ខេត្តព្រះសីហនុកម្លាំងនគរបាលស្រុកព្រៃនប់ សហការជាមួយកម្លាំងជំនាញការិយាល័យប្រឆាំងគ្រឿងញៀនខេត្តព្រះសីហនុ បង្ក្រាបករណីលក់ ចែកចាយគ្រឿងញៀន និងធ្វើការឃាត់ខ្លួនជនសង្ស័យម្នាក់កាលពីវេលាម៉ោង១៧ និង១៥នាទី ថ្ងៃទី០១ ខែកុម្ភះ ឆ្នាំ២០១៥ នៅភូមិជម្ពូខ្មៅ ឃុំទួលទទឹង ស្រុកព្រៃនប់ ខេត្តព្រះសីហនុ ។
លោកវរសេនីយ៌ត្រី តាក សារិទ្ធ នាយការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុបានឪ្យដឹងថា ជនសង្ស័យលក់ និងចែកចាយគ្រឿងញៀន មានឈ្មោះ គៀន ម៉ៅ ភេទស្រី អាយុ ២៨ឆ្នាំ ជនជាតិខ្មែ មានមុខរបរមិនពិតប្រាកដ ស្រុកកំណើត ស្រុកកំពង់ត្រាច ខេត្កំពត ពីបទលក់ ចែកចាយគ្រឿងញៀន ។
លោកតាកសារិទ្ធបានបញ្ជាក់ឪ្យដឹងបន្តថា វត្ថុតាងដែលកម្លាំងជំនាញដកហូតបានមានដូចជា ថ្នាំញឿនប្រភេទ មេតំហ្វេតាមីន Ice ទឹកកកចំនួន ១២៥កញ្ចប់តូច ទម្ងន់ស្មើនឹង ៣៩,៦ក្រាម ទូរសព្ទ័ដៃចំនួន ០២គ្រឿង ។
បច្ចុប្បន្នករណីខាងលើត្រូវបានកម្លាំងជំនាញការិយាលយ័ប្រឆាំងគ្រឿងញៀននៃស្នងការខេត្តព្រះសីហនុធ្វើការសាកសួរ ដើម្បីកសាងសំណុំរឿងបញ្ជូនទៅកាន់សាលាដំបូងខេត្តព្រះសីហនុ ចាត់វិធានការទៅតាមផ្លូវច្បាប់ ៕
