( ពត៌មាន រូបភាព វីដេអូ) កំពង់ធំ ៖ នៅព្រឹកថ្ងៃទី ២២ខែមីនា ឆ្នាំ ២០១៤ ស្ថិតនៅក្នុងឃុំ ព្រៃគុយ ស្រុក កំពង់ស្វាយ ខេត្តកំពង់ធំនៅវត្តនរិន្ទកោសី ហៅវត្តអន្លង់លោក ត្រូវបានប្រារព្វពិធី បញ្ជុះខណ្ទសីមា បន្ទាប់ពីវត្តនេះ ត្រូវបាន កសាងព្រះវិហារថ្មី និងជាចំណង់ដៃ ដល់បងប្អូនប្រជាពលរដ្ឋ ក្នុងស្រុកកំពង់ស្វាយ ។
ខណៈពេលដែល ព្រះវិហារចាស់ បានចាស់ទ្រុឌទ្រម ក៏ត្រូវបានផ្តួចផ្តើមកសាងឡើងដោយមានការ យកចិត្តទុកដាក់ ពីសំណាក់ ឯកឧត្តម បណ្ឌិត ងួន ញ៉ិល សមាជិកអចិន្ត្រៃយ៍គណៈកម្មាធិការ កណ្តាល គណៈបក្សប្រជាជន កម្ពុជា និងជាអនុប្រធានទី១ រដ្ឋសភា និងជាប្រធានក្រុមការងារ ថ្នាក់កណ្តាល នៃគណៈបក្សប្រជាជនកម្ពុជា ចុះជួយខេត្តកំពង់ធំ និងឯកឧត្តម អ៊ុត សំអន អភិបាលខេត្តកំពង់ធំ ព្រមទាំងមន្ត្រីរាជការ កងកម្លាំង អជ្ញាធរ ប្រជាពលរដ្ឋ សិស្សានុសិស្ស ចូលរួម
ជាង១០០០នាក់ ។ លោក អ៊ឹម ថន អភិបាលស្រុកកំពង់ស្វាយ បានអានពីប្រវត្តសង្ខេបនៃវត្តអន្លង់លោក ដែលមានផ្ទៃដី ៣៤.២២៦ម.ការ៉េ និងមានអាយុកាលជាយូលង់មកហើយ បានកសាងនៅលើដីរបស់លោក តាម្នាក់ឈ្មោះ នរិន្ទទៀន ក្រោយមកក៏តំណាលតៗគ្នាហៅវត្តនេះឈ្មោះ វត្តនរិន្ទកោសីយ៍ ចំណែកពាក្សថា អន្លង់លោក តាម និងទានតៗគ្នាមកថា
មានស្រី្តម្នាក់ មានរិទ្ធីបារមី បួងសួងដល់អស់ម្ចាស់ទឹកម្ចាស់ដី ដើម្បីដើរឆ្លងស្ទឹងនាំ ចង្ហាន់ទៅប្រគេន ព្រះសង្ឃ ជាបង លុះព្រះសង្ឃជាបង មានការងឿងឆ្ងល់ ក៏សុំដើរពីក្រោយរបស់ប្អូនស្រី តាមគន្លងជើងរបស់ ប្អូនស្រី លុះព្រះសង្ឃអង្គនោះឆ្ងល់ថា ហេតុអ្វីបានជាអាចដើរលើទឹកបាន ក៏ចង់ដឹងក៏ បានយកជើងឈានខុសគន្លងជើងរបស់ប្អូន ក៏លិចព្រះសង្ឃនោះចូលទៅក្នុងទឹកបាត់ ទើបប្រជាពលរដ្ឋ និយាយតៗគ្នាថា ទីនេះជាកន្លែងលោកលង់ទឹក ឬអន្លង់លោក ។
ឯកឧត្តម បណ្ឌិត ងួន ញ៉ិល បានមាប្រសាសន៍កោតសរសើរ ចំពោះអាជ្ញាធរ ខេត្តកំពង់ធំ និងកងកម្លាំង ប្រដាប់អាវុធ ដែលបានរក្សានូវសុខសុវត្តិភាព ជូនប្រជាពលរដ្ឋ ឲ្យទទួលបាននូវភាពកកក្តៅ និងទទួលបាន ការអភិវឌ្ឍន៍ ជាក់ស្តែងថ្ងៃនេះគឺជាស្នាដៃ នៃការខិតខំប្រឹងប្រែង របស់បងប្អូនប្រជាពលរដ្ឋ និងអាជ្ញាធរ ទើប បានឈានទៅដល់ប្រារព្វពិធីបុណ្យបញ្ជុះខ
ណ្ទសីមានាថ្ងៃនេះ ដែលស្រមទៅតាមកម្មវិធីនយោបាយ របស់ រាជរដ្ឋាភិបាល ដែលមានសម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ កម្ពុជា ដែលបានឧបត្ថម្ភគាំទ្រ នៅការគោរពព្រះពុទ្ធសាសនា គ្រប់សាសនាក្នុង ព្រះរាជណាចក្រ កម្ពុជា ដោយមិនរអើងប្រកាន់ពូជសាសន៍ ដោយស្របតាមច្បាប់រដ្ឋធម្នុញ ក្នុងការគោរពសាសនា តាមការជំនឿ រាងខ្លួន ចៀសវាងតែនាំយកសាសនា ទៅប្រព្រឹត្តខុស សាសនាព្រះពុទ្ធមានវ័យចំណាស់ជាងគេ នៅលើ ពីភពលោក និងត្រូវបានចាត់ទុកជាសាសនារបស់រដ្ឋ ។
នៃពិធីដ៏អធឹកអធ័មនេះឯកឧត្តម បណ្ឌិត ងួន ញ៉ិល បានឧត្ថម្ភបច្ឆ័យសម្រាប់កសាង ១២លានរៀល ឧបត្ថម្ភរោងសីម៉ាកិល ៣០ម៉ឺនរៀល ឧបត្ថម្ភសារ៉ុង និង សៀវភៅដល់ប្អូនៗលោកតាលោកយាយជាច្រើនទៀត ។ ជាចុងក្រោយឯកឧត្តម បណ្ឌិតបានសំណូមពរដល់ បងប្អូនប្រជាពលរដ្ឋ ចូលរួមគោរពនូគោលនយោបាយ ភូមិ ឃុំមានសុវត្តិភា នាំគ្នាធ្វើបុណ្យទាន រស់នៅក្នុងសង្គមសន្តិភាពនិងសុំឲ្យខេត្តកំពង់ធំ ជួបតែភោគផល ទាំងដំណាំកសិកម្ម និងឧស្សហកម្ម រីចម្រើនគ្រប់វិស័យ។ 
