ទាហានបារាំងចំនួនពីររូប ដែលបានធ្វើដំណើរទៅបំពេញតួនាទីរបស់ខ្លួនកាល ពីថ្ងៃ អង្គារ ម្សិលមិញនេះ បានទទួលការវាយប្រហារដោយកាំបិត ស្ថិតនៅតាម ដងផ្លូវក្នុងទីក្រុង ណៃ ភាគខាងត្បូងប្រទេសបារាំង ។
យោងតាមប្រភពពីក្រុមមន្ត្រីអាជ្ញាធរក្នុងទីក្រុង ណៃ បានបញ្ជាក់ថា ជនសង្ស័យ បង្ក
របួសស្នាមខាងលើនេះ មានឈ្មោះ មួស្សា ខួលីបាលី ត្រូវបានគេសន្និដ្ឋានថា ជាពួកភេរវករមួយរូបក្នុងចំណោមក្រុមភេរវករបីនាក់ផ្សេងទៀត ដែលបានធ្វើការ វាយប្រហារធ្វើឲ្យកក្រើកពាសពេញទីក្រុង ប៉ារីស កាលពីចុងឆ្នាំ ២០១៤ កន្លង ទៅនេះ ។
យ៉ាងណានោះ មន្ត្រីអាជ្ញាធរទីក្រុង ណៃ ពុំទាន់អាចបញ្ជាក់បានទេថា តើជន សង្ស័យធ្វើការវាយប្រហារដោយកាំបិតលើនាយទាហានបារាំងនោះ មានជាប់ ពាក់ព័ន្ធទៅនឹងជនឈ្មោះ អាមេឌី ខួលីបាលី ដែលបានសម្លាប់មន្ត្រីប៉ូលិស បារាំងម្នាក់ទៀតនៅសង្កាត់ ម៉ុងត្រាស់ ជាយទីក្រុង ប៉ារីស ដែរឬមួយក៏យ៉ាងណា នោះទេ ។
ដោយរហូតមកដល់ពេលនេះ ប្រតិបត្តិការស៊ើបអង្កេតរកបណ្តាញ ក្រុមភេរវករទាំងនេះ កំពុងបន្តធ្វើឡើងយ៉ាងដុតដៃដុតជើង ៕
