ប៉ូលិលហ្វីលីពីន៣០នាក់បាត់បង់ជីវិត ក្នុងសកម្មភាពបាញ់ប្រហារនៅភាគ ខាងត្បូង
យ៉ាងហោចណាស់ប៉ូលិសហ្វីលីពីន ៣០នាក់បានបាត់បង់ជីវិត នៅក្នុងសមរ ភូមិជាមួយខ្មាន់កាំភ្លើងសង្ស័យថា ជា ក្រុមសកម្មប្រយុុទ្ធដើម្បីសេរីភាពអ៊ិស្លាម Bangsamoro(BIFF) និងខ្មាន់កាំភ្លើង របស់ក្រុមរណសិរ្សរំដោះអ៊ិស្លាមMoro (MILF) ស្ថិតនៅខេត្ដ Maguindanao ភាគខាងត្បូងកាលពីថ្ងៃទី២៥ ខែមករា ឆ្នាំ២០១៥ ។
ប៉ូលិសបានបញ្ជាក់ថា ការប្រយុទ្ធ បានចាប់ផ្ដើមនៅពេលព្រឹកព្រលឹម ស្ថិតនៅក្នុងទីប្រជុំជនMamasapano។ ប៉ូលិសដែលបាត់បង់ជីវិតទាំងនោះស្ថិត នៅក្នុងជួរកងកម្លាំងសកម្មភាពិសេស នៃប៉ូលិសជាតិហ្វីលីពីន ។
អ្នកនាំពាក្យកម្លាំងយោធាហ្វីលីពីន លោក Restituto Padilla បានថ្លែងថា ភ្លាមៗ កម្លាំងទាហានត្រូវដាក់ពង្រាយ និងស្វែងរកជនរងគ្រោះដែលបាត់បង់ ជីវិត ហើយមកដល់រសៀលថ្ងៃដដែល គេបានរកឃើញសាកសព៩នាក់ ក្នុង ចំណោមជាង៣០នាក់ដែលត្រូវស្លាប់ ។
ប្រភពបានបន្ដថា ប៉ូលិសបានចុះ ប្រតិបត្ដិការបោសសម្អាតតំបន់ដែល គ្មានសណ្ដាប់ធ្នាប់ និងការស្វែងរកចាប់ ខ្លួនផងដែរទើបមានការប៉ះទង្គិចកើត ឡើងបណ្ដាលឱ្យបាត់បង់ជីវិតបែបនេះ។
ប្រភពដដែលបន្ដថា ក្រុមសង្កេត ការណ៍អន្ដរជាតិ(IMT), ក្រុម AHJAG និងគណៈកម្មការសម្របសម្រួលដើម្បី រម្ងប់អំពើអរិភាព(CCCH) បានទៅ ដល់កន្លែងកើតហេតុដើម្បីសម្រប សម្រួលស្វែងរកដំណោះស្រាយចំពោះ ការប៉ះទង្គិចគ្នាប្រកបដោយហិង្សានេះ។
ក្រុមIMT, AHJAG និងក្រុម CCCH គឺជាយន្ដការដែលរួមចំណែកនៅក្នុង ដំណើរការចុះកិច្ចព្រមព្រៀងសន្ដិភាព ជាមួយក្រុមMILF ។
រដ្ឋាភិបាលហ្វីលីពីន និងក្រុមឧទ្ទាម MILF បានចុះហត្ថលេខាលើកិច្ចព្រម ព្រៀងសន្ដិភាពកាលពីខែមីនា ឆ្នាំ២០១៤ ដើម្បបញ្ចប់ជម្លោះប្រដាប់អាវុធដែល អូសបន្លាយរយៈពេលវែងស្ថិតនៅភាគ ខាងត្បូងហ្វីលីពីន ។
ប្រភពស្នើមិនបញ្ចេញឈ្មោះបានឱ្យ ដឹងថា ក្រុមឧទ្ទាមដែលរស់នៅគ្មាន ច្បាប់ទម្លាប់នោះមានរួមបញ្ចូលគ្នាទាំង សមាជិកក្រុម MILF និងក្រុម BIFF។ ប្រភពបន្ដថា ខាងយោធាកំពុងត្រួត ស៊ើបអង្កេតទៅលើព័ត៌មាននេះថា តើ ពិតដែរឬយ៉ាងណា ។
ក្រុមឧទ្ទាមBIFF ជាក្រុមដែលបំបែក ចេញពីក្រុម MILF កាលពីឆ្នាំ២០១០ ដោយសារតែមិនពេញចិត្ដនៅក្នុងកិច្ច ចរចាសន្ដិភាពជាមួយរដ្ឋាភិបាល 9
