ខេត្តតាកែវឯកឧត្តម អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ ក្នុងពិធីប្រកាស់ ចូលកាន់តំណែងប្រធានសាលាដំបូងខេត្តតាកែវថ្មី ឯកឧត្តម អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ បានថ្លែងនៅក្នុងពិធីប្រកាស់ ចូលកាន់តំណែងប្រធានសាលាដំបូងខេត្តតាកែវថ្មី ឲ្យដឹងថា សមាជិកឧត្តមក្រុមប្រិក្សា នៃអង្គចៅក្រម ដែលមានអង្គព្រះមហាក្សត្រជាប្រធាន និងមិនមានសមាសភាព មកពីប្រធានតុលាការខេត្ត ឬរាជធានីនោះទេ ។
ឯកឧត្តម អង្គ វងវឌ្ឍនា បានមានប្រសាសន៍ទៀតថា កន្លងមកមានគណបក្សខ្លះ និងអង្គការសង្គមស៊ីវិលមួយចំនួន បានធ្វើការការរិះគន់ ដល់សមាជិកឧត្តមក្រុមប្រិក្សា នៃអង្គចៅក្រមថា មានតួនាទីច្រើន គឺធ្វើជាប្រធានតុលាការខេត្តផង ឬរាជធានីផង និងធ្វើជាសមាជិកឧត្តមក្រុមប្រិក្សាអង្គចៅក្រមផង ។
ឯកឧត្តមរដ្ឋមន្ត្រី បានបន្តថា ដូច្នេះ ដើម្បីកុំឲ្យមានការរិះគន់បែបនេះតទៅទៀត ហើយស្របទៅនិងយុទ្ធសាស្ត្រកំណែទម្រង់ស៊ីជម្រៅ របស់រាជរដ្ឋាភិបាល អាណត្តិទី៥ផងដែរនោះ សមាជិកឧត្តមក្រុមប្រិក្សា នៃអង្គចៅក្រមមួយចំនួន មិនអាចកាន់តំណែងពីរបានតទៀតនោះទេ លើកលែងតែប្រធានតុលាការកំពូល និងអគ្គព្រះរាជអាជ្ញា អមតុលាការកំពូលតែប៉ុណ្ណោះ ។
ហើយសមាជិកឧត្តមក្រុមប្រិក្សា នៃអង្គចៅក្រម និងធ្វើការចុះតាមសាលាជំនុំជំរះកាត់ក្ដីមួយចំនួន ដើម្បីស្ដាប់ពីផលវិបាកនានា និងពិនិត្យមើលការកាត់ក្ដីផងដែរ ។
ដែលការចុះមកនេះ គឺក្នុងគោលបំណង ដើម្បីឲ្យប្រជាពលរដ្ឋ កាន់តែមានទំនុកចិត្ត លើប្រព័ន្ធយុត្តិធម៌នៅកម្ពុជាយើង ៕
