)(ឧត្តរមានជ័យ)កាលពីវេលាម៉ោង៩និង២០នាទីព្រឹកថ្ងៃទី៨ ខែកុម្ភះ ឆ្នាំ២០១៥ ប្រជាពលរដ្ឋប្រមាណ១១៣គ្រួសារនៅភូមិរំចេក ឃុំអន្លង់វែង ស្រុកអន្លង់វែង ខេត្តឧត្តរមានជ័យ មានក្តីរំភើបរីករាយឥតឧបមានិងសូមថ្លែងអំណរគុណយ៉ាងជ្រាលជ្រៅចំពោះលោកស ថា វី អភិបាលនែគណះអភិបាលខេត្តឧត្តរមានជ័យ ដែលបានជួយកសាងផ្លូវនិងស្ពានដែកបាឡេដើម្បីជួយសំរួលការលំបាករបស់ប្រជាពលរដ្ឋក្នុងការធ្វើដំណើរក៏ដូចដឹកដំណាំកសិផលផ្សេងៗ។លោកយឹម ផាន់ ណា អភិបាលស្រុកអន្លង់វែងបានមានប្រសាសន៍ជំរាបជូន លោកស ថា វី
អភិបាលខេត្តដែលឈ្លាតឱកាសនិងក្រុមការងារ អញ្ចើញចុះមកជួបជាមួយប្រជាពលរដ្ឋសូម្បីតែថ្ងៃឈប់សំរាកក៏ដោយ ហើយប្រជាពលរដ្ឋពីមុនទាំង១១៣គ្រួសារធ្វើដំណើរដោយឆ្លងកាត់ស្ពានឈើតែ បច្ចុប្បន្ននេះ ស្ពានឈើនេះរងនៅការឌ្រុតឌ្រោមមិនអាចអោយប្រជាពលរដ្ឋដឹកដំណាំកសិផលបានទេ បានត្រឹមតែជិះម៉ូតូនិងធ្វើដំណើរដោយថ្មើរជើងប៉ុណ្ណោះ ដោយមើលឃើញនៅការលំបាកបែបនេះ ហើយបានបងប្អូនប្រជាពលរដ្ឋក៏បានរៃលុយគ្នាធ្វើផ្លូវជំនួសស្ពាន ហើយក៏បានជួលគ្រឿងចក្រគេមកធ្វើនោះ។
នៅក្នុងឱកាសនោះលោកស ថា វី អភិបាលខេត្ត ក៏បានធ្វើការសំណូមពរអោយបងប្អូនប្រជាពលរដ្ឋផ្អាកការជួសជុលផ្លូវនេះ ព្រោះការជួសជុលនេះពុំមានតាមលក្ខណះបច្ចេកទេស ហើយវានិងងាយរងការខូចខាតនាំអោយខាតបង់ប្រាក់របស់បងប្អូន។លោកស ថា វី អភិបាលខេត្តបានមានប្រសាសន៍ទៀតថា ក្នុងនាមអាជា្ញធរខេត្តនិងជួយកសាងផ្លូវប្រវែង៣០០និងស្ពានដែកបាឡេប្រវែង១០ម៉ែត្រជូនប្រជាពលរដ្ឋ ហើយលោកអភិបាលខេត្តក៏បាន
ថ្លែងអំណរគុណយ៉ាងជ្រាលជ្រៅចំពោះទឹកចិត្តរបស់ប្រជាពលរដ្ឋដែលបានសហការគ្នាធ្វើផ្លូវនេះ។ប៉ុន្តែពេលនេះមិនបាច់រៃលុយគ្នាទៀតទេ លោកអភិបាលខេត្តនិងជំនាញមន្ទីរសាធារណះការនិងដឹកជញ្ជូននិងមន្ទីរធនធានទឹកចុះពិនិត្យមើលនិងចាប់ផ្តើមកសាងផ្លូវនិងស្ពានជូនប្រជាពលរដ្ឋនៅពេលឆាប់ៗខាងមុខនេះ៕
