កំពង់ឆ្នាំង៖ព្រះសង្ឃមួយអង្គបានសុគតភ្លាមៗបន្ទាប់ពីព្រះអង្គបានឡើងលើដើមអំពិលមួយដើមកំពស់ជាង១០ម បេះយកផ្លែបានធ្លាក់មកដី។ហេតុការណ៍នេះបានកើតឡើងនៅវេលាម៉ោង៤ល្ងាចថ្ងៃទី០៥ ខែកុម្ភះ ឆ្នាំ២០១៥ ក្នុងវត្តបល្ល័ង ក្នុងភូមិសន្ទៃ ឃុំពង្រ ស្រុករលាប្អៀរ។
ញោមព្រះសង្ឃរងគ្រោះបានអោយដឹងថា៖ព្រះសង្ឃរងគ្រោះព្រះនាម នូ ធីតា ព្រះ
ជន្ម២៥ព្រះវស្សា មានស្រុកកំណើតនៅភូមិទព័ត្បែង ឃុំពង្រ ស្រុករលាប្អៀរ ព្រះអង្គបួសបាន៤វស្សា និងបានគង់រៀនធម៌អារ នៅក្នុងវត្តបល្ល័ងនេះ។ញោមលោកបាននិយាយអោយដឹងទៀតថា៖លោកធ្លាប់មានជម្ងឺស្កន់ ពេលធ្វើទុក្ខម្តងៗតែងតែប្រកាច់ជាច្រើនម៉ោង ហើយការធ្លាក់ពីលើដើមអំពិលនេះសុគត ប្រហែលជាជម្ងឺស្កន់ធ្វើទុក្ខ។
ប្រជាពលរដ្ឋនៅកន្លែងកលើតហេតុបានអោយដឹងថា៖នៅក្នុងថ្ងៃកើតហេតុក្នុងវត្ត
មានធ្វើពិធីបុណ្យ ប្រហែលជាលោកឃើញអ្នកស្រុកមកធ្វើម្ហូបបុណ្យខ្វះអំពិល ទើបលោក
ឡើងដើមអំពិលកំពស់ជា១០ម នៅក្នុងវត្តបេះផ្លែអោយអ្នកភូមិ ហើយចៃដន្យក៏បានធ្លាក់ពីចុងអំពិលមកដីសុគតភា្លមៗតែម្តង។
ព្រះសពព្រះសង្ឃរងគ្រោះត្រូវបានញោមញាតិរបស់លោកតំកល់ក្នុងវត្តបល្ល័ង ធ្វើបុ
ណ្យទានតាមប្រពៃណីសាសនា ក្រោមការសោកស្តាយយ៉ាងខ្លាំងពីក្រុមគ្រួសាររបស់ព្រះអង្គ។ជីវិតសត្វលោកគឺមិនទៀងឡើយតែទៀងនឹងស្លាប់ គឺមិនអាចគេចផុតពីសេចក្តីស្លាប់បានឡើយគ្រាន់តែមុននិងក្រោយតែប៉ុណ្ណោះ៕
