ក្រុមឧទ្ទាមរដ្ឋឥស្លាម ISIS បានដុតកំឡោចអ្នកបើកយន្តហោះជនជាតិហ្ស៊ក់ដានី ក្នុងទ្រុងដែកមួយរហូតដល់ស្លាប់ ក្រោយពេលដែលរូបគេត្រូវក្រុមជ្រុលនិយមដ៏ ព្រៃផ្សៃមួយនេះ ចាប់ខ្លួនកាលពីចុងឆ្នាំ ២០១៤ កន្លងទៅ ហើយសកម្មភាពដ៏ ឃោរឃៅទាំងអស់ ត្រូវបានថតជាខ្សែអាទិ៍វីដេអូផ្ញើអោយរដ្ឋាភិបាលហ្ស៊ក់ដានី ផងដែរ ។
បន្ទាប់ពីបានសម្លាប់ដោយអារកអ្នកកាសែតជនជាតិជប៉ុន កាលពីប៉ុន្មានថ្ងៃមុន នេះ ពួកឧទ្ទាមជ្រុលនិយម ISIS ក៏បានដុតសម្លាប់អ្នកបើកយន្តហោះហ្ស៊ក់ដានី ថែមម្នាក់ទៀត ដោយសារតែរដ្ឋាភិបាលហ្ស៊ក់ដានីមិនព្រមធ្វើតាមសំណើរឲ្យ បញ្ជូននាង សាជីដា ជាបក្សពួកឧទ្ទាមជនជាតិអ៊ីរ៉ាក់ ដែលបានវាយប្រហារដោយ គ្រាប់បែកអត្តឃាតនៅរដ្ឋធានី អាម៉ាន់ កាលពីឆ្នាំ ២០០៥ មកឲ្យពួកគេវិញ ។
គួរបញ្ជាក់ថា អ្នកបើកយន្តហោះចម្បាំងហ្ស៊ក់ដានី លោក មូអាត អាល់ កាសែ បេហ៍ ត្រូវបានចាប់ខ្លួន បន្ទាប់ពីយន្តហោះរបស់លោកបានធ្លាក់ ក្នុងអំឡុងពេល បំពេញបេសកកម្មប្រឆាំងនឹងក្រុម ISIS ស្ថិតនៅភាគខាងជើងប្រទេសស៊ីរី កាល ពីខែ ធ្នូ ឆ្នាំ ២០១៤ កន្លងទៅនេះ ៕
