ភ្នំពេញ៖ ក្មេងស្ទាវ០៣នាក់បានបើកម៉ូតូ ០១ គ្រឿងម៉ាក សេ ១២៥ បោះពួយយ៉ាងលឿនក៍ជ្រុលចង្កូតទៅបុករថយន្ត ០១ គ្រឿងម៉ាកកាម៉ារីឆ្លាមយ៉ាងពេញទំហឹងបណ្តាលអោយអ្នកបើកបរបាក់ធ្មេញមុខអស់ ០៤បែកឈាមខ្ចាយ ។គ្រោះថ្នាក់ខាងលើនេះបានកើតមានឡើងនៅម៉ោងជាង ០៣ និង១០នាទីរសៀលថ្ងៃទី២២ ខែមិនា ឆ្នាំ២០១៤ នៅតាមបណ្តោយផ្លូវសហពន្ធ័រុស្សី ត្រង់ចំណុចខាងមុខសាលាសង្កាត់កាកាប ភូមិ តាងួន សង្កាត់កាកាប ។
មន្ត្រីទព័អាកាសម្នាក់ជាម្ចាស់រថយន្តមិនព្រមប្រាប់ឈ្មោះបានប្រាប់សមត្ថកិច្ចថា មុនពេលកើតហេតុគាត់បានបើករថយន្តរបស់គាត់តាមផ្លួវសហពន្ធ័រុស្សីក្នុងទិសដៅពីកើតទៅលិចហើយបានបើកឆ្លងផ្លូវមកត្បូងចូលក្នុងបន្ទាយពទ័អាកាស លុះមកដល់ចំណុចកើតហេតុក៍ស្រាប់តែឃើញម៉ូតូបង្កបើកបរដោយក្មេងស្ទាវ ០៣បើកបោះពួយយ៉ាងលឿនដូចគេហោះ ពីលិចទៅកើតក៍មកបុកចំពាក់កណ្តាលខ្លួនរថយន្តរបស់ពេញទំហឹងតែម្តងបណ្តាលអោយអ្នកបើកបាក់អស់ធ្មេញមុខអស់ ០៤ ហើយសុំចរចាគ្នាសងរថយន្តពេញថ្លៃដើម្បីបញ្ចប់បញ្ហា ។
មន្ត្រីយោធារូបនោះបានបន្តថា រថយន្តរបស់គាត់ម៉ាក កាម៉ារី ឆ្លាម ពណ៍ ពណ៍សំបកឪឡឹកពាក់ស្លាកលេខ ភ្នំពេញ២G 7919 ចំណែកម៉ូតូបង្កហេតុម៉ាក សេ ១២៥ ពណ៍ ខ្មៅពាក់ស្លាកលេខតាកែវ ១A 3003 អ្នកបើកបរ និងអ្នករួមដំណើរ ០៣ មិនព្រមប្រាប់ឈ្មោះ និងអត្តសញ្ញាណ ៕ 
