ខេត្តកំពង់ចាម: នគរបាលស្រុកព្រៃឈរបានចាប់ខ្លួនជនសង្ស័យម្នាក់ក្នុងចំណោមបក្សពួកគេជាច្រើននាក់ ដែលបានយកដបស្រាវាយក្បាលគេបែកក្នុងកម្មវិធីបុណ្បក្នុងភូមិដែលមានសំដែងល្ខោនបាសាក់៣យប់៣ថ្ងៃ។
ហេតុការណ៍ឃាត់ខ្លួនជនសង្ស័យខាងលើរបន្ទាប់ពីពួកគេធ្វើរសកម្មភាពភ្លាមៗនៅម៉ោង២៣,៤៦នាទីយប់ថ្ងៃទី២ ខែគុម្ភះ ឆ្នាំ២០១៥នៅមុខរោងល្ខោនក្នុងកម្មវិធីបុណ្បមានសំដែងល្ខោនបាសាក់៣យប់៣ថ្ងៃត្រង់ចំណុចវាលស្រែខាងជើងវត្តគរ ក្នុងភូមិ-ឃុំគរ ស្រុកព្រៃឈរ ខេត្តកំពង់ចាម។
ប្រភពសម្មត្ថកិច្ចនគរបាលស្រុកព្រៃឈរបានឲដឹងថា នៅពេលកើតហេតុខាងលើរ ជនសង្ស័យដៃដល់ឈ្មោះ តិល ចាន់ណា ភេទប្រុស អាយុ៣២ឆ្នាំ និងបក្សពួក រស់នៅភូមិតាកែវ ឃុំគរ ស្រុកព្រៃឈរ បានយកឧបករណ៍រឹង (ដបស្រា)វាយទៅលើរជនរងគ្រោះ មានឈ្មោះ ឈុំ ថាត ភេទប្រុស អាយុ២៣ឆ្នាំរស់នៅភូមិក្រសាំង ឃុំក្រូច ស្រុកព្រៃឈរ ចំត្រចៀកខាស្តាំបណ្តាលឲបែកចេញឈាម។ ហើយក្រោយកើតហេតុសម្មត្ថកិច្ចនគរបាលស្រុកបានចុះទៅឃាត់ខ្លួនជនដៃដល់បានម្នាក់ខាងលើរចំណែកបក្សពួកគេឯទៀតបានរត់គេចខ្លួនអស់។
សម្មត្ថកិច្ចក៏បានបញ្ជាក់ឲដឹងដែរថា ក្រុមជនដៃដល់ខាងលើកន្លងមកឲតែមានកម្មវិធី ជប់លាង រៀបការ បុណ្បទាន រាំរែក សំដែងសិល្បះនៅក្នុងភូមិ-ស្រុកតែងតែដើរអុកឡុកវាយកាប់ចាក់គេឯង ចង់និយាយថាពួកគេគឺជាក្រុមបងធំបងតូចក្នុងភូមិ។
សម្មត្ថកិច្ចបញ្ជាក់ឲដឹងទៀតថា ករណីនេះ ជនដៃដល់ត្រូវបានកសាងសំណុំរឿងបញ្ជូនទៅតុលាការចាត់ការតាមច្បាប់ចំណែកបក្សពួករបស់គេកំពុងតាមចាប់ខ្លួនយកមកផ្តន្ទាទោសផងដែរ៕
