រាជធានីភ្នំពេញ ៖ នៅវេលា ម៉ោង ៥និង១០នាទី ល្ងាចថ្ងៃទី២២ ខែមិនា កម្លាំងនគរបាលខណ្ឌ ដោយមានការឯកភាព ពីតំណាងអយ្យការ និងមានការបញ្ជា ពីលោកស្នងការ ជួន សុវណ្ណ បានឈានទៅដល់ការឃាត់ខ្លួន ថៅកែស្រី វាយធ្វើបាប បង្ខំឲ្យឈ្នួលបម្រើស្រី លិទ្ឋកំអួតខ្លួនឯងរូបនេះ យកមកសួរនាំ។គួរបញ្ជាក់ថាះកាលពីថ្ងៃទិ១៧ខែមិនាឆ្នាំ២០១៤ឈ្នួលបម្រើស្រីម្នាក់ត្រូវបានថៅកែចិត្តខ្មៅវាយធ្វើបាបក៏សម្រេចចិត្តទៅដាក់ពាក្យបណ្ដឹងនៅបុស្ត័ព្រែកព្នៅដើម្បីអោយសមត្ថកិច្ចជួយរំដោះនាងចេញពីកណ្ដាប់ដៃថៅកែចិត្តខ្មៅនោះ។
បើតាមការរៀបរាប់ទាំងទឹកភ្នែករបស់កុមារីរងគ្រោះរូបនោះបានអោយដឹងថាះនាងឈ្មោះផលលក្ខិណាភេទស្រីអាយុ១៧ឆ្នាំមានមុខរបរជាកម្មការនីមានស្រុកកំនើតនៅភូមិសេដាឃុំវិហាសួគ៏ស្រុកខ្សាច់កណ្ដាលខេត្តកណ្ដាលនាងបានមករសនៅធ្វើកាផ្ទះជាមួយនឹងថៅកែចិត្តអាក្រក់នេះបានប្រហែល១ឆ្នាំហើយតែពុំដែលមានបញ្ហាអ្វីទេលុះចាប់តាំងពីចូលឆ្នាំចិន
កន្លងមកស្រាប់តែថៅកែស្រីរូបនោះចាប់ផ្ដើមរករឿងនាងរហូតដោយវាយធ្វើបាបនាងជារៀងរាល់ថ្ងៃមិនតែប៉ុណ្ណោះថែមទាំងមិនអោយនាងងូតទឹកទៀតផងពេលខ្លះនាងទ្រាំលែងបានក៏សុំថៅកែឈប់ធ្វើការតែត្រូវថៅកែស្រីរូបនោះគំរាមនាងថាបើសិនជានាងឈប់ធ្វើការគេនឹងទៅរឹបអូសដីផ្ទះរបស់ម្ដាយនាងយកទាំងអស់ហើយគេថាម្ដាយនាងបានជំពាក់លុយគេ
ដោយនាងអាណិតម្ដាយហើយខ្លាចដូចពាក្យគេគំរាមទើបនាងចេះតែត្រាំទៅលុះកាលពីល្ងាចថ្ងៃទី១៦ខែមិនាឆ្នាំ២០១៤វេលាប្រហែកជាម៉ោង៨យប់នាងបានដួសបាយហូបដោយសារនាងមិនសូវស្រួលខ្លួននាងក៏បានក្អួតពេលនោះស្រាប់តែថៅកែនោះឃើញនាងក្អួតក៏បង្ខំអោយនាងស៊ីក្អួតនោះអោយអស់ពេលដែលនាងមិនស៊ីស្រាប់តែថៅកែស្រីរូននោះបានយក
វែកបាយថាយនាងពេញទាំងខ្លួនទាំងអស់ដោយសារការធ្វើទារុណកម្មរបស់ថៅកែចិត្តអាក្រក់នោះខ្លាំងពេកហើយនាងទ្រាំមិនបាកក៏សម្រេចចិត្តរត់ទៅប្ដឹងសមត្ថកិច្ចបុស្ដព្រែកព្នៅតែម្ដង។យ៉ាងណាក៏ដោយ ថៅកែស្រី ដ៏ពិសពុលរូបនេះ មិនទាន់ត្រូវ បាន សមត្ថកិច្ចខណ្ឌសែនសុខបញ្ជូនខ្លួនទៅកាន់តុលាការនៅឡើយទេខណ:ដែលមានសេចក្តីរាយការណ៍មួយចំនួន
និយាយថា សាច់ញាតិថៅកែស្រីរូបនេះ មានទាំងថ្នាក់ឧត្តមសេនីយ៍ នៅក្រសួងមហាផ្ទៃ កំពុងរត់ការខ្វែងដៃខ្វែងជើងសុំដោះនិងរួចផុតពីការចោទប្រកាន់ថៅកែស្រីដែលប្រើអំពើហិង្សាលើឈ្នួលបម្រើស្រីរបស់ខ្លួន ឈ្មោះ គង់ ស៊ីណាត អាយុ ៣២ឆ្នាំ មុខរបរលក់គ្រឿងបន្លាស់ម៉ូតូ រស់នៅផ្ទះគ្មានលេខ ផ្លូវជាតិ លេខ៥ ភូមិផ្សារលិច សង្កាត់ព្រែកព្នៅ ខណ្ឌសែនសុខ។
ប្រជាពលរដ្ឋ និងមជ្ឈដ្ឋានទូទៅ ចង់ឃើញ តុលាការក្រុងភ្នំពេញផ្តន្ទាទោស និងឃុំខ្លួនថៅកែស្រីម្នាក់ ដែល តែងតែវាយធ្វើបាប រហូតបង្ខំឲ្យឈ្នួលបម្រើស្រី លិទ្ឋកំអួតខ្លួនឯងដាក់ពន្ឋនាគារ ព្រោះតែបានប្រព្រឹត្តនូវទង្វើ ដ៏ ព្រៃផ្សៃ ទៅលើក្មេងស្រី មិនទាន់គ្រប់អាយុ ។
