ខេត្តត្បូងឃ្មុំ: ផ្ទះប្រជាពលរដ្ឋ២ម្ចាស់ស្មើនិង២ខ្នងត្រូវបានអគ្គីភ័យឆាបឆេះទាំងស្រុងនៅស្រុកមេមត់និងបានបំផ្លាញទ្រព្យសម្បត្តិសរុបជាប្រាក់អស់រាប់សិបមឺុនដុល្លា។
ហេតុការណ៍ភ្ញាក់ផ្អើលនេះកើតឡើងកាលពីវេលាម៉ោង ១០,០០នាទីព្រឹកថ្ងៃទី៣ ខែគុម្ភះ ឆ្នាំ២០១៥នៅចំណុចភូមិត្រពាំងរាំង ឃុំ-ស្រកមេមត់ ខេត្តត្បូងឃ្មុំ។
អធិការនគរបាលស្រុកមេមត់ លោក ប៉េង អេងហាក់ បានឲដឹងថា អគ្គីភ័យនេះបានឆេះអស់ចំនួន២ផ្ទះស្មើ២ម្ចាស់ដែលមានម្ចាស់ផ្ទះទី១ឈ្មោះ សូយ វណ្ណា ភេទប្រុស អាយុ38ឆ្នាំ ម្ចាស់ទី២ ឈ្មោះ គល់ ព្រិច ភេទប្រុស អាយុ៥១ឆ្នាំ ហើយសរុបការខូចខាត ឆេះអស់ផ្ទះទំហំ ៧ម៉ែត្រគុណ៨ម៉ែត្រដូចគ្នា ប្រាក់១លានហាសិបមុឺនរៀល ស្រូវចំនួន ១១៥បេស្មើរ៥១៧៥គីឡូក្រាម ម៉ូតូម៉ាក ដេហាស់ចំនួន ២គ្រឿង មាសចំនួន ២ជី ផ្លាកដៃផ្លាកទីនតំលៃ ៤៥មុឺនរៀល ១ខ្សែ ឈើរក្តារចំនួន ៤គីប សរសរឈើចំនួន២០ដើម សំរាប់ទុកសាងសង់ផ្ទះ។
លោកអធិការបានឲដឹងបន្ថែមថា ពេលកើតហេតុក៏មានវត្តមានរថយន្តពន្លត់អគី្គភ័យរបស់ស្នងការដ្ឋាននគរបាលខេត្តត្បូងឃ្មុំ និងរថយន្តពន្លត់អគ្គីភ័យរបស់ក្រុមហ៊ុនចំការកៅស៊ូមេមត់ទៅជួយអន្តរាគមន៍បាញ់ពន្លត់ផងដែរ។
លោកអធិការក៏បានបញ្ជាក់ដែរថា មូលហេតុ ដែលបណ្តាលឲមានករណីឆាបឆេះផ្ទះខាងលើមកទុស្សេចរន្តអគ្គិសនី ។លោកអធិការក៏បានឲដឹងដែរថាក្រោយកើតហេតុគេឃើញអាជ្ញាធរស្រុក កាកបាតក្រហមស្រុកចុះទៅដល់ផ្ទះជនរងគ្រោះដើម្បីជួយឧបត្ថម្ភសំភារនិងគ្រឿងឧបភោគបរិភោគជាជំហ៊ានបឋមផងដែរ៕
