កំពង់ឆ្នាំង៖យុវជនម្នាក់គ្រាន់តែបងប្អូនស្តីបន្ទោសអោយរឿងជិះម៉ូតូដួល បានសំរេចចិត្តយកថ្នាំបាញ់កក់មកផឹកសំលាប់ ត្រូវបានបងប្អូនដឹងទាន់ ដឹកយកមកធ្វើការសង្គ្រោះបន្ទាន់នៅមន្ទីរពេទ្យបង្អែកខេត្តភ្លាមៗ ។ ហេតុការភ្ញាក់ផ្អើលនេះបានកើតឡើងនៅវេលាម៉ោង៤និង៣០នាទីល្ងាចថ្ងៃទី២៥ ខែមករា ឆ្នាំ២០១៥ នៅនិងផ្ទះរបស់ជនរងគ្រោះស្ថិតនៅក្នុងភូមិកោះលត ឃុំកោះថ្កូវ ស្រុកជល់គីរី ខេត្តកំពង់ឆ្នាំង ។
យុវជនដែលសំរេចចិត្តផឹកថ្នាំបាញ់កក់សម្លាប់ខ្លួនខាងលើនេះមានឈ្មោះ តេង សម្បតិ្ត អាយុ១៩ឆ្នាំ មានឪពុកឈ្មោះ តេង តុន ម្តាយឈ្មោះ ទំ ពឿន មានមុខរបធ្វើស្រែនិងចំការ ពួកគេរស់នៅក្នុងភូមិឃុំខាងលើ ។
បងប្អូនយុវជនចិត្តខ្លាំងដែលបានផឹកថ្នាំបាញ់កក់ខាងលើបាននិយាយនៅអោយដឹងនៅក្នុងមន្ទីពេទ្យខេត្តថា៖នៅមុនពេលកើតហេតុយុវជនរងគ្រោះខាងលើបានទៅបាញ់ថ្នាំកក់នៅឯស្រែប្រាំង លុះដល់ពេលត្រឡប់មកផ្ទះវិញបានជិះម៉ូតូរបស់បងថ្លៃមកហើយបានដួលបែកកាបាំងម៉ូតូ ដល់ពេលមកដល់ផ្ទះវិញ បងថ្លៃបានសួរនាំនិងស្តីបន្ទោសអោយបន្តិចបន្ទួច រួចយុវជនរងគ្រោះខាងលើបានដើរឡើងទៅលើផ្ទះ ដោយសម្ងំផឹកថ្នាំបាញ់កក់តែម្នាក់ឯង។
បងប្អូនយុវជនរងគ្រោះខាងលើបានអោយដឹងបន្ថែមទៀតថា៖ដោយបាត់យុវជនរងគ្រោះយូរមិនឃើញចុះមកដីវិញនិងដោយមានការសង្ស័យផងនោះ ក្រុមគ្រួសារក៏បាននាំគ្នាឡើងទៅលើផ្ទះមើល ហើយក៏បានឃើញយុវជនរងគ្រោះដេកប្រកាច់បែកពពុះមាត់ ដោយមានដបថ្នាំបាញ់កក់នៅជិតខ្លួនផងភ្លាមៗនោះ ឃើញដូចនេះក្រុមគ្រួសារក៏បាននាំគ្នាដឹកជនរងគ្រោះតាមកាណូតមករករថយន្តដឹកបន្ត ដើម្បីមកកាន់មន្ទីពេទ្យខេត្ត អោយជួយសង្គ្រោះ។
តែមកដល់ពេលនេះ គេនៅមិនទាន់ដឹងថា យុវជនរងគ្រោះអាចរួចផុតពីការស្លាប់បានឬយ៉ាងណានោះនៅឡើយ ព្រោះយុវជនរងគ្រោះគេបានផឹកថ្នាំបាញ់កក់អស់ច្រើនណាស់ គឺមានធំក្លិនជ្រាបពេញខ្លួនទៅហើយ នៅពេលនេះក្រុមគ្រួពេទ្យកំពុងយកចិត្តទុកដាក់ ផងដែរ៕
