ក្រុងប៉ោយប៉ែត៖ជ្រូកក្រហមថៃ នៅតែបន្តលួចចេញតាមច្រករបៀងមកលក់បែបអនាធិបតេយ្យ តាមទីផ្សារនានា នៅទូទាំងខេត្តបន្ទាយមានជ័យ បែបអនាធិបតេយ្យ ជារៀងរាល់ថ្ងៃ ឯមន្ត្រីជំនាញ និងសមត្ថកិច្ចមួយចំនួនហាក់ដូចជាមានរាសីឡើងខ្ពស់ត្រដែតខ្លាំងណាស់ ព្រោះរាប់ក្បាលជ្រូកយកលុយចែកគ្នា យ៉ាងរំភើយបំផុត រាល់ពេលអ្នកកាសែតតាមសួរពព័ត៏មានម្តងៗ ទាំងប៉ូលិសព្រំដែន ទាំងទាហ៊ានជួរមុខនិងមន្ត្រីជំនាញ ឆ្លើយដាក់គ្នាដូចអាយ៉ៃឆ្លើយឆ្លងអឹចឹង ។
សូមបញ្ជាក់ដែលថា បទល្មើសដឹកជញ្ជូនសត្វជ្រូកក្រហមនិងមាន់រស់ មាន់ងាប់ បាននឹងកំពុងកើនឡើងទាំងយប់ទាំងថ្ងៃ ចេញពីច្រករបៀងនានា នៅទូទាំងខេត្តបន្ទាយមានជ័យ ដែលសកម្មភាពបែបនេះ ត្រូវបានមហាជននរិះគន់ថា បទបញ្ជារបស់ឧត្តមសេនីយផ្កាយ៤ ទទួលបន្ទុកផ្នែកបង្គ្រាបបទល្មើសតាមពព្រំដែនកម្ពុជាថៃ កន្លងទៅ ហាក់ដូចជាគ្មានប្រយោជន៏អ្វីទាំងអស់ ដូចពាក្យចាស់ពោលថា សម្តីរបស់ថ្នាក់ដឹកនាំមួយចំនួនសាបជាងទឹកទន្លេអឹចឹង ព្រោះថា ដាក់បទបញ្ជាមើលទៅហាក់ដូចជាខ្លាំងខ្លាណាស់ ផ្ទុយទៅវិញ កូនចៅនៅតាមព្រំដែននាំគ្នាដឹកជញ្ជូនបទល្មើស ខូចគុណភាពពីប្រទេសថៃ ចូលមកតាមច្រករបៀងយ៉ាង ងងើលបំផុត ។
មានជ្រូកក្រហម រាប់ម៉ឺនក្បាលដែលកំពុងលំហូរចូល មកក្នុងដីខ្មែរតាមច្រករបៀងប៉ែកខាងជើង ខេត្ត មានជ័យ ឯមួយផ្នែកទៀតមកពីប៉ែកខាងត្បូងទៀតផង ដែលការលំហូរចូលនៃសត្វជ្រូកក្រហមនោះ ភាគច្រើនគេឃើញមានទាហ៊ានជួរមុខរបស់ខ្មែរយើង សហការជាមួយមន្ត្រីខិលខូច មួយចំនួន រួមទាំងប៉ូលិសមួយក្តាប់តូចផ្សេងទៀត បានអនុញ្ញាតិនាំចូលគ្រឿងបរិភោគខូចគុណភាព និងមាន់ទា រួមទាំងជ្រូក្រហម តាមរថយន្តតូចធំ រួចដឹកជញ្ជូនអោយម៉យនៅប៉ោយប៉ែត និងនៅក្នុងខេត្តបន្ទាយមានជ័យទៀតផង ហើយសកម្មភាពបែបនេះ គេមិនដែលឃើញមន្ត្រីបសុព្យាបាលសត្វ រឺប៉ូលិសបង្គ្រាបបទល្មើសសេដ្ឋកិច្ច នាំគ្នាសួរនាំរឺទប់ស្កាត់នោះទេ ។
តាមការលើកឡើងរបស់ប្រជាពលរដ្ឋជាច្រើនបានបញ្ជាក់ថា ក្នុងអំឡុងចាប់ពីចុងឆ្នាំ២០១៤រហូតមកដល់ដើមឆ្នាំ២០១៥នេះ គេបានឃើញមានការនាំចូលទំនិញខូចគុណភាពដ៏ច្រើនសន្ធឹកសន្ធាប់ មកពីច្រករបៀង ប៉ែកខាងជើងនិងប៉ែកខាងត្បូងក្រុងប៉ោយប៉ែត ទាំងយប់ទាំងថ្ងៃ រួមទាំងនៅចំណុចច្រកចំការគរ ស្ថិតក្នុងស្រុកស្វាយចេក តាមបណ្តោយផ្លូវតំបន់៥ និងច្រកអូរបីជាន់ ស្រុកអូជ្រៅ ដែលមានច្រករបៀងដ៏ច្រើននោះ បាននិងកំពុងលួចនាំចូលទំនិញ ជាគ្រឿងបរិភោគខូចគុណភាព មកលក់ក្នុងខេត្តបន្ទាយមានជ័យ សម្តីរបស់ប្រជាពលរដ្ឋក៏បានបញ្ជាក់ដែលថា មើលទៅវិធានការរបស់ថ្នាក់លើ របស់អស់លោកប៉ូលិស ហាក់ដូចជាគ្មាប្រសិទ្ធិភាពឡើយ គេបានបន្តទៀតថា សូម្បីតែនៅច្រកទ្វារអន្តរជាតិប៉ោយប៉ែត ក៏មិនខុសពីច្រករបៀងប៉ុន្មានដែរ ព្រោះមានទំនិញខូចគុណភាព នាំចូលមកតាមរទេះទាំងព្រឹកទាំងល្ងាច គេមិនដែលឃើញមានមន្ត្រីកាំកុងត្រូល ធ្វើការត្រួតពិនិត្យនិងបង្គ្រាបដូចមុនៗឡើយ ប្រជាពលរដ្ឋទាំងនោះក៏បានសំណូមរពរដល់ថ្នាក់លើមេត្តាជួយមានវិធាន
ការទប់ស្កាត់ផង។
ចំណែកប៉ូលិសនៅតាមព្រំដែន មួយចំនួនបានបញ្ជាក់ថា ឥឡូវនេះពួកគេមិនអនុញ្ញាតិអោយទំនិញហូរចូលបានស្រួលដូចមុននោះទេ ព្រោះការនាំចូលនៅសត្វជ្រូកក្រហម សព្វថ្ងៃនេះ គឺខាងទាហ៊ានជួរមុខជាអ្នកទទួលខុសត្រូវទាំងអស់ ឯប៉ូលិសនៅខាងក្រោយ គឺមិនដឹងអីទេ សម្តីរបស់អស់លោកប៉ូលិសខាងលើនោះ ក៏បានបន្តទៀតថា កន្លងទៅត្រូវបានថ្នាក់ដឹកនាំរបស់ខ្លួន បានប្រជុំអោយបិទរាល់សកម្មភាពនាំទំនិញចូលមកតាមព្រំដែន គឺត្រូវអោយឈប់ទាំងអស់ គឺមិនមានអ្នកណាមួយថ្លើមធំ ហ៊ានប្រឆាំងនិងបទបញ្ជារបស់មេឡើយ ដោយឡែកខាងទាហ៊ានក៏បានលើកឡើងដែរថា បើគ្មានការត្រូវរូវគ្នា គេក៏មិនហ៊ានបើកភ្លើងខៀវដែរ ៕
