នៅចំណុចផ្លូវលេខ៤៣២ កែងនឹងផ្លូវលេខ១៧៣ ស្ថិតក្នុងសង្កាត់ទួលទំពូងទី២
យុវជន៤នាក់បានរងរបួសធ្ងន់ស្រាល ដោយសារតែគ្រោះថ្នាក់ចរាចរណ៍ រវាងម៉ូតូ២គ្រឿងបុកគ្នាពេញទំ ហឹង នៅចំណុចផ្លូវលេខ៤៣២ កែងនឹងផ្លូវលេខ១៧៣ ស្ថិតក្នុងសង្កាត់ទួលទំពូងទី២ ខណ្ឌចំការមន កាលពីវេលាម៉ោង៩នឹង៥០នាទីយប់ថ្ងៃទី៣ ខែកុម្ភះ ឆ្នាំ២០១៥ ។
សាក្សីនៅកន្លែងកើតហេតុ បានឱ្យដឹងថា នៅមុនពេលកើតហេតុ គេបានឃើញយុវជន២នាក់ ជិះម៉ូតូស្តុបពី ពណ៍ស ពាក់ស្លាកលេខ បាត់ដំបង 1M-6454 ធ្ចើដំណើរតាមបណ្តោយផ្លូវលេខ១៧៣ ទិសដៅពីជើងទៅត្បូង ខណះមកដល់់ចំណុច កើតហេតុ ស្រាប់តែមានយុវជន២នាក់ជិះម៉ូតូទ្រីម សេ១២៥ពណ៍ខ្មៅពាក់ស្លាកលេខ ភ្នំពេញ 1AP-4172 ជិះតាមបណ្តោយផ្លូវលេខ៤៣២ ពីកើតទីលិចក្នុងល្បឿនយ៉ាងលឿន ជ្រុលទៅបុកម៉ូតូស្តុបចំពាក់កណ្តាលពេញទំហឹង បណ្តាលឱ្យយុវជនម្នាក់រងរបួសធ្ងន់ ត្រូវបានរថយន្តសាមុយ ដឹកយកទៅសង្គ្រោះ នៅមន្ទីរពេទ្យភ្លាមៗ និង៣នាក់ទៀតរបួសស្រាល ។
ប្រភពបន្តថា បន្ទាប់ពីកើតហេតុ គេបានឃើញសមត្ថកិច្ចមូលដ្ឋាន បានចុះមកអន្តរាគមន៍ភ្លាមៗ និងបានធ្វើការវាស់វែងយកម៉ូតូទាំង២គ្រឿង ទៅរក្សាទុកជាបណ្តោះអាសន្ន នៅអធិការដ្ឋាននគរបាល ខណ្ឌចំការមន រង់ចាំដោះស្រាយគ្នានាពេលក្រោយ ៕
