កំពង់ឆ្នាំង៖លៀសជាច្រើនតោន ត្រូវបានគេដឹកតាមកាណូតមកឡើងមាត់កំពង់ទឹកស្ថិតក្នុង ភូមិសាស្ត្រឃុំឆ្នុកទ្រូ ស្រុកបរិបូណ៌ជារៀងរាល់ថ្ងៃលើកឡើងរថយន្តបន្តដឹកចេញយកទៅលក់ចែកចាយនៅតាមបណ្តារខេត្តក្នុងប្រទេស ដែលនេះវាជាបទល្មើសខុសច្បាប់មួយស្តីពីច្បាប់
ជលផល ព្រោះតែលៀសទាំងនេះ បានមកពីការនេសាទដោយប្រើឧបករណ៍ទំនើប អូសដោយកម្លាំងម៉ាស៊ីននិងកញ្ច្រែងដែក ក្នុងបឹងទន្លេសាប ។ នៅក្នុងច្បាប់ស្តីពីជលផលនិងប្រកាសរបស់ក្រសួងកសិកម្មបានហាមដាច់ខាតចំពោះការនេសាទដោយប្រើឧបករណ៏កាវលៀសដោយកម្លាំងម៉ាស៊ីន ព្រោះតែការនេសាទទាំងនេះបានធ្វើអោយប៉ះពាល់ដល់បរិស្ថានប្រព័ន្ធអេកូឡូស៊ីក្នុងទឹក និងក្រោមដី និងប៉ះពាល់ជម្រកត្រីរស់នៅ និងជីវចម្រុះគ្រប់ប្រភេទផងដែរ ។ ក៏ប៉ុន្តែផ្ទុយទៅវិញក្រុមជនល្មើស ដែលមានឧបករណ៍នេសាទទំនើបៗបានប្រើម៉ាស៊ីនកាវនិងអូសលៀសពេញផ្ទៃបឹងទន្លេសាបយ៉ាងរំភើយនៅចំណុចកោះត្បោស្ថិតក្នុងភូមិសាស្ត្រខេត្តកំពង់ធំដោយគ្មានការបង្ក្រាបពីសមត្ថកិច្ចណាឡើយ ហើយឆ្លើយដាក់គ្នាទៅវិញ។ បញ្ហាខាងលើនេះមន្ត្រី ខ័ណ្ឌជលផលកំពង់ឆ្នាំងម្នាក់ដែលសុំមិនបញ្ចេញឈ្មោះបាននិយាយអោយដឹងថា៖ សព្វថ្ងៃ នេះនាយខណ្ឌ័លោកបានចូលនិវត្តន៏ហើយ ហេតុនេះនៅមិនទាន់មានបញ្ជារអ្នកណានៅឡើយ ម្យ៉ាងវិញទៀតលោកទទួលស្គាល់ថា៖ លៀសពិតជាមានច្រើនតោនមែនបានឡើងនៅ
មាត់កំពង់ឆ្នុងទ្រូជារៀងរាលថ្ងៃ យើងមិនអាចបង្ក្រាបបានទេ ព្រោះកន្លែងនោះវាគ្រាន់តែទីផ្សារប៉ុណ្ណោះ មិនមែនជាកន្លែងបទល្មើសជាក់ស្តែងឡើយម្យ៉ាងវិញទៀតតំបន់ឆ្នុកទ្រូ វាគ្រាន់តែជាកន្លែងលើកដាក់ឆ្លងកាត់ប៉ុណ្ណោះ ចំណែកកន្លែ ងប្រព្រឹត្តបទល្មើសវិញគឺនៅខេត្តកំពង់ធំឯនោះទេ ហើយលៀសជាច្រើនតោនបែបនេះ គឺមិនមែនអូសកាវដោយដៃនេសាទទេ គឺពិតជាអូសដោយកម្លាំងម៉ាស៊ីនពិតជាខុសនឹងច្បាប់មែនហើយ ។ ប្រជាពលរដ្ឋដែលរស់នៅមាត់កំពង់ទឹកឃុំឆ្នុកទ្រូបាននិយាយថា៖រៀងរាល់ល្ងាច កាណូតជាច្រើនគ្រឿងបានត្រឡប់ពីធ្វើសកម្មភាពអូសលៀសវិញនៅដំបន់កោះត្បោស្ថិតក្នុងទឹកដីផ្នែរដ្ឋបាលជលផលផាត់សណ្តាយបានមកសំចតលក់លៀសអោយឈ្មួញទិញដឹកតាមរថ យន្តចេញទៅលក់នៅទីផ្សារភ្នំពេញនិងនៅតាមទីផ្សារនានាក្នុងប្រទេស ដោយគេពុំដែលមានឃើញមន្ត្រីជំនាញណាអើពើអ្វី
នោះឡើយ ព្រោះពួកគេមានអ្នករត់ការតាំងពីក្រោមរហូតដល់លើបើមិនអញ្ចឹងទេកុំសង្ឃឹថាបានរួចខ្លួនអោយសោះហើយតម្លៃក្នុងមួយការ៉ុងមានត្រឹមតែ១០០០០រៀលប៉ុណ្ណោះនៅមាត់កំពង់ឆ្នុកទ្រូឡើងឡាន ។ពាក់ពន្ធ័បញ្ហាខាងលើនេះលោក(យ៉ានវីសាក់)នាយរងផ្នែកជល់ផល់ផាត់សណ្តាយមិនអាចសុំការបំភ្លឺបានឡើយខណះទូរសព្ទ័មិនចូលនៅក្នុងនោះផងដែរមន្ត្រីជំនាញបច្ចេកទេសរដ្ឋបាលជលផលបានបញ្ជាក់អោយដឹងតាមរយះទូរសព្ទ័នៅរសៀលថ្ងៃទី៦គម្ភះ២០១៥នេះថាចំពោះបញ្ហាការកកាយលៀសដោយឧបករណ៍អូសនិងម៉ាស៊ិននៅក្នុងភូមិសាស្ត្រក្នុងទឹកដីខេត្តកំពង់ធំនោះលោកនាយករដ្ឋបាលជលផល់ថ្មីលោកបានដឹងហើយនិងកំពង់រិះរកវិធានការទប់ស្កាត់និងបង្ក្រាបអោយបានពេលវេលាតែអ្វីដែលសំខាន់នោះលោកពិនិត្យនិងចាត់វីធានការរាល់បទល្មើសខាងលើអោយទាល់តែបានតាមលក្ខណះបច្ចេកទេសទួសជាយ៉ាងណាក៍ដោយ។
ខាងលើនេះវាក៍ជាសារមួយដែលប្រជាពលរដ្ឋស្នើសុំអោយលោករដ្ឋមន្ត្រីក្រសួងកសិកម្ម ពិសេសលោកប្រធានរដ្ឋបាលជលផលដែលទើបនិងោឡើងថ្មី មេត្តាជួយមើលបទល្មើសខាងលើនេះ និងចាត់វិធានការណ៍បង្ក្រាបនិងទប់ស្កាត់ផង ព្រោះមន្ត្រីជំនាញក្នុងខេត្តកំពុងសម្ងំយ៉ាងសុខស្រួលទៅហើយ ។នៅក្នុងករណីបទល្មើសខាងលើនេះគេរង់ចាំមើលថាលោកប្រធានរដ្ឋបាលជល់ផល់ដែលទើបឡើងថ្មីចាត់វិធានការយ៉ាងណាចំពោះបទល្មើសខាងលើដែលធ្វើសកម្មភាពជារៀងរាល់ថ្ងៃនិងរាប់ឆ្នាំមកហើយពុំដែលមានមន្ត្រីជុំនាញជល់ផល់ណាបង្ក្រាបបានម្តងឡើយ៕
