ភ្នំពេញ៖ បុរសជនជាតិបរទេម្នាក់ បានជិះម៉ូតូឆ្លងផ្លូវមិនប្រយ័ត្ន ត្រូវបានបុរសម្នាក់ជិះម៉ូតូធន់ធំបុកពេញទំហឹង កាលពីវេលាម៉ោង១និង២០នាទីយប់ ឈានចូលថ្ងៃទី៣ ខែកុម្ភៈ ឆ្នាំ២០១៥ នៅតាមបណ្តោយផ្លូវលេខ២១៤កែងផ្លូវនរោត្តម ស្ថិតក្នុងសង្កាត់ចតុមុខ ខណ្ឌដូនពេញ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់ ជាជនជាតិបរទេ ជិះម៉ូតូម៉ាកឆាលី ពណ៌ខៀវ ពាក់ស្លាកលេខ ឌ៤០០៣ភព១ ធ្វើដំណើរតាមបណ្តោយផ្លូវលេខ២១៤ ក្នុងទិសដៅពីលិចទៅកើត ខណៈមកដល់ចំណុចកើតហេតុ ស្រាប់តែមានបុរសម្នាក់ ជិះម៉ូតូធន់ធំមួយគ្រឿង ពណ៌ស ពាក់ស្លាកលេខ ភ្នំពេញ 1BV-1335 ធ្វើដំណើរតាមបណ្តោយផ្លូវនរោត្តម ក្នុងទិសដៅពីត្បូងទៅជើង បានបុកគ្នាពេញទំហឹង បណ្តាលឲ្យរងរបួសធ្ងន់ និងស្រាល ចំណែកម៉ូតូរងការខូចខាងទាំងសងខាង ។
ក្រោយពេលកើតហេតុ ជនរងគ្រោះដែលជិះម៉ូតូធន់ធំ ត្រូវបានរថយន្តសង្គ្រោះ ដឹកទៅសង្គ្រោះភ្លាម ចំណែកម៉ូតូសមត្ថកិច្ច បានចុះធ្វើអន្តរាគមន៍ធ្វើការវាស់វែង យកទៅរក្សាទុកនៅអធិការដ្ឋានគបាលខណ្ឌដូនពេញដើម្បីរងចាំដោះស្រាយពេលក្រោយ
