ភ្នំពេញ ៖ នៅព្រឹកថ្ងៃទី០២ ខែកុម្ភះ ឆ្នាំ២០១៥ មន្ទីរពេទ្យមិត្តភាពខ្មែរ – សូវៀត ( មន្ទីពេទ្យរុស្ស៊ី ) បាននិមន្តព្រះសង្ឃមកអញ្ចើញធ្វើ ពិធីក្រុងពាលី លើគម្រោងសំណង់ អាគារថ្មី ដែលត្រៀមនឹងបំពាក់ម៉ាស៊ីនកាំរស្មីបាញ់ ជម្ងឺមហារីក ឬ ហៅថា LINAC TREATMENT ROOM ។ ពិធីខាងលើនេះ មានការចូលរួមពីសំណាក់លោកងី ម៉េង ប្រធានពេទ្យរស្ស៊ី និង និងក្រុមគ្រូពេទ្យ ប្រុសស្រីមួយចំនួន នៅក្នុងបរិវេន នៃមន្ទីររុស្សី ដែលមានទីតាំងស្ថិតនៅក្នុងសង្កាត់ទំនប់ទឹក ខណ្ឌចំការមន ។
គម្រោងអាគារដែលត្រូវសាងសង់ឡើងសម្រាប់ត្រៀមបំពាក់ម៉ាស៊ីនកាំរស្មីបាញ់ជម្ញឺមហា រីក ដែលមានតម្លៃជិត១លានដុល្លារនោះ មានបណ្តោយ ១៣.០១ម៉ែត្រ និងទទឹង ១១.៣២ ម៉ែត្រ , ចំណែកជញ្ជាំងដែលត្រូវសាងសង់មានកម្រាស់ ១.០៣ម៉ែត្រ ទៅដល់ ២.០២ ម៉ែត្រ ហើយរចនាបទនៃការសាងសង់អាគារគឺជាលក្ខណះជាអាគារធម្មតា ។
ប្រធានផ្នែកបច្ចេកទេសនៃមន្ទីរពេទ្យមិត្តភាពខ្មែរ – សូវៀត ក្នុងគម្រោងសាងសង់អាគារ ខាងលើ បានប្រាប់កោះសន្តិភាពអោយដឹងថា គម្រោងសាង់សង់អាគារ ដែលត្រៀម បំពាក់ម៉ាស៊ីនកាំរស្មីបាញ់ជម្ងឺមហារីកខាងលើមាន ទំហឹងទឹកប្រាក់សរុបប្រមាណ ១លាន៤សែនដុល្លារ ដែលជាថវិការរបស់ក្រសួងសុខាភិបាលផ្តល់អោយ មន្ទីរពេទ្យ មិត្តភាពខ្មែរ – សូវៀត ក្នុងការបំពាក់ ក៏ដូចជាប្រើប្រាស់នូវបច្ចេកវិទ្យាទំនើប ក្នុងការជួយ សង្គ្រោះ និងព្យាបាល ដល់
ប្រជាពលរដ្ឋខ្មែរដែលមានជម្ងឺមហារីកមួយចំនួន ដែលមាន ការពិបាកក្នុងការព្យា បាល ឬ ត្រូវចំណាយពេលវេលាទៅក្រៅប្រទេសជា ដើម។ ហើយម៉ាស៊ីនកាំរស្មីបាញ់ ជម្ងឺមហារីកនេះ ដែរ គឺជាម៉ាស៊ីនទំនើបដំបូងគេបំផុត សម្រាប់ប្រទេសកម្ពុជា ដែល បច្ចុប្បន្ន កំពុងនោះប្រទេសចិន ហើយនៅត្រូវនាំចូលឆាប់ៗ នៅពេលដែលអាគារសម្រាប់បំពាក់ សាងសង់រួចរួល ។
ក្នុងនោះដែរក៏មានធ្វើពិធីសូត្រមន្តរំដោះគ្រោះឧបទ្រុបចង្រៃអោយជៀសចេញឆ្ញាយ និង ធ្វើពិធីស្រោចទឹកសុំសេចក្តីសុខផងដែរ ៕
