ខេត្តកំពង់ស្ពឺ ៖ នៅថ្ងៃទី៥ ខែកុម្ភៈ ឆ្នាំ២០១៥ ក្រោយកើតហេតុករណីឃាតកម្មវាយសម្លាប់បុរសម្នាក់ហើយអូសសពទៅដុតនៅ ក្រៅភូមិរួចមកសមត្ថកិច្ចទាំងនគរបាលនិងកងរាជអាវុធហត្ថស្រុកសំរោង ទងឃាត់បានមនុស្សដែលជាអ្នកប្រព្រឹត្តបានជាបន្តបន្ទាប់
ក្រុមជនសង្ស័យទាំង៤នោះត្រូវបាន កងរាជអាវុធហត្ថស្រុកសំរោងទងចាប់បានម្នាក់និងនគរបាលការិយាល័យបាល ព្រហ្មទណ្ឌកម្រិតធ្ងន់ចាប់បាន៣នាក់។
ជនសង្ស័យដែលខាងអាវុធហត្ថចាប់ឃាត់ មានឈ្មោះអៀម សាហុន ភេទប្រុស អាយុ៣០ឆ្នាំ(ចាប់មុនគេ)ចំណែកខាងនគរបាលចាប់ឃាត់មានឈ្មោះ កង សាន ភេទប្រុស អាយុ៣០ឆ្នាំ, ឈ្មោះអឿន សាត ភេទប្រុស អាយុ២៦ឆ្នាំ និងឈ្មោះ ភឺន ភាស់ ភេទប្រុស អាយុ២៨ឆ្នាំ ក្រុមជនសង្ស័យមានទីលំនៅភូមិស្រែអំបិលឃុំត្រពាំងគងស្រុកសំរោងទង ខេត្តកំពង់ស្ពឺ។
ក្រុមជនសង្ស័យបានឆ្លើយសារភាពថា ដោយសារតែពួកគេធ្លាប់បាត់សត្វគោនាពេលកន្លងមកទើបនៅពេលប្រទះ ឃើញមនុស្សប្លែកមុខក៏នាំគ្នាគិតថាជាចោរលួចគោក៏នាំគ្នាវាយតែ ម្តងដោយខ្លះដំបងឈើខ្លះដំបងឬស្សីវាយរហូតដល់ស្លាប់ក៏នាំគ្នា អូសសពទៅដាក់ក្រៅភូមិហើយអ្នកខ្លះក៏យកធាងដូងមកដុតបណ្តាលឲ្យឆេះ រោលខ្លះៗដែរ។ក្រោយបង្កក៏នាំគ្នាត្រឡប់ទៅ ផ្ទះរៀងៗខ្លួនលុះព្រឹកឡើងថ្ងៃទី៥ក៏ត្រូវសមត្ថកិច្ចឃាត់ខ្លួនជា បន្តបន្ទាប់។ពួកគេបន្តថាអ្នកប្រព្រឹត្តមិនមែនមានតែ៤នាក់នេះ ទេគឺមនុស្សចាប់ពី១៧នាក់រហូតដល់មួយភូមិដែលចូលរួមវាយសម្លាប់នេះ ដូច្នេះបើចាប់ពួកគេសូមចាប់ទាំងអស់គ្នាទើបយុត្តិធម៌។សមត្ថកិច្ចកំពុងតែកសាងសំណុំរឿង បញ្ជូនជនសង្ស័យទាំង៤នាក់ទៅកាន់សាលាដំបូងដើម្បីចាត់ការតាម ផ្លូវច្បាប់។តែទោះជាយ៉ាងណាក្រុមគ្រួសារជនរងគ្រោះបានសំណូមពរដល់ សមត្ថកិច្ចទាំងពីរធ្វើយ៉ាងណាមេត្តាចាត់ការក្រុមជនបង្កតាម ផ្លូវច្បាប់កុំលើកលែងសោះឡើយ។លោកយាយ ឌឿយី អាយុ៦៥ឆ្នាំ ត្រូវជាម្តាយជនរងគ្រោះក៏បានអោយដឹងដែរថា កូនរបស់គាត់ពិតតែមានជំងឺសរសៃប្រសាទតែមិនដែលបង្កបញ្ហាដល់អ្នក ដទៃនិងក្រុមគ្រួសារអោយលំបាកនោះទេគឺនៅពេលដែលជំងឺរើម្តងៗតែងតែ ដើរចោលផ្ទះទៅបាត់រាប់ខែហើយនៅពេលធូរស្រាលក៏ឃើញត្រឡប់មកវិញ( មូលហេតុដែលធ្វើអោយជនរងក្រោះមានជំងឺសរសៃប្រសាទបែបនេះដោយសារតែ កាលពីអាយុ២០ឆ្នាំគេធ្លាក់ពីលើដើមត្នោតដែលមានកំពស់ប្រមាណ១៧ ម៉ែត្រ)កូនរបស់គាត់មានឈ្មោះ ទួន ចាន់ទ្រា អាយុ២៧ឆ្នាំ មានទីលំនៅភូមិត្រពាំងកែវ(ជ្រៃមង្គល)ឃុំដំណាក់អំពិល ស្រុកអង្គស្នួល ខេត្តកណ្តាល។មជ្ឈដ្ឋានប្រជាពលរដ្ឋជាច្រើនបាន លើកឡើងថាមិនគួរណាក្រុមជនដៃដល់ប្រព្រឹត្តអំពើបែបនេះសោះហើយបើ តាមដឹងក្នុងចំណោមអ្នកប្រព្រឹតយ្តទាំងនោះមានប្រជាការពារភូមិ ចូលរួមផងដែរ។បញ្ហានេះគួរណាស់តែសមត្ថកិច្ចចាត់ការលើសំណុំរឿងនេះ អោយបានល្អិតល្អន់បន្តិចព្រោះថាក្រុមគ្រួសារជនរងគ្រោះមិន សុខចិត្តនោះទេបើសិនជាមានការខ្វះចន្លោះណាមួយកើតឡើង។
លោកវរសេនីយយ៍ត្រីសម សាក់ នាយការិយាល័យព្រហ្មទណ្ឌកម្រិតធ្ងន់ខេត្តបានឲ្យនគរវត្តដឹងថាពេល នេះជំនាញកំពុងតែដុតដៃដុតជើងតាមចាប់ក្រុមជនបង្កដែលរត់គេចខ្លួន ដើម្បីយកមកផ្តន្តាទោសតាមផ្លូវច្បាប់ ។ ចំណែកជនសង្ស័យដែលខាត់ខ្លួនបានសមត្ថកិច្ចរបស់លោកកំពុងតែធ្វើការ សាកសួរនិងកសាងសំណុំរឿងបញ្ជូនទៅតុលាករចាត់ការតាមច្បាប់។
លោកវិន ឡេងហួង មេបញ្ជាការកងរាជអាវុធហត្ថស្រុកសំរោងទងក៏បានឲ្យដឹងដូចគ្នាដែរថា ជនដែលឃាត់បានជំនាញកំពុងតែកសាងសំណុំរឿងបញ្ជូនទៅកាន់ការិយាល័យ ព្រហ្មទណ្ឌកងរាជអាវុធហត្ថខេត្តដើម្បីចាត់ការបន្ត។ចំពោះអ្នកដែល ចូលរួមប្រព្រឹត្តក្នុងករណីឃាតកម្មនេះសមត្ថកិច្ចរបស់លោកកំពុងតែ តាមស្វែងរកចាប់ខ្លួនបន្តដើម្បីយកមកប្រគល់ឲ្យច្បាប់ចាត់ការ។ករណីនេះកើតឡើងភ្លាមក្រោយប៉ុន្មាន ម៉ោងប៉ុណ្ណោះសមត្ថកិច្ចក្របួចបានក្រុមជនបង្កបានភ្លាមៗតែម្តង ពិតជាគួរអោយស្ងើចសរសើបងបងសមត្ថកិច្ចទាំងពីរស្ថាប័នមែនដែលបាន ប្រប្រាស់ជំនាញវែកមុខក្រុមជនបង្កបានភ្លាមៗបែបនេះ។
សូមរំឮកថាកាលពីវេលាម៉ោង៨ និង៣០នាទីយប់ ថ្ងៃទី៤ កុម្ភៈ នៅចំណុចភូមិស្រែអំបិល ឃុំត្រពាំងគង ស្រុកសំរោងទង មានបុរសមិនស្គាល់អត្តសញ្ញាណម្នាក់ត្រូវប្រជាពលរដ្ឋព្រួតវាយរហូត ស្លាប់យ៉ាងអាណោចអាធ័ម ហើយអូសសពយកទៅដុតនៅជិតវាលស្រែលើផ្លូវរទេះភ្លើងក្រៅភូមិ ព្រោះសង្ស័យថាជាចោរលួចគោ ៕
