត្តកំពង់ចាម។
លោកវរសេនីយ៍ទោ សោម រស់ នាយការិយាល័យនគរបាលប្រឆាំងគ្រឿងញៀណនៃស្នងការដ្ឋាននគរបាលខេត្តកំពង់ចាមបានឲដឹងថា បន្ទាប់ពីមានការណែនាំចង្អុលបង្ហាញ ពីលោក ឧត្តមសេនីយ៍ស្នងការ បែន រត្ន័ ក្នុងការអនុវត្ត តួនាទី ភារកិច្ច ពិសេស យកចិត្តទុកដាក់ អនុវត្តគោលនយោបាយ ភូមិ-ឃុំមានសុវត្ថិភាព ឲកាន់មានមានប្រសិទ្ធភាពថែមទៀតនោះ
កំលាំងនគរបាលប្រឆាំងគ្រឿងញៀណដឹកនាំដោយលោក បានបើកប្រតិបត្តការស្រាវជ្រាវរហូតកំណត់មុខសញ្ញាបាននិងឈានទៅចាប់ខ្លួនជនសង្ស័យខាងលើបានសំរេច ហើយការចាប់ឃាត់ខ្លួននូវមុខសញ្ញាជនសង្ស័យជួញដូរថ្នាំញៀណខាងលើនេះ ក៏ បានការឯកភាពផ្នែកផ្លូវច្បាប់ពីតំណាងអយ្យការ គឺលោក ប្លង់ សុផល ព្រះរាជអជ្ញារងអមសាលាដំបូងខេត្តកំពង់ចាមផងដែរ។
លោកបន្តឲដឹងថា ជនសង្ស័យទី១មានឈ្មោះ ឈាង ថេត ភេទប្រុស អាយុ២៦ឆ្នាំ រស់នៅថ្នល់បែកលិច ឃុំស្វាយទាប ស្រុកចំការលើ,ទី២ ឈ្មោះ បូ ណារ៉ា ភេទប្រុស អាយុ៣១ឆ្នាំ នៅភូមិ-ឃុំស្វាយទាប ស្រុកចំការលើ ខេត្តកំពង់ចាម,ទី៣ ឈ្មោះ សេង រត្ន័ ភេទស្រី អាយុ២៧ឆ្នាំ រស់នៅភូមិស្លា ឃុំជាំក្រវៀន ស្រុកមេមត់ ខេត្តត្បូងឃ្មុំ,ទី៤ អីុម សោភណ្ឌ័ ភេទស្រី អាយុ២៧
ឆ្នាំ នៅភូមិថ្លុកក្រវ៉ាន់ ឃុំបុសខ្នុរ ស្រុកចំការលើ,ទី៥ ឈ្មោះ ជុំ សុខុម ហៅនី ភេទស្រី អាយុ៣៦ឆ្នាំ នៅភូមិ៨៧ ឃុំជប់ ស្រុក-ខេត្តត្បូងឃ្មុំ។ ក្នុងនោះយើងរិបអុសវត្ថុតាង ថ្នាំញៀណប្រភេទម្សៅក្រាមពណ៍ស បាន ២៩កញ្ចប់(ធំ៣កញ្ចប់តូច២៦កញ្ចប់) លុយមួយចំនួនធំ ម៉ូតូ២គ្រឿង ទូរសព្ទ័ដៃ៥គ្រឿង រួមនិងសំភារវេចខ្ចប់ ជក់ មួយចំនួនធំ។
លោកក៏បានបញ្ជាក់ឲដឹងដែរថា ករណីនេះជនសង្ស័យរួមនិងវត្ថុតាង ត្រូវបានកំលាំងជំនាញកំពុងសើុបសួរស្រាវជ្រាវដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់៕
