កំពង់ធំ ៖ មជ្ឈមណ្ឌលវប្បធម៌សាសនា ទេសចរណ៍ ត្រៃលោក ត្រៃល័ក្ខ ត្រូវបានប្រារព្វពិធី បួងសួង ក្រុងពាលី តាមទំនាមទំលាប់ព្រះពុទ្ធសាសនា គម្រប់ខួប១ឆ្នាំ ថ្ងៃទី ២០ ខែ មិនា ឆ្នាំ ២០១៤ ដែលបាន បើក សម្ពោធន៍ជាផ្លូវការ ក្រោយអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះ រាជាណាចក្រកម្ពុជា រហូតមកដល់ពេលនេះ ត្រូវបាន លោក ជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រី ប្រចាំការ និងតំណាងរបស់ប្រមុខរាជរដ្ឋាភិបាល បានអញ្ជើញជាអធិបតីដ៏ខ្ពង់ខ្ពស់ ក្នុងពិធីក្រុងពាលី នៅ រសៀលថ្ងៃទី ២០ ខែ មីនា ឆ្នាំ ២០១៤ ក្រោមការចូលរួម ពីសំណាក់ ឯកឧត្តម អ៊ុត សំអន អភិបាលខេត្ត កំពង់ធំ និងមន្ត្រីរាជការ ប្រធាន អនុប្រធានមន្ទីរ ចូលរួមផងដែរ។
លោក ជំទាវ ម៉ែន សំអន ឧបនាយករដ្ឋមន្ត្រី បានមានប្រសាសន៍ថា ខណៈនេះយើងទាំងអស់គ្នា កំពុងតែ អង្គុយនៅលើក្បាលសំពៅ ដែលបានបែរមុខទៅទិសឥសាន ក៏សូមជំរាបអង្គម្ចាស់ទាំងអស់ថា មិនមែនជាពិធីឆ្លងសំពៅនោះទេ ការពិតសំពៅនេះបានប្រារព្វពិធីឆ្លង១ឆ្នាំមកហើយ ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន រួមជាមូយនិង
សម្តេចគត្តិព្រឹត្តបណ្ឌិត ប៊ុន រ៉ានី ហ៊ុន សែន តែថ្ងៃនេះយើង ខ្ញុំក្នុងនាមរាជរដ្ឋាភិបាល ដែលមានសម្តេចនាយករដ្ឋមន្ត្រី លោកក៏បានចាត់ ឲ្យយើងខ្ញុំមកចាត់ពិធីរំលឹក ខួប ១ឆ្នាំ ដើម្បីរំលឹកពិធីក្រុងពាលី ដើម្បីបញ្ជៀសទុកសោក ដែលមាននៅក្នុងខេត្តកំពង់ធំ ក៏ដូចជានៅជុំវិញ ព្រះរាជាណាចក្រកម្ពុជា ដែលឆ្នាំម្សាញ់ជិតចប់ហើយ ឆ្នាំមមីនឹងមកដល់ ដល់ពេល
ឆ្នាំមមីចូលមកដល់ យើង ម្នាក់ៗមានការងារមមាញឹលនៅក្នុងគ្រួសារ ហើយយើងក៏មិនបានជួនគ្នា ក្នុងនោះដែរសម្តេចបានប្រគល់ ភារៈកិច្ចឲ្យកសាងសំពៅត្រៃលោក ត្រៃល័ក្ខ ចំកណ្តាលនៃព្រះរាជាណាចក្រកម្ពុជា គឺខេត្តកំពង់ធំ និងសូម អរគុណដល់ឯកឧត្តម អភិបាលខេត្ត និងរដ្ឋបាលខេត្ត ដែលបានចូលរួម ដើម្បីទទួលទេវតាឆ្នាំថ្មី ជួយតាមថែ រក្សាថ្នាក់ដឹកនាំ
ប្រទេសជាតិ ដែលមានប្រមុខដឹកនាំព្រឹទ្ធសភា រដ្ឋសភា រាជរដ្ឋាភិបាល ព្រឹទ្ធសភាមាន សម្តេចអគ្គធម្មពោធិសាល ជា ស៊ីម ជាប្រធាន និងជាប្រធានគណៈបក្ស កំពូលដឹកនាំរដ្ឋសភាមាន សម្តេចអគ្គពញាចក្រីហេង សំរិន ជាប្រធាន និងជាប្រធានកត្តិយស់គណៈបក្សសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា និងជា
អនុប្រធានគណៈបក្សប្រជាជនកម្ពុជា ហើយ សម្តេចទាំងបីនេះ មិនមែនត្រឹមតែផ្តល់នូវជំនឿ ឲ្យមានបានគោរពប្រតិបត្តិព្រះពុទ្ធសាសនាទេ សាសនាដ៍ទៃ សម្តេចតែងតែគាំទ្រ ឲ្យមានការគោរពដូចគ្នា ដោយពុំការរអើងនោះទេ ថែមទាំងជម្រុញឲ្យមានការ កសាង ព្រះវិហារ កសាងវត្ត សាលារៀន ស្រះទឹក អណ្តូង ផ្លូវថ្នល់ មណ្ឌលសុខភាព និងសមិទ្ធផលផ្សេងៗជាច្រើន ទៀត ក្នុងការអភិវឌ្ឍន៍។
ជាក់ស្តែងការប្រារព្វពិធីថ្ងៃនេះ ក៏សូមបួងសួងដល់វត្ថុស័ក្កសិទ្ធ ជួយបញ្ជៀសភ័យ ទឹកជំនន់ បញ្ជៀសគ្រោះថ្នាក់ចរាចរ ភ័យរាំងស្ងួត និងអំពើហឹង្សា ដូច្នេះយើងត្រូវតែមានជំនឿលើព្រះពុទ្ធសាសនា ធ្វើបុណ្យ ធ្វើទាន និងសុំឲ្យខេត្តកំពង់ធំ ទទួលបាននូវភោគផល សំបូរសប្បាយ នូវដាំណាំកសិកម្ម ដែលរាជរដ្ឋាភិបាល កំពុងតែជម្រុញឲ្យនាំអង្ករចេញក្រៅប្រទេស ក្នុង១ឆ្នាំ ១លានតោន ។ 
