ភ្នំពេញ៖ បុរសម្នាក់ព្រោះតែខ្លួនជាកងអង្គរក្សខឹង គេនាំប្រពន្ធរបស់ខ្លួនដើរលេងពេកក៏បាន ដកកាំភ្លើងខ្លីមួយដើមបាញ់រះឡើងលើក៦គ្រាប់បណ្តាលឲ្យមានការភ្ងាក់ផ្អើល នៅចំណុចខាងក្រោយវិទ្យាស្ថាន ប៊ែលធី ក្នុងសង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង ២ នឹង ៥០
នាទីទៀបឈានចូលថ្ងៃទី ២១ ខែមីនា ឆ្នាំ ២០១៤ ហើយត្រូវបានសមតថកិច្ចឃាត់ខ្លូន។
បុរសអង្គរក្សខាងលើនេះមានឈ្មោះ ក្រុយ មាន ភេទប្រុសអាយុ ៣៧ ឆ្នាំ មានឋារន្តស័ក្តិ ជាអនុសេនីយ៍ ឯក បម្រើការងារនៅក្នុងអង្គភាពបញ្ជាការដ្ឋានកងអង្គរក្សនិងជាអង្គរក្សរបស់លោកគិតម៉េង ស្នាក់នៅម្តុំសង្កាត់ទួលទំពូងទី ២ ខណ្ឌចំការមន ។
តាមប្រភពព័ត៌ មានពីយុវជនម្នាក់ ឈ្មោះជួន សុភី ភេទប្រុស អាយុ ២៧ ឆ្នាំ បានឲ្យដឹងថានៅមុនពេលកើតហេតុនេះ លោក ក្រុយ បានចូលមកហើយស្រែកឡូឡានៅក្បែរផ្ទះជួលរបស់គេ ហើយខណៈក៏ លោក ក្រុយ មាន បើកទ្វារផ្ទះ នឹងសួររកស្ត្រីម្នាក់ដែលនាំប្រពន្ធរបស់គេដើរលេងពេលយប់។
ក្រោយមកលោក ក្រុយ មាន បានដើរមកម្តងទៀតរួចក្របួចកឈ្មោះ ជួន សុភី ដែលនាំប្រពន្ធរបស់គេដើរលេងពេលយប់ចេញមកក្រៅផ្ទះ ដើម្បីសាកសួររឿងបាត់ប្រពន្ធខ្លួន ប៉ុន្តែដោយសារស្ត្រីនោះចេញមក នឹងនិយាយពាក្យមិនសមរម្យ គំរោសគំរើយដាក់មន្ត្រីយោធាខាងលើនេះ ទ្រាំមិន បានក៏ដកកាំភ្លើង ខ្លីពីចង្កេះបាញ់ឡើងលើកលើចំនួន៦ គ្រាប់ បង្កឲ្យមានការភ្ញាក់ផ្អើលដល់សមត្ថកិច្ច ចុះអន្តរាគមន៍ដល់កន្លែងកើតហេតុភ្លាមៗ ហើយក៏បានឃាត់ខ្លួនបុរសខាងលើនេះយកមកកាន់ទីស្នាក់ការនគរបាលប៉ុស្តិ៍ផ្សារដើមថ្កូវ ហើយនោះ ដោយសារជនបង្កមានមុខងារជាមន្ត្រីយោធា ដូច្នេះសមត្ថកិច្ចបានសម្រេចបញ្ជូនខ្លួនបុរសនេះ ទៅឲ្យកាន់ទីបញ្ចាការដ្ឋានកងរាជអាវុធហត្ថខណ្ឌ ចំការមនឲ្យបន្តការសាកសួរ នឹងកសាងសំណុំរឿងបញ្ជូនទៅថ្នាក់លើផ្តន្ទាទោសតាមផ្លូវច្បាប់៕
