> បាត់ដំបង: ឃាតករចំនួនពីរនាក់ដែលពាក់ព័ន្ធនឹងករណីឃាតកម្មគិតទុកជាមុនត្រូវបានកំលាំងកងរាជអាវុធហត្ថស្រុកសំពៅលូន និងស្រុកថ្មគោលធ្វើការឃាត់ខ្លួនបានជាបន្តបន្ទាប់កាលពី ថ្ងៃទី6-2-15ក្រោយពីជនទាំងពីរនាក់នេះបានធ្វើសកម្មភាពអារ កសំលាប់មនុស្សនៅក្នុងអាហារដ្ឋានយីហោ”រ៉ានស:ផានយ៉ាវ”ស្ថិតក្នុងភូមិណាក្លឿ ឃុំបាំងឡាក់មុង ស្រុកឈុនបុរី ខេត្តឈុនបុរី ប្រទេសថៃកាលពីថ្ងៃទី4-2-15វេលាម៉ោង2រំលងអាធ្រាតរួចមក ។
> យោងតាមសេចក្តីរាយការពីកំលាំងតំរួតថៃមកកាន់សមត្ថកិច្ចកងរាជអាវុធហត្ថស្រុក
> សំពៅលូនស្តីពីករណីឃាតកម្មមួយបានកើតឡើងនៅក្នុងទឹកដីថៃដែលបង្កដោយជនជាតិខ្មែរចំនួនពីរនាក់រួចមក លោកអនុសេនីយ៍ឯក អញ កាម៉ាល់ មេបញ្ជាការរងបានចាត់កំលាំងតាមស្រាវជ្រាវរកភិនភាគដែលបានទទួលអស់រយ:ពេលពីរថ្ងៃក៏បានប្រទះឃើញមុខសញ្ញានេះកំពុងដេកលេងនៅលើប៉ៅអុីក្នុងផ្ទះមួយកន្លែងស្ថិតក្នុងភូមិត្រពាំងព្រលិត ឃុំសន្តិភាព ស្រុកសំពៅលូនទើបសុំគោលការទៅលោកព្រះរាជអាជ្ញាដើម្បីឃាត់ខ្លួនជាបណ្តោះអាសន្ននាំយកទៅសាកសួរចំណែកមុខសញ្ញាម្នាក់ទៀតលោកមេបញ្ជាការរងបានបោះដៃបន្តទៅកាន់ស្រុកមួយចំនួនដែលនៅក្បែដើម្បីត្រួតពិនិត្យតាមមធ្យោបាយធ្វើដំណើរនានាទីបំផុតក៏ទទួលបានព័ត៌មានថាកំលាំងកងរាជអាវុធហត្ថស្រុកថ្មគោលចាប់ខ្លួនបានដែរ ។
> ឃាតករទាំងពីរនាក់នេះមានឈ្មោះ ទន់ ព្រែន ភេទប្រុស អាយុ25ឆ្នាំ និងឈ្មោះ អុិម ប៉ាវ
> ភេទប្រុស អាយុ20ឆ្នាំ ពួកគេទាំងពីរនាក់រស់នៅភូមិស្លែង ឃុំគោកព្រេច ស្រុកគិរីវង្ស ខេត្តតាកែវចំណែកជនរងគ្រោះដែលស្លាប់នៅក្នុងទឹកដីថៃមានឈ្មោះ ស្រូយ ណូចដន ភេទប្រុស អាយុ31ឆ្នាំរស់នៅក្នុងភូមិឃុំជាមួយគ្នាហើយបានទៅធ្វើការក្នុងហាងបាយជាមួយគ្នាក្នុងទឹកដីថៃតាំងពីអំឡុងខែឧសភា ឆ្នាំ2014មកម្ល៉េះ ។ក្រោយពីការឃាត់ខ្លួនជនសង្ស័យទាំងពីរបានសារភាពប្រហាក់ប្រហែលគ្នាថាពួកគេបានចេញដំណើរពីស្រុកកំណើតទៅធ្វើការនៅប្រទេសថៃគឺនៅពាក់កណ្តាលឆ្នាំ2014ដោយធ្វើការនៅក្នុងអាហារដ្ឋានមួយកន្លែងក្នុងខេត្តឈុនបុរី ក្នុងនោះក៏មានកម្មករខ្មែរជាច្រើននាក់ផងដែរដែលជាអ្នករត់តុ និងលើកម្ហូបអាហារ មានតែឈ្មោះទន់ ព្រែន មួយប៉ុណ្ណោះដែលថៅកែហាងអនុញ្ញាតិអោយធ្វើជាចុងភៅ ។
