បាត់ដំបង: នារីរងគ្រោះម្នាក់គឺនៅមានអាយុថ្លៃបំផុតដែលបានរស់ឡើងវិញបន្ទាប់ពីដេកហាលសន្សើមអស់រយ:ពេលពេញមួយយប់ ក្រោយពីខំធ្វើដំណើរស្កាត់ឡើងមកជួបប្រុសស្នេហ៍កាលពីព្រលប់ថ្ងៃទី26-1-15 ហើយត្រូវបានប្រុសស្នេហ៍រូបនោះរៀបផែនការសំលាប់ដោយធ្វើសកម្មភាពវាយទំលាក់ទឹកស្រះ និងច្របាច់ ក អូសយកទៅចោលនៅកណ្តាលវាលស្រែខាងកើតតំបន់ប្រតិបត្តិការសឹករងខេត្ត ស្ថិតក្នុងភូមិវត្តគរ សង្កាត់វត្តគរ ក្រុង
ខេត្តបាត់ដំបង រួចមក ។ស្ថិតនៅក្នុងមន្ទីរពេទ្យដែលប្រកបដោយស្ថានភាពធ្ងន់ធ្ងរនោះនារីរងគ្រោះឈ្មោះ សឿន ចន្ធូអាយុ20ឆ្នាំ រស់នៅភូមិកំពង់ឆ្នាំង1 ឃុំបវេល ស្រុកបវេល ខេត្តបាត់ដំបង បានរៀបរាប់ទាំងលំបាកដើម្បីប្តឹងទៅសមត្ថកិច្ចថា រូបនាងបានទំនាក់ទំនងស្នេហាជាមួយនឹងយុវជនម្នាក់ឈ្មោះ អ៊ាន ច័ន្ទមុនីហៅណុយ អាយុ19ឆ្នាំ រស់នៅភូមិភ្នំរៃ ឃុំតាតោក ស្រុកសំឡូត និងជានិស្សិត UME បាត់ដំបងអស់រយ:ពេលជាយូរមកហើយ ។
> នារិរងគ្រោះបានរៀបរាប់បន្តថា ក្នុងរយ:ពេលនៃការទំនាក់ទំនងគ្នានេះគឺសង្សាររបស់នាង
> បានបោកយករបស់របរនាងទៅលក់អស់មួយចំនួនទៅហើយដូចជា ខ្សែដៃ និងចិញ្ចៀនជាដើម ប៉ុន្តែការស្រលាញ់នៅតែស្រលាញ់ដដែលដោយមិនមានការអាក់អន់ចិត្តអ្វីឡើយ ។
លុះនៅរសៀលថ្ងៃទី26-1-15 ប្រុសស្នេហ៍ក៏បានទូរស័ព្ទទៅនាងដោយបាននិយាយថាអោយនាងឡើងមកបាត់ដំបងដើម្បីជួបគាត់នឹងទទួលយកខ្សែដៃ និងចិញ្ចៀននោះវិញ ដោយគាត់បានទិញអោយវិញហើយ ពេលនោះនាងក៏បានធ្វើដំណើរឡើងមកតាមពាក្យរបស់គាត់តាមរយ:ម៉ូតូរបស់នាងម៉ាកDream013 ព៌ណខ្មៅពាក់ស្លាកលេខបាត់ដំបង 1N 9286 ទីបំផុត
ក៏បានជួបគាត់មែន តែគាត់មិនទាន់បានប្រគល់របស់ទាំងនោះនៅឡើយទេដោយគាត់បានបបួលនាងទៅដើរលែងនៅចំនុចអូរអណ្តូង ស្ថិតក្នុងស្រុករតន:មណ្ឌល លុះទៅដល់ម្តុំភ្នំសំពៅគាត់ក៏ឈប់ម៉ូតូហើយដើរចូលទៅទិញបាកាស់មួយកំប៉ុងដោយបង្ខំអោយនាងផឹកទាល់តែអស់ ទើបបន្តដំណើរទៅមុខទៀត ចាប់ពីពេលនោះហើយដែលរូបនាងហាក់មានអការ:ឈឺក្បាលបើកភ្នែកលែងចង់រួចដូចជាអស់ដៃអស់ជើងរលីង ស្រាប់តែគាត់បានដឹកនាងត្រឡប់មកបាត់ដំបងវិញដោយចូលទៅតាមផ្លូវលំខាងកើតសឹករងខេត្តហើយបានរុញនាងទំលាក់
> ចូលទៅក្នុងទឹកស្រះ តែនាងនៅមានស្មារតីក៏ស្រវាឡើងមកវិញតែត្រូវគាត់វាយនាងជាច្រើនកន្លែងលើរាងកាយព្រមទាំងច្របាច់ កនាងដើម្បីសំលាប់ដោយចាប់ពីពេលនោះមកគឺនាងលែងដឹងខ្លួនរហូតដល់ម៉ោងប្រហែល4ទៀបភ្លឺស្រាប់តែនាងបានដឹងខ្លួនឡើងវិញក៏ខំប្រឹងដើរសួរគេដើម្បីរកម៉ូតូព្រមទាំងបានសុំខ្ចីទូរស័ព្ទគេតេទៅប្រាប់ម្តាយអំពីហេតុការដែលបានកើតឡើង ទើបមានការភ្ញាក់ផ្អើលដល់សមត្ថកិច្ចក៏មានការអន្តរាគមន៍និងជួយជូននាងទៅមន្ទីរពេទ្យដើម្បីសង្គ្រោះ ។ដោយឡែកកំលាំងបង្ការ បង្ក្រាប នៃស្នងការដ្ឋាននគរបាលខេត្តបាន
លើកឡើងថា នៅយប់នោះកំលាំងបានចេញប្រតិបត្តិការគ្រប់ច្រកល្ហកក៏បានប្រទះឃើញម៉ូតូមួយគ្រឿងដែលជនសង្ស័យទុកចោលនៅខាងក្រោយស្នងការដ្ឋានក្នុងភូមិរំចេក3 ប្រហែលជាម៉ោង12,30នាទីរំលងអធ្រាត ឈានចូលថ្ងៃទី27-1-15នៅពេលដែលជនសង្ស័យប្រទះឃើញសមត្ថកិច្ចទើបកំលាំងបាននាំយកមករក្សាទុកនៅការិយាល័យដើម្បីស្រាវជ្រាវ ប៉ុន្តែនៅប្រហែលម៉ោង10ព្រឹកទើបកំលាំងអធិការក្រុងឃាត់ខ្លួនជនសង្ស័យបាននៅចំនុចក្បែផ្សារបឹង
ឈូកយកមកធ្វើការសាកសួរ ទើបដឹងថានេះជាករណីឃាតកម្មគិតទុកជាមុនដើម្បីប្លន់ម៉ូតូសង្សាររបស់ខ្លួនយ៉ាងពិតប្រាកដ ។បច្ចុប្បន្នជនសង្ស័យត្រូវបានសមត្ថកិច្ចរៀបចំឯកសារដើម្បីបញ្ជូនខ្លួនទៅកាន់សាលាដំបូង ហើយសមតាមទង្វើដែលគេបានប្រព្រឹត្ត ស្របពេលដែលស្រីស្នេហ៍របស់គេកំពុងសំរាកព្យាបាលនៅឯមន្ទីរពេទ្យ ៕
