​ ​សង្កាត់រដ្ឋបាល​ព្រៃឈើ​កំពង់ស្វាយ សហការ​កំ​លាំ​ចម្រុះ ប្រ​ម៉ាញ់​បាន​រថយន្ត​កា​ម៉ា​រី​ដឹកឈើ​១​គ្រឿង​

​
​កំពង់ធំៈ រថយន្ត​ដឹក​បទល្មើស​មួយគ្រឿង ភ័យ​ស្លន់ស្លោរ ខណៈពេលដែល​ត្រូវបាន​កំលាំង​សមត្ថកិច្ច​កំពុងតែ តាម​ប្រ​ម៉ាញ់ ក៏​សម្រេច​ទឹក​បើក​ចូល​ជ្រក ក្រោមផ្ទះ​អ្នកភូមិ ដែល​ពុំបាន​ដើរតួរ​ក្នុង​រឿង​កំលាំង​សមត្ថកិច្ច​តាម​ប្រ​ម៉ាញ់ ទើប​បណ្តាល​ឲ្យ​ម្ចាស់ផ្ទះ​ក្តៅក្រហាយ ដូច​ទឹក​ពុះ​១០០​អង្សា ដែល​គេ​ថា មិនបាន​នាំ​លាភ​មក​ឲ្យ នាំ​តែ​ចង្រៃ​មក​ជូន​។​
​ ​
​រថយន្ត​កាមរី​សេរី​ឆ្នាំ​១៩៩៥​មួយគ្រឿង​បាន​ដឹកឈើ​ប្រណិត​ត្រូវបាន​បង្ក្រាប លោក ខោល សុចិ​ត្រា នាយ​សង្កាត់រដ្ឋបាល​ព្រៃឈើ​កំពង់ស្វាយ ដឹកនាំ​កំលាំង​សង្កាត់ រួម​សហការគ្នាជាមួយ និង​កំលាំង​នគរបាល​ប្រឆាំង​បទល្មើស​សេដ្ឋកិច្ច​នៃ​ស្នងការដ្ឋាន​នគរបាល​ខេត្តកំពង់ធំ និង​កំលាំង​កងរាជអាវុធហត្ថ​ក្រុង​ស្ទឹងសែន​ស្ទាក់​ចាប់បាន​នៅវេលា​ម៉ោង​១១.៣០​នាទី​ថ្ងៃទី​០៤ ខែ​គុ​ម្ភៈ ឆ្នាំ​២០១៥ ពាក់​ផ្លាកលេខ​ភ្នំពេញ 2K 3577 ពណ៌​ស្ករ ដឹកឈើ​ប្រណិត​ចេញមក​ពី​ខេត្តព្រះវិហារ​ឆ្លងកាត់​ខេ​ត្ត​ត​កំពង់ធំ ។​

​ជនសង្ស័យ​បន្ទាប់ពី​ត្រូវបាន​គេ​តាម​ប្រកិត​ពីក្រោយ សម្រេចចិត្ត​បើករថយន្ត​យកទៅ​លាក់ទុក​នៅផ្ទះ​របស់​ឈ្មោះ អ៊ឹម សុធី ភេទ​ប្រុស​អាយុ​ប្រហែលជា​៤០​ឆ្នាំ រស់នៅក្នុង​ភូមិប​ល្ល័​ង្គ​កើត សង្កាត់​ដំរី​ជាន់ខ្លា ក្រុង ស្ទឹងសែន ហើយក៏​ចុច​ឡុ​ក​សោរ​រថយន្ត​ទុកចោល​រួច​រត់គេចខ្លួន​បាត់ស្រមោល​ខណៈនោះ សមត្ថកិច្ច​បាន ទៅដល់​ក៏​ប្រទះឃើញ​នៅ​ពីមុខ​ផ្ទះ​មាន​គំនរ​ឈើប្រណិត​ចំនួន​២៣​ដុំ និង​នៅក្នុង​រថយន្ត​មាន​ចំនួន​៨​ដុំ​ទៀត សរុប​មាន​ចំនួន​៣១​ដុំ ស្មើរ​នឹង​ជាមួយ​ម៉ែត្រគូប នាំយកទៅ​រក្សាទុក​នៅ​ផ្នែក​រដ្ឋបាល​ព្រៃឈើ​ស្ទោង​។​
​តាម​ប្រភព​ពត៌មាន​មួយ បាន​និយាយថា ម្ចាស់ផ្ទះ​នឹង ជនសង្ស័យ​គឺជា​បក្សពួក​តែមួយ លុះ​នៅពេល​កើតរឿង ទើប​ឆ្លើយ​បដិសេធន៍​យករួចខ្លួន តែ​មុនពេល​សមត្ថកិច្ច​ចូលទៅ​ដល់ទី​តាំង​លាក់​រថយន្ត ដឹក​បទល្មើស គេ​ឃើញ​ម្ចាស់ផ្ទះ​និង​ជនល្មើស បាននាំគ្នា​ព្យាយាម​យក​ឈើ​ចេញពី​ក្នុង​រថយន្ត​ដើម្បី​យកទៅ​លាក់​ទីកន្លែង ផ្សេងៗ ក្នុង​គោលបំណង​បំបាត់ភស្តុតាង តែ​ចៃដន្យ​សមត្ថកិច្ច​ទៅ​ទាន់​ក៏​ធ្វើជា​តឹងសរសៃករ បដិសេធន៍​ថា ពុំដែល​មានការ​ពាក់​ព័​ន្ឋ ។​
​ ​ ​ ​ ​ ​ ​ ​ ​ ​ ​ដោយ ផន សុជាតិ