ភ្នំពេញ ៖ នគរបាលប៉ុស្តិ៍ចោមចៅឃាត់ខ្លួនយុវជនម្នាក់បន្ទាប់ពីរួបគេនិងបក្ខពួកដេញកាប់គ្នាតាមដងផ្លូវធ្វើផ្អើលដល់ប្រជាពលរដ្ឋដែលនៅក្បែរកាលពីវេលាម៉ោង២៣និង១០នាទីយប់ថ្ងៃទី២០ខែមិនាឆ្នាំ២០១៤នៅចំណុចមុខប្រេងឥន្ទៈតេលាតាមបណ្ដោយផ្លូវវែងស្រេង ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
សមត្ថកិច្ចបានឲ្យដឹងថាមុនពេលកើតហេតុយុវជនខាងលើនិងបក្ខពួកបានយកដាវសាំម៉ូរៃមួយដើមបានដេញកាប់គ្នានិងយុវជនមួយក្រុមទៀតតាមដងផ្លួវធ្វើឲ្យផ្អើលដល់ប្រជាពលរដ្ឋដែលនៅក្បែរនិងសមត្ថកិច្ចភ្លាមនោះសមត្ថកិច្ចបានដេញឃាត់បានយុវជនម្នាក់ឈ្មោះ តូ បានភ្លាមៗតែម្តង។ ក្រោយពេលកើតហេតុសមត្ថកិច្ចបាននាំយុវជនខាងលើយកទៅនគរបាលបុស្តិ៍រដ្ឋចោមចៅដើម្បីធ្វើការអប់រំ៕