> ជនសង្ស័យបានសារភាពបន្តថា ជាញឹកញាប់អោយតែមានបញ្ហាអ្វីបន្តិចបន្ទួចគឺឈ្មោះ
> ដន តែងតែរករឿងមកលើពួកខ្លួនជានិច្ចដូចជាបាយដាំឆៅ ឬក៏ខ្វះបាយជាដើម ព្រមទាំងចង់វាយ មកលើពួកខ្លួនថែមទៀតហើយក៏ត្រូវកម្មករដែលនៅទីនោះជួយឃាត់ទើបស្ងប់ស្ងាត់ទៅវិញ ។ ដោយអត់ទ្រាំនឹងសំដីទាំងនេះមិនបានទើបនៅយប់ថ្ងៃទី3-2-15 ឈ្មោះប៉ាវបានសុំ
> ថៅកែបើកលុយខ្លះរួចក៏បបួលគ្នាចេញទៅដើរលែងខាងក្រៅដោយផឹកស្រាបៀរអស់ម្នាក់មួយកំប៉ុងព្រមទាំងបានគិតគ្នាថាពេលទៅវិញនឹងសំលាប់ឈ្មោះដននេះចោល ទើបនាំគ្នាវិលត្រឡប់មកហាងវិញនៅប្រហែលជាម៉ោងមួយរំលងអាធ្រាតឈានចូលថ្ងៃទី4ទៅហើយ ។
ពេលទៅដល់បន្ទប់ពួកគេទាំងពីរនាក់បានលបមើលឈ្មោះដនដែលដេកនៅក្នុងចង្ក្រានបាយឃើញថាកំពុងដេកលក់យ៉ាងស្កប់ស្កល់ទៅហើយនោះទើបឈ្មោះប៉ាវទាញយកញញួរទំងន់3kgដើរទៅលើក្បាលដំណេកហើយលើកវាយកណ្តាលក្បាលចំនួន4ញញួរធ្វើអោយឈ្មោះដនដកចង្ការមាន់លែងកំរើកខ្លួនទៅហើយទើបឈ្មោះព្រែនទាញយកកាំបិតចិតបន្លែទៅអារលើបំពង់ ករហូតដាច់បំពង់ខ្យល់ក៏នាំគ្នាដូរអាវដែលប្រលាក់ឈាមទាំងនោះចេញរួចក៏នាំគ្នាគេចខ្លួនចេញពីហាងទៅរករថយន្តជិះចេញដំណើរត្រឡប់មកប្រទេសខ្មែរវិញទាំងយប់ដោយមកដល់ស្រុកសំពៅលូននៅម៉ោង9ព្រឹកក៏ចូលទៅសំរាកនៅផ្ទះម្តាយមីងលែងជាបណ្តោះអាសន្នសិនដោយគិតថាគ្មានអ្នកណាអាចដឹង និងតាមចាប់មកដល់ដីខ្មែរឡើយ ។
> ជាចុងក្រោយពួកគេបានលើកឡើងថា នៅព្រឹកថ្ងៃទី6កុម្ភ: ឈ្មោះព្រែនបានចាកចេញ
> ពីស្រុកសំពៅលូនមុនដោយគោលបំនងត្រឡប់ទៅស្រុកកំណើតវិញចំណែកឈ្មោះប៉ាវក៏នៅដេកលែងលើប៉ៅអុីស្រាប់តែត្រូវកំលាំងប៉េអឹមស្រុកចុះមកចាប់ខ្លួនតែម្តង ដោយឡែកឈ្មោះព្រែនក៏ត្រូវឃាត់ខ្លួនដែរពេលដែលជិះរថយន្តដល់ភូមិប៉ោយសំរោង ឃុំតាពូង ស្រុកថ្មគោលជិតដល់ក្រុងបាត់ដំបងទៅហើយ។បច្ចុប្បន្នជនសង្ស័យដែលឃាតករដៃឆៅត្រូវបានកំលាំងបញ្ជាការដ្ឋានកងរាជអាវុធហត្ថខេត្តរៀបចំកសាងសំណុំរឿងដើម្បីបញ្ជូនខ្លួនទៅកាន់សាលាដំបូងខេត្តហើយ ដោយឡែកសពជនរងគ្រោះគេមិនទាន់ដឹងថាសមត្ថកិច្ចថៃនឹងធ្វើការបញ្ជូនទៅកាន់ស្រុកកំណើតដែរឬយ៉ាងណានោះទេ៕
