ក្រុមអ៊ិស្លាមបង្កើតរដ្ឋ IS កាលពីថ្ងៃ ទី២៥ ខែមករា បានបញ្ជាក់ថា ខ្លួនបាន សម្លាប់ចំណាប់ខ្មាំងជប៉ុនម្នាក់ ក្នុង ចំណោមពីរនាក់ដែលពួកគេបានចាប់ នាពេលកន្លងមកនោះ ។ ការប្រហារ ជីវិតដោយកាត់ក្បាលចំណាប់ខ្មាំងជប៉ុន ខាងលើនេះបង្កឱ្យខឹងសម្បារ និងមិន អាចអត់ឱនបានពីសំណាក់នាយករដ្ឋ មន្ដ្រីស៊ីនហ្សូ អាបេ ។
ក្រុមអ៊ិស្លាមបង្កើតរដ្ឋ ចាប់តាំងពី ខែសីហា ឆ្នាំ២០១៤មកទល់ពេលនេះ បានសម្លាប់ដោយក្បាលទាំងរស់នូវ ចំណាប់ខ្មាំងលោកខាងលិចអស់៥នាក់ ហើយ ក្នុងនោះចំណាប់ចុងក្រោយមាន ឈ្មោះ Haruna Yukawa ជាជនជាតិ ជប៉ុននោះ ។
កាលពីចុងសបា្ដហ៍មុន ខ្សែវីដេអូ មួយបានផ្សព្វផ្សាយពាសពេញពិភព លោកបង្ហាញឱ្យឃើញពីចំណាប់ខ្មាំង ជប៉ុន២នាក់ត្រូវក្រុមអ៊ិស្លាមបង្កើតរដ្ឋ ចាប់បាន ហើយគំរាមសម្លាប់ និងទារ ប្រាក់លោះពីរដ្ឋាភិបាលជប៉ុន២០០លាន ដុល្លារក្នុងរយៈពេល៧២ម៉ោង ជាថ្នូរនឹង ការដោះលែង ។ ប៉ុន្ដែមកដល់ពេលនេះ ក្រុមអ៊ិស្លាមបង្កើតរដ្ឋបានសម្លាប់ ចំណាប់ខ្មាំងអស់ម្នាក់ហើយ នៅសល់ តែចំណាប់ខ្មាំងម្នាក់ឈ្មោះ Kenji Goto តែប៉ុណ្ណោះ ។
អ្នកនាំពាក្យរដ្ឋាភិបាលជប៉ុន លោក Yoshihide Suga បានថ្លែងថា វីដេអូ ស្ដីអំពីការប្រហារជីវិតចំណាប់ខ្មាំងជប៉ុន ខាងលើនេះ ពិតជាមានប្រាកដមែន ។ ទោះយ៉ាងណា នៅពេលនេះរដ្ឋាភិបាល នៅតែមានចម្ងល់សង្ស័យទៅលើវីដេអូ នេះថា ពិតជារបស់ក្រុមអ៊ិស្លាមបង្កើត IS ដែរឬយ៉ាងណា ។
លោក Suga បានបន្ដថា ជប៉ុន កំពុងធ្វើសហប្រតិបត្ដិការជាមួយហ្ស៊ក ដង់ និងបណ្ដាប្រទេសដទៃទៀតដើម្បី ធានាដល់ការដោះលែងប្រកបដោយ សុវត្ថិភាពចំណាប់ខ្មាំងម្នាក់ទៀតដែល នៅមិនទាន់ប្រហារជីវិត ។ ប៉ុន្ដែជប៉ុន នៅមិនទាន់ដោយផ្ទាល់ជាមួយក្រុមអ្នក ចាប់ជំរិតនៅឡើយ ។
នាយករដ្ឋមន្ដ្រីជប៉ុន លោកស៊ីនហ្សូ អាបេបានកោះប្រជុំគណៈរដ្ឋមន្ដ្រីភ្លាមៗបន្ទាប់ពីវីដេអូប្រហារជីវិតចំណាប់ខ្មាំង របស់ជប៉ុន ។ ជប៉ុនចាត់ទុកថា ការ សម្លាប់នេះពិតជារឿងមួយដែលមិន អាចអត់ឱនឱ្យបានឡើយ 9
