កំពង់ធំ=រថយន្តយីឌុបមួយគ្រឿងបានក្រឡាប់ផ្ងារជើងខណៈពេលដែលមានរថយន្តលុចស៊ីបើកប្រដេញតាមពីក្រោយហើយបានទៅឈប់ភ្លាមៗពីមុខជាហេតុធ្វើរថយន្តយីឌុបនោះចាប់ហ្វ្រាំងមិនទាន់ក៏បង្ខំចិត្តកាច់ចង្កូតគេចចេញរហូតដល់ក្រឡាប់បែបនេះតែម្តងហេតុការណ៍នេះ
បានកើតឡើងកាលពីវេលាម៉ោង៧និង៣០នាទី ព្រលប់ថ្ងៃទី០៦ខែកុម្ភះឆ្នាំ២០១៥ ត្រង់ចំនុច ភូមិតាថាវ ឃុំជ័យ ស្រុកកំពង់ស្វាយ ខេត្តកំពង់ធំ។បើតាមប្រភពព័ត៌មានបានអោយដឹងថា មុនពេលកើតហេតុគេឃើញរថយន្ដយីឌុបដឹកដំឡូង២គ្រឿង បើកបន្តកន្ទុយគ្នាក្នុងនោះមួយគ្រឿងពាក់ផ្លាកលេខ ព្រះសីហនុ 3A0961 ធ្វើដំណើរពីកើតទៅលិច គ្រានោះដែរគេឃើញមានរថយន្តលុចស៊ីសRX300មួយគ្រឿងពណ៍ខ្មៅពាក់ផ្លាកលេខ ភ្នំពេញ2L 1515បានបើកប្រដេញតាមពីក្រោយលុះមកដល់ចំណុចកើតហេតុក៏បានឡើងវ៉ារួចមកឈប់ពាំងចំពីមុខធ្វើអោយរថយន្ដយីឌុបកំពុងចាប់ហ្វ្រាំងទាំងបង្ខំប្រញាប់ព្រោះខ្លាចបុករថយន្ដលុចស៊ីលនោះស្របពេលនោះ ស្រាប់តែរថយន្ដយីឌុបមួយទៀតដែលបើកបន្តកន្ទុយមកពីរក្រោយនោះចាប់ប្រាំងមិនទាន់ក៏សំរេចកាច់ ចង្គូតរហូតក្រឡាប់ផ្ងារជើងបណ្តាលឲ្យរងរបួសធ្ងន់ម្នាក់។
បើតាមប្រភពព័ត៌មានពីសមត្ថកិច្ចបានអោយដឹងថារថយន្ដលុចស៊ីសខាងលើនេះគឺជាកម្មសិទ្ធរបស់លោក អ៊ិនប៉ូជាមន្ដ្រីយោធាដែលមានឋានះជាមេបញ្ចាការរងប្រចាំការនៅក្នុងស្រុកប្រាសាទសំបូរ។បើតាមប្រជាពលរដ្ឋបានអះអាងថាសព្វថ្ងៃនេះគេឃើញលោកអ៊ិនប៉ូតែងតែបានធ្វើសកម្មភាពបើករថយន្ត របស់ខ្លួនប្រដេញតាមរថយន្តផ្សេងៗទៀតកាលបើគេសង្ស័យថាមាន ដឹកបទល្មើសព្រៃឈើនោះ។បន្ទាប់ពីកើតហេតុជនរងគ្រោះដែលរងរបួសត្រូវបានគេដឹកទៅកាន់មន្ទីរពេទ្យទាំងយប់។ចំណេកអ្នកបើក រថយន្តលុចស៊ីសក៏បានបើកគេចខ្លួនបាត់ភ្លាមៗផងដែរ។ ប៊ុនរិទ្ធី
