ភ្នំពេញ៖ មានហេតុការណ៍គ្រោះថ្នាក់ចរាណ៍មួយបង្កឡើងដោយម៉ូតូ២គ្រឿងបុកគ្នាពេញទំហឹងត្រង់ចំណុចផ្លូវកែងបណ្ដាលឲ្យរងការខូចខាតទាំងសងខាង កាលពីវេលាម៉ោង២និង១០នាទីរំលងអាធ្រាត្រឈានចូលថ្ងៃទី២១ ខែមិនា ឆ្នាំ២០១៤ នៅចំណុចផ្លូវលេខ១៣០កែងផ្លូវ១៣ ស្ថិតក្នុងសង្កាត់ផ្សារកណ្ដាលទី១ ខណ្ឌដូនពេញ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជនម្នាក់ស្រវឹងស្រាជោគជិះម៉ូតូមួយគ្រឿងម៉ាកPCX ពណ៌ក្រហម ពាក់ភ្នំពេញ1CF-3306 ធ្វើដំណើរតាមបណ្ដោយផ្លូវលេខ១៣ ក្នុងទិសដៅពីជើងទៅត្បូងលុះមកដល់ចំណុចកើតហេតុស្រាប់តែមានម៉ូតូហ្វីណូ ពណ៌ក្រហម ពាក់ស្លាកលេខ 1BD-4669 ធ្វើដំណើរតាមបណ្ដោយផ្លូវលេខ១៣០ ក្នុងទិសដៅពីកើតទៅលិចបានជ្រុលបុកពេញទំហឹងបណ្ដាលឲ្យរងការខូចខាតទាំងសងខាង។
ក្រោយពេលកើតហេតុភាគីទាំងសងខាងបានតឹងសសៃកដាក់គ្នាជាងកន្លះម៉ោង ហើយសមត្ថកិច្ចក៏បានធ្វើការសម្របស្រួលគ្នាដោយអោយភាគីទាំងសងខាងយកម៉ូតូទៅជួសជុលរៀងៗខ្លួន ៕
