កំពង់ធំ=រថយន្ដសាំយ៉ុង១គ្រឿងមានពណ៍ចំរុះ ស លាយ បៃតង ក្រហមបានជាប់អន្ទាក់សមត្ថកិច្ចផ្នែករដ្នបាលព្រៃឈើស្ទោងទាំងកណ្ដាលយប់រលងអាធ្រាតវេលាម៉ោង០២ឈានចូលថ្ងៃទី២៣ខែមិនាឆ្នាំ២០១៤ ដែលមានកំលាំងចំរុះចូលរួមស្ទាក់ចាប់បាននៅចំនុចក្បែរគល់ស្ពាន់ត្បូងចាមស្ថិតនៅក្នុងទីរួមខេត្តកំពង់ធំ។
លោក តុង យី នាយផ្នែករដ្នបាលព្រៃឈើស្ទោងបានអោយដឹងថាបានអោយដឹងថា ក្រោយពីរទទួលពត៍មានថាមានរថយន្ដសាំយ៉ុងបានដឹកឈើក្រញូងចេញពីរខេត្តព្រះវិហារឆ្លងកាត់ខេត្តកំពង់ធំឆ្ពោះទៅខេត្តកំពង់ចាម តាមបណ្តោយផ្លូវ លេខ៦២ព្រះវិហារ កំពង់ធំលោកក៏បានបញ្ចារអោយសមត្ថកិច្ចមេព្រៃចុះស្ទាក់ រហូតមកដល់ចំនុចទល់មុខហាងបាយគិមសេងក៏ស្ទាក់ចាប់បានរថយន្ដ
ដែលមានផ្លាកលេខ ភ្នំពេញ ២D៤០២៩ ព្រមទាំងជនល្មើសម្នាក់ឈ្មោះ វឿន ណាវិន ភេទប្រុសអាយុ ២២ឆ្នាំ រស់នៅក្នុង ភូមិសាមគ្គី ឃុំជីគរ ស្រុកត្បូងឃ្មុំ ខេត្តកំពង់ចាម បន្ទាប់មក រថយន្ដនិងភស្ដុតាងបានបញ្ចូនទៅរក្សារទុកនៅផ្នែករដ្ន
បាលព្រៃឈើស្ទោងលុះព្រឹកឡើងរុះរើ ដើម្បីធ្វើការវាស់វែងឃើញមានឈើគ្រញូងចំនួន៤៥ដុំ ស្មើរនិង៥៤៩គីឡូក្រាមត្រូវនិង០,៤៥៧មែត្រគូប ចំនែកជនល្មើសបានបញ្ចូនទៅផ្នែករដ្នបាលព្រៃឈើកំពង់ស្វាយ ដើម្បីកសាងសំណុំរឿងបញ្ចូនទៅតុលាការចាត់វិធានការតាមនិត្តិវិធីនៃច្បាប់។
សូមបញ្ចាក់ផងដែរថា រថយន្តសាំយ៉ុង ដឹកបទល្មើស ត្រូវបាន ក្រុមអ្នកសារពត៌មាន ប្រដេញតាមមកពី ខេត្តព្រះវិហារ លុះមក ដល់ខេត្តកំពង់ធំ ទើបសុំការអន្តរាគមន៍ ពីសំណាក់ អភិបាលរង ខេត្តកំពង់ធំ ទទួលបន្ទុកផ្នែក បង្រ្កាបបទល្មើស បញ្ជាឲ្យស្ទាក់រថយន្ត មួយគ្រឿងនេះ បានតែម្តងនៅចំនុច ស្ពានត្បូងចាម ក្នុងនោះដែរក៏មានលេចលឺពត៌មានថា ខណៈពេលឃាត់រថយន្តបានហើយ បែរជាមានការ ប្រើអំពើហឹង្សា ទៅជនល្មើសដឹកឈើគ្រញូងទៅវិញ ជាហេតុធ្វើឲ្យមានការ ងឿងឆ្ងល់ថា អ្នកបង្រ្កាបជនល្មើស បែរជាហ៊ានវាយធ្វើបាប ជនល្មើស ជនដែលជាសមត្ថកិច្ចបង្រ្កាបនោះ ក៏បានក្លាយទៅជាជនល្មើស តើសមត្ថកិច្ចស្ថាប័ន តុលាការ មានវិធានការបែបណា ?។
