កំពង់ឆ្នាំង៖យុវជនម្នាក់រួមនិងឧបករណ៍ឆក់ត្រី ត្រូវបានអាជ្ញាធមូលដ្ឋាននិងសហគមន៍នេសាទធ្វើការឃាត់ចាប់បានភ្លាមៗ ខណះដែលជនល្មើសកំពុងតែធ្វើសកម្មភាពនៅក្នុងតំបន់អភិរក្ស័បឹងភក់ ។ ករណីបង្ក្រាបបទល្មើសខាងលើនេះបានធ្វើឡើងនៅវេលាម៉ោង៩និង៣០នាទីព្រឹកថ្ងៃទី២៥ ខែមករា ឆ្នាំ២០១៥ កន្លងមកនៅចំណុចបឹងអភិរក្ស័បឹងភក់ស្ថិតក្នុងភូមិអង្គជ្រុំ ឃុំកោះថ្កូវ ស្រុកជល់គិរី ខេត្តកំពង់ឆ្នាំង។
ជនល្មើសខាងលើនេះត្រូវបានសមត្ថកិច្ចប្រាប់អោយដឹងថា៖ឈ្មោះ ផន សុគុន្ធា អាយុ២៣ឆ្នាំ រស់នៅក្នុងភូមិឃុំស្រុកខាងលើ មានមុខរបមិនពិតប្រាកដ។នៅក្នុងការបង្ក្រាប ជនល្មើសឆក់ត្រីខាងលើ សមត្ថកិច្ចបាននិយាយអោយដឹងថា៖នៅមុនពេលឈានដល់ការបង្ក្រាបបងល្មើសនេះខាងសហគមន៍នេសាទនិងអាជ្ញាធមូលដ្ឋាន បានទទួលពត៏មានពីប្រជាពលរដ្ឋថា មានជនល្មើសកំពុងធ្វើការឆក់ត្រីនៅក្នុងតំបន់អភិរក្ស័បឺងភក់ ភ្លាមៗនោះ លោកក៏បានរាយការណ៏ជូនលោកមេឃុំនិងលោកអភិបាលស្រុក រួចបាននាំកំលាំងចុះធ្វើការបង្ក្រាបបានភ្លាមៗផងដែរ
។ នៅក្នុងការបង្ក្រាបខាងលើនោះ សមត្ថកិច្ចដកហូតបាន ទូកមួយគ្រឿង អាគុយ៤០អំពែរមួយគ្រឿង ក្បាលអាំងវែទ័ឆក់ត្រីមួយគ្រឿង សាងចាក់ត្រីមួយ ដងឆក់ត្រីមួយគូរ និងត្រី៧គីឡូក្រាម។
បន្ទាប់ពីធ្វើការឃាត់ខ្លួន សមត្ថកិច្ចបាននាំយកជនល្មើសមកកាន់ប៉ុស្តិ៏នគរបាលរដ្ឋបាលឃុំ ដើម្បីធ្វើការសាកសួរ រួចនៅព្រឹកថ្ងៃទី២៦ ខែមករា ឆ្នាំ២០១៥ និងនាំយកមកប្រគល់អោយផ្នែករដ្ឋបាលជលផលកំពង់ប្រាសាទ កសាងឯកសារ បញ្ជូនបន្តមកខណ្ឌ័រដ្ឋបាលជលផលកំពង់ឆ្នាំង ចាត់ការបន្តតាមនិតិវិធីច្បាប់។
គួរបញ្ជាក់ផងដែរថា៖នៅក្នុងច្បាប់ស្តីពីជលផលត្រង់មាត្រា៩៨ ចំណុច៤បានចែងថា ជនល្មើសដែលប្រើប្រាស់ឧបកណ៍ឆកត្រី ត្រូវជាប់ទោសពី៣ឆ្នាំទៅ៥ឆ្នាំ ក្នុងនោះសម្ភារះត្រូវរឹបអូសជាសម្បិត្តរដ្ឋ៕
