យ៉ាងហោចណាស់មនុស្ស១៨នាក់ បានបាត់បង់ជីវិតកាលពីថ្ងៃទី២៥ ខែ មករា ឆ្នាំ២០១៥ នៅក្នុងការធ្វើបាតុកម្ម យ៉ាងបង្ហូរឈាមមួយកើតឡើងនៅក្នុង ប្រទេសអេហ្ស៊ីប ចាប់តាំងពីលោក Abdel Fattah al-Sisi ត្រូវជ្រើសរើសឱ្យ ធ្វើជាប្រធានាធិបតី។ កម្លាំងសន្ដិសុខ បានបាញ់ប្រហារទៅលើហ្វូងបាតុករដែល កំពុងប្រារឰពិធីរំលឹកខួបថ្ងៃធ្វើរដ្ឋប្រហារ ទម្លាក់លោក ហូស្នី មូបារ៉ាក់ ក្នុងឆ្នាំ ២០១១ ។
ស្នូរគ្រាប់កាំភ្លើងផ្ទុះ និងរថយន្ដ សារ៉ែនបានលាន់ឮយ៉ាងកងរំពងតាំងពី ពេលថ្ងៃរហូតដល់ពេលយប់ ខណៈដែល កងសន្ដិសុខប្រដាប់ដោយអាវុធបាន សម្រុកចូលទៅកាន់មជ្ឈមណ្ឌលក្នុងទី ក្រុងដែលទីនេះជាថ្មីម្ដងទៀត កម្លាំងសន្ដិ សុខបានប្រើសិទ្ធិស្របច្បាប់បង្ក្រាបទៅ លើប្រជាពលរដ្ឋ។ អ្នកនាំពាក្យក្រសួង សុខាភិបាលអេហ្ស៊ីបបានថ្លែងថា យ៉ាង ហោចណាស់មនុស្ស១៨នាក់បានបាត់ បង់ជីវិតនៅក្នុងរលកបាតុកម្មទូទាំង ប្រទេសលើកនេះ ។
ការប្រារឰពិធីខួបនេះជាការសាក ល្បងឱ្យឃើញថា តើក្រុមអ៊ិស្លាមនិយម និងក្រុមសកម្មជនសិរីនិយមមានវិធីនៅ ក្នុងការទប់ទល់ប្រឆាំងបានដោយវិធីណា ជាមួយរដ្ឋាភិបាលដែលពីមុនជានាយ ឧត្ដមសេនីយ៍Sisi ហើយបានធ្វើរដ្ឋ ប្រហារទម្លាក់ប្រធានាធិបតី មូហាម៉េដ មឺស៊ី នៅក្នុងខែកក្កដា ឆ្នាំ២០១៣ ក្រោយមហាបាតុកម្មប្រឆាំងការកាន់ អំណាចរបស់លោកនោះ ។
ខ្មាន់កាំភ្លើងជិះក្នុងរថយន្ដបានបាញ់ ប្រហារទៅលើកងសន្ដិសុខដែលកំពុង ត្រួតពិនិត្យសន្ដិសុខនៅប៉ុស្ដិ៍ក្បែរវិមាន Pyramid បណ្ដាលឱ្យស្លាប់ប៉ូលិស២នាក់ ហើយការបំផ្ទុះគ្រាប់បែកបានបណ្ដាល ឱ្យរងរបួសប៉ូលិស២នាក់ថែមទៀតស្ថិត នៅខាងក្រៅក្លិបកីឡាក្នុងទីក្រងកៃរ៉ូផង ដែរ។ នេះបើតាមការបញ្ជាក់ពីកង សន្ដិសុខ។
នៅអំឡុងពេលថ្ងៃ កម្លាំងបង្ក្រាប បាតុកម្មអមដោយកម្លាំងទាហានប្រដាប់ ដោយរថយន្ដបំពាក់អាវុធបានបិទផ្លូវជា ច្រើនកន្លែង ដោយក្នុងនោះមានផ្លូវឆ្ពោះ ទៅកាន់ទីលាន Tahrir Square ក្នុងទី ក្រុងកៃរ៉ូដែលជាទីតាំងនិមិត្ដរូបដល់ការ ធ្វើបដិវត្ដន៍នៅក្នុងឆ្នាំ២០១១ផងដែរ ។
ការបាត់បង់ជីវិតច្រើនជាងទៀតនោះ គឺស្ថិតនៅជាយក្រុងកៃរ៉ូតំបន់ Matariya ដែលជាទីតាំងរស់នៅរបស់ក្រុមអ្នក គាំទ្រគណបក្សបងប្អូនអ៊ិស្លាម។ សាក្សី បានឱ្យដឹងថា កម្លាំងពិសេសរបស់ អេហ្ស៊ីបបានបាញ់កាំភ្លើងទៅលើហ្វូង បាតុករ ហើយបើតាមក្រសួងសុខាភិបាល បញ្ជាក់ថា មនុស្ស៨នាក់ក្នុងនោះមាន ប៉ូលិសម្នាក់ផងដែរបានបាត់បង់ជីវិត ។
ប្រជាពលរដ្ឋនៅក្នុងតំបន់Matariya បាននាំគ្នាស្រែកពាក្យស្លោកថា «បរាជ័យ ពួកកាន់អំណាចយោធា» និង«បដិវត្ដផ្ទុះ ឡើងទៀតហើយ»។ ប្រភពពីកងសន្ដិ សុខបញ្ជាក់ថា មនុស្ស៦នាក់បានស្លាប់ នៅក្នុងការធ្វើបាតុកម្មហិង្សាកើតឡើង នៅទីក្រុងធំលំដាប់ទី២របស់អេហ្ស៊ីបគឺ ទីក្រុងAlexandria, ការធ្វើបាតុកម្មនៅ តំបន់ Giza និងនៅតំបន់Baheira ខេត្ដ Nile Delta ខាងក្រៅទីក្រុងកៃរ៉ូផងដែរ9
