កំពង់ឆ្នាំង៖ប្រភពព័ត៌មានពីមន្ត្រីមន្ទីរធនធានទឹកខេត្តកំពង់ឆ្នាំងបានអោយដឹងនៅព្រឹកថ្ងៃទី៣០ ខែមករា ឆ្នាំ២០ ១៥នេះថា៖ស្រូវប្រាំងរបស់ប្រជាពលរដ្ឋក្នុងខេត្តកំពង់ឆ្នាំងប្រមាណ១០០០ហិកតាកំពុងខ្វះខាតទឹក ក្នុងចំណោមស្រូវប្រាំងដែលធ្វើបានជិត៣ម៉ឺនហិកតា។ដោយឡែកស្រូវប្រាំងចំនួនប្រមាណ៤៥០ហិកតា នៅក្នុងឃុំកោះថ្កូវ កំពុងជួយសង្គ្រោះបូមទឹកដាក់ដោយមន្ទីរធនធានទឹកខេត្ត។
តាមប្រភពព័ត៌មានរបស់អ្នកនាំពាក្យក្រសួងធនធានទឹក លោក ចាន់ យុត្ថា បាននិយយអោយដឹងនៅព្រឹកថ្ងៃទី២៩ ខែមករានេះថា៖ស្រូវប្រាំងនៅក្នុងទូទាំងប្រទេសប្រជាពលរដ្ឋធ្វើបានជាង៥០ម៉ឺនហិកតា ក្នុងនោះមានជាងមួយម៉ឺនហិកតាកំពុងប្រឈមនិងការខ្វះខាតទឹក ដែលមាននៅក្នុងខេត្តចំនួន៧ គឺខេត្តកណ្តាល ព្រៃវែង កំពង់ឆ្នាំង ពោធិសាត់ សៀមរាប កំពង់ធំ និងបន្ទាយមានជ័យ។បច្ចុប្បន្នមន្ទីរធនធានទឹកតាមបណ្តារខេត្តទាំងនោះកំពុងជួយសង្គ្រោះបូមទឹកដាក់ជាបន្តបន្ទាប់ជារៀងរាល់ថ្ងៃ។ស្រូវទាំងអស់នោះមិនទាន់មានផលប៉ះពាល់ធ្ងន់ធ្ងរនៅឡើយទេ ដោយសារតំបន់ទាំងនោះមានប្រភពទឹកអាចជួយង្គ្រោះបាន។
អាជ្ញាធរខេត្តកំពង់ឆ្នាំងស្នើសុំដល់លោកប្រធានមន្ទីរធនធានទឹកខេត្ត មន្ទីរកសិកម្មខេត្ត និងគ្រប់ការិយាល័យកសិកម្មស្រុកទាំងអស់ក្នុងខេត្ត យកចិត្តទុកដាក់តាមដានសភា
ពការទឹកស្រែប្រាំងតាមមូលដ្ឋានក្នុងស្រុក ឃុំអោយបានជាប់ជាប្រចាំ និងរកប្រភពទឹកបូមដាក់ស្រែប្រាំងអោយបានទាន់ពេលវេលា ពេលស្រែប្រាំងប្រជាពលរដ្ឋខ្វះខាតទឹក។
ករណីដោះស្រាយមិនបានត្រូវរាយការណ៍មកថ្នាក់លើតាមឋានានុក្រមដើម្បីជួយអន្តរាគម
អោយបានទាន់ពេលវេលា ដោយមិនត្រូវអសកម្ម ឬយឺតយ៉ាវទុកអោយស្រែប្រាំងប្រជាពលរដ្ឋស្វិតងាប់នោះឡើយ៕
