តំណាងរាស្ដ្រអាមេរិកបានលើក ឡើងនៅក្នុងសភាកាលពីថ្ងៃព្រហស្បតិ៍ ដោយជំរុញឱ្យដាក់ទណ្ឌកម្មបន្ថែមទៀត ទៅលើប្រទេសកូរ៉េខាងជើង ។ ការលើក ឡើងនោះគឺដាក់ពិន័យឱ្យបានតឹងរ៉ឹងទៅ លើក្រុមហ៊ុនបរទេសដែលធ្វើពាណិជ្ជ កម្មជាមួយទីក្រុងព្យុងយ៉ាង ហើយនេះ
ជា វិធានការមួយដែលគេមើលឃើញថា ប៉ះពាល់យ៉ាងខ្លាំងក្លាបំផុតទៅដល់ក្រុម ហ៊ុនវិនិយោគរបស់ចិនផងដែរ ។លោក Ed Royce តំណាងរាស្ដ្រ គណបក្សសាធារណរដ្ឋអាមេរិកបាន ថ្លែងដោយសង្កត់ធ្ងន់ទៅលើការលប ចូលវាយប្រហារបំផ្លិចបំផ្លាចទិន្នន័យ របស់ក្រុមហ៊ុនស៊ូនី ។ ក្នុងមូលហេតុនេះ អ្នកតំណាងរាស្ដ្រចង់ឱ្យមានការរឹតបន្ដឹង ទៅលើរូបិយប័ណ្ណកូរ៉េខាងជើង និងទំនិញ ផ្សេងៗទៀតដែលកំពុងតែជួយឱ្យរបបទី ក្រុងព្យុងយ៉ាងមានអំណាចនោះ ។លោក Royce ដែលជាប្រធានគណៈ កម្មការកិច្ចការបរទេសផងនោះបានស្នើ ដល់សភាឱ្យអនុវត្ដយុទ្ធសាស្ដ្រគ្រប់រូប ភាពដើម្បីដាក់ទណ្ឌកម្មកូរ៉េខាងជើង និង បណ្ដាប្រទេស និងក្រុមហ៊ុននានាដែល ជួយសម្រេចមហិច្ឆតាកម្មវិធីនុយក្លេ អ៊ែររបស់កូរ៉េខាងជើងនោះ ។
បច្ចុប្បន្ន កូរ៉េខាងជើងកំពុងទទួលរង នូវការដាក់ទណ្ឌកម្មយ៉ាងខ្លាំងក្លារួច ហើយពីអាមេរិក និងអង្គការសហប្រជា ជាតិទៅលើកម្មវិធីអាវុធបរមាណូ និង ការបាញ់សាកល្បងគ្រាប់បែកមហាល័យ លោករបស់ប្រទេសនេះ ។ កាលពីឆ្នាំ មុននេះ ប្រធានាធិបតីអាមេរិកលោក បារ៉ាក់ អូបាម៉ា បានចុះហត្ថលេខាដាក់ ទណ្ឌកម្មបន្ថែមទៀតទៅលើប្រទេសនេះ ដែលនៅតែមានបណ្ដាញផ្គត់ផ្គងផ្នែក ហិរញ្ញវត្ថុពីពិភពខាងក្រៅនោះ
