ខេត្តព្រះសីហនុកាលពីរសៀលថ្ងៃទី០៨ ខែកុម្ភះ ឆ្នាំ២០១៥ អាជ្ញាធរខេត្តព្រះសីហនុ បានរៀបចំបិទការប្រកួតកីឡាបាល់ទាត់ដណ្តើមពានរង្វាន់យុវជនខេត្តព្រះសីហនុប្រចាំឆ្នាំ២០១៤-២០១៥ នៅពហុកីៅឡាដ្ឋានក្រុងមឿង ស្ថិតក្នុងសង្កាត់លេខ៣ ក្រុង ខេត្តព្រះសីហនុ ក្រោមអធិបតីភាពឯកឧត្តម សុខ ផន អភិបាលរង នៃគណអភិបាលខេត្តព្រះសីហនុ ។
ឯកឧត្តម សុខ ផន បានមានប្រសាសន៌ កោតសរសើរចំពោះការខិតខំប្រឹងប្រែង និងស្មារតីបេជ្ញាចិត្តខ្ពស់ក្នុងការប្រកួតរហូតកីឡា ដើម្បីដណ្តើមពានរង្វាន់រហូតទទួលបានជោគជ័យដ៌ធំធេងនេះ ។ ការប្រកួតកីឡានាពេលនេះ គឺជាសក្ខីភាពបញ្ជាក់នូវការលើកទឹកចិត្ត និងការគាំទ្រយ៉ាងពេញលេញពីសំណាក់សាលាខេត្តព្រះសីហនុ ក៌ដូចជារាជរដ្ឋាភិបាលចំពោះវិស័យអប់រំកាយ និងកីឡា ការយកចិត្តទុកដាក់ និងការគាំទ្របានស្តែងចេញតាមរយះការឧបត្ថម្ភថិវកា ស្មារតី និងសម្ភារះផ្សេងៗជូនដល់កីឡាករ ដែលបានចាប់ផ្តើមធ្វើការប្រកួតកាលពីថ្ងៃទី០៧ ខែធ្នូ ឆ្នាំ២០១៤កន្លងមក ដើម្បីដណ្តើមពានរង្វាន់យុវជនខេត្តព្រះសីហនុ ឆ្នាំ២០១៤ ២០១៥ ។
ឯកឧត្តមបានបញ្ជាក់ថា វិស័យអប់រំកាយ និងកីឡា គឺជាអាទិភាពសំខាន់ ដែលសាលាខេត្តបាននឹងកំពុងតែបន្តការយកចិត្តទុកដាក់ ក្នុងការចូលរួមអភិវឌ្ឍធនធានមនុស្សប្រកបដោយគុណភាព ដើម្បីចូលរួមចំណែកដល់ការលើកកម្ពស់ការអភិវឌ្ឍសេដ្ឋកិច្ច សង្គម ប្រកបដោយចីរភាព និងសមធម៌ ។ កីឡាមិនត្រឹមតែមានសុខភាពល្អទេ ភាពសប្បាយរីករាយ និងស្មារតីសន្តិភាព សាមគ្គីភាព មិត្តភាព ភាតរភាព និងសហប្រតិបត្តិការរវាងគ្នា និងគ្នាទាំងក្នុងក្របខណ្ឌជាតិ និងអន្តរជាតិប៉ុណ្ណោះទេ ប៉ុន្តែថែមទាំងរួមចូលរួមចំណែកយ៉ាងសំខាន់ដល់ការលើកកម្ពស់កិត្យានុភាពខេត្ត ក៌ដូចជាព្រះរាជាណាចក្រកម្ពុជា ។
កីឡាប្រៀបដូចជាការទូតមួយ ដែលមានតួនាទីយ៉ាងសំខាន់ក្នុងការទំនាក់ទំនងជាតិ អន្តរជាតិ រាជរដ្ឋាភិបាលកំណត់យកវិស័យអប់រំកាយ និងកីឡាជាសមាសភាពសំខាន់ក្នុងចំណោមសមាសភាពទាំង៥ នៃការអប់រំសម្រាប់ពង្រឹងកាយសម្បទាន និងសុខភាព ។
នៅខេត្តព្រះសីហនុ វិស័យអប់រំកាយ និងកីឡាមានការរីកចម្រើនគួរឪ្យកត់សំគាល់ ដោយសារតែមហាជនមានការយល់ដឹង និងចាប់អារម្មណ៌ ថែរក្សាសុខភាពតាមរយះការហាត់ប្រាណ និងការលេងកីឡា ដែលរួមចំណែកក្នុងការកាត់បន្ថយភាពអសកម្មនានានៅក្នុងសង្គមបានកាន់តែច្រើន ។
តាមរបាយការណ៌គណកម្មការប្រកួតកីឡាបាត់ទាត់បានឪ្យដឹងថា ការប្រកួតកីឡាបាល់ទាត់ដណ្តើមពានរង្វាន់យុវជនខេត្តព្រះសីហនុ បានចាប់បើកការប្រកួតកាលពីថ្ងៃទី០៧ ខែធ្នូ ឆ្នាំ២០១៤ និងត្រូវបិទបញ្ចាប់នៅថ្ងៃទី០៨ ខែកុម្ភះ ឆ្នាំ២០១៥នេះ ដែលមានកីឡាករចូលរួមប្រកួតចំនួន ១១ក្រុម ចែកចេញជាពីរពូល គឺពូល A មានកីឡាករចំនួន ០៦ក្រុម និងពូល B មានកីឡាករចំនួន ៥ក្រុម គឺប្រកួតវិលជុំឈានទៅដណ្តើមពានរង្វាន់ជ័យលាភីពីលេខ១ ដល់លេខ៤ ។
ចំណាត់ថ្នាក់លេខ១ បានទៅក្រុមកីឡាករ សហភាពសហពន្ធយុវជនខេត្តព្រះសីហនុ ទទួលបានពាន០១ មេដាយមាស២៥ និងថវិការ ៤លានរៀល លេខ២ បានទៅក្រុមកីឡាករ កំពង់ផែស្វយ័តក្រុងព្រះសីហនុ ទទួលបានមេដាយប្រាក់២៥ និងថិវិកា ២លានរៀល លេខ៣ បានទៅក្រុមកីឡាករយុវជនបេះដូងខ្មែរ ទទួលបានថវិកា ១.២០០.០០០រៀល និងរង្វាន់
លើកទឹកចិត្តមានដូចជាភេជ្ជ M-១៥០ ០១កេះ ទឹកក្រូច០១កេះ និងលេខ៤ បានទៅក្រុមកីឡាករ សាលាខេត្តព្រះសីហនុ ទទួលបានថវិកា ៨០០.០០០រៀល និងរង្វាន់លើកទឹកចិត្ត M-១៥០ ០១កេះ និងទឹកក្រូច ០១កេះ ។ ដោយឡែកក្រុមដែលមិនបានទទួលជ័យលាភី ក៌ទទួលបានរង្វាន់លើកទឹកចិត្ត ក្នុងមួយក្រុមទទួលបានភេសជ្ជះ M-១៥០ចំនួន ០១កេះ ស្រាបៀអង្គរ០១កេះ និងទឹកក្រូច ០១កេះផងដែរ ៕
