ភ្នំពេញ ៖ ជនជាប់ចោទ៣នាក់ ដែលបច្ចុប្បន្នមានតែម្នាក់កំពុងជាប់ពន្ឋនាគារ ត្រូវបានសាលា ឧទ្ឋរណ៍កាលពីថ្ងៃទី១៩ ខែមីនា ឆ្នាំ២០១៤ កាត់ទោសពីបទជួញដូរមនុស្សដោយមានគោលដៅ ពាក់ព័ន្ឋនឹងការអូសទាញនារី២នាក់ទៅធ្វើស្រីពេស្យាចារនៅប៉ោយប៉ែត បន្ទាប់ពីជនជាប់ចោទទាំង អស់ត្រូវបានតុលាការថ្នាក់ក្រោមផ្តន្ទាទោសក្នុងម្នាក់ៗ៧ឆ្នាំ តែពួកគេបានប្តឹងឧទ្ឋរណ៍ ។
សំណុំ រឿងនេះ គឺបានកើតឡើងកាលពីថ្ងៃទី៩ ខែធ្នូ ឆ្នាំ១៩៩៩ ស្ថិតនៅភូមិត្រពាំងស្មាច់ ឃុំត្របែក ស្រុករមាសហែក ខេត្តស្វាយរៀង ។ ជនជាប់ចោទដែលបច្ចុប្បន្នត្រូវបានតុលាការឃុំខ្លួនដាក់ពន្ឋនាគារឈ្មោះ ចាន់ ថៃ អាយុ៥៦ឆ្នាំ ។ ចំណែក២នាក់ទៀត ដែលពុំទាន់ត្រូវបានចាប់ខ្លួនឈ្មោះ មាស គយ ភេទស្រី អាយុ៣៤ឆ្នាំ និង ឈ្មោះ សួស ស៊ុយ ភេទប្រុស ។
ជនទាំង៣នេះ ត្រូវបានតុលាការខេត្តស្វាយរៀង ផ្តន្ទាទោសក្នុងម្នាក់ៗ ៧ឆ្នាំ ពីបទជួញដូរមនុស្សដោយមានគោលដៅ តាមមាត្រា១៥ នៃច្បាប់ ស្តីការជួញដូរមនុស្សនិងអំពើ ធ្វើអាជីវកម្មផ្លូវភេទ ។
ប៉ុន្តែការសម្រេចនេះ ត្រូវបានឈ្មោះ ចាន់ ថៃ ប្តឹងឧទ្ឋរណ៍ ។ លោកចៅក្រម ងួន អ៊ីម បានថ្លែងក្នុងសវនាការថា កាលពីថ្ងៃទី៩ ខែធ្នូ ឆ្នាំ១៩៩៩ ជនជាប់ចោទទាំង៣នាក់ បានអូសទាញនារីរងគ្រោះចំនួន២នាក់ ទៅធ្វើការងារនៅប៉ោយប៉ែត ។
ប៉ុន្តែពេលដល់គោលដៅ ស្រាប់តែក្រុមជនជាប់ចោទបាននាំនារីរងគ្រោះទាំង២នាក់ ទៅលក់នៅផ្ទះ បនមួយកន្លែងដែលមានម្ចាស់ឈ្មោះ មុំ ជាប្រពន្ឋ និងប្តីឈ្មោះ ឡុង ក្នុងតម្លៃ៤០០០បាត ។ ក្រោយមកអង្គការសង្គ្រោះ ស្ត្រីមានវិបត្តិនៅកម្ពុជា បានជួយរំដោះនារីរងគ្រោះទាំង២នាក់នេះ រួចក៏រៀបចំពាក្យបណ្តឹងប្តឹងក្រុម ជនល្មើសតែម្តង ។
តំណាងមហាអយ្យការអមសាលាឧទ្ឋរណ៍ លោក ហ៊ាន រិទ្ឋ បានសន្និដ្ឋានថា បណ្តឹងឧទ្ឋរណ៍ របស់ជនជាប់ចោទធ្វើឡើងតាមទម្រង់ច្បាប់ ហើយជនជាប់ចោទក៏បានឆ្លើយបដិសេធគ្រប់ដំណាក់ កាល តែយោងតាមចម្លើយរបស់ជនរងគ្រោះនិងសាក្សីមួយចំនួនមានភាពស៊ីសង្វាក់គ្នា ដើម្បីដាក់ បន្ទុកលើជនជាប់ចោទ ។ ដូច្នេះសំណូមពរតុលាការសម្រេចទៅតាមច្បាប់ ។
ពាក់ព័ន្ឋការចោទប្រកាន់នេះ ពេលចេញពីបន្ទប់សវនាការ ជនជាប់ចោទឈ្មោះ ចាន់ ថៃ បានបដិសេធ ថា ………… ( សម្លេងនិងរូបភាព ) ។ ចំណែកលោក អៀន សំអាត មេធាវីការពារសិទ្ឋិជនជាប់ចោទ បាននិយាយថា ………….(មានតែសម្លេង ) ។ ចំណែកនារីរងគ្រោះទាំង២នាក់មិនអាចទាក់ទងបានទេ ដោយសារពួកគេគ្មានវត្តមានក្នុង សវនាការ ។ ទោះបីយ៉ាងណាក្រោយការសួរដេញដោល សាលាឧទ្ឋរណ៍ បានលើកពេលប្រកាស សាលដីកាទៅថ្ងៃទី២៧ ខែមីនា ឆ្នាំ២០១៤ខាងមុខនេះវិញ ៕ 
