ខេត្តកំពង់ចាមបើតាម លោក ទេព រាមុន្នី អភិបាលស្រុកព្រៃឈរបានឲ្យដឹងថា បច្ចុប្បន្នការងារកសាងបក្សដែលជាកម្លាំងស្នូលបង្គោលជម្រុញការអភិវឌ្ឍន៍ភូមិឃុំនិងរួមចំណែកអនុវត្តសំរេចបានជោគជ័យនូវកម្មវិធីគោលនយោបាយគណបក្សប្រជាជនឲ្យសំរេចបានជោគជ័យទៅតាមការរំពឹងទុក។
ការលើកឡើងនេះ ធ្វើឡើង ខណៈឯកឧត្តម បណ្ឌិតសាស្ត្រចារ្យណៅធួក អនុរដ្ឋលេខាធិការ ក្រសួងកសិកម្មរុក្ខាប្រមាញ់និងនេសាទនិងជាប្រធានក្រុមការងារថ្នាក់កណ្តាលចុះជួយស្រុកព្រៃឈរ បានអញ្ជើញជួបជុំសំណេះសំណាលជាមួយមេភូមិមេឃុំក្រុមប្រឹក្សា និងប្រជាពលរដ្ឋប្រមាណ១០០នាក់ នៅស្នាក់ការគណបក្សប្រជាជនកម្ពុជាស្រុកព្រៃឈរកាលពីថ្ងៃទី ០៧ ខែកុម្ភះ ឆ្នាំ២០១៥ ។
ឯកឧត្តមបណ្ឌិតណៅធួកបានមានប្រសាសន៍ពាំនាំនូវការផ្តាំផ្ញើសាកសួសុខទុក្ខដោយសេចក្តីនឹករលឹកពីសំណាក់សមេ្តអគ្គមហាប្រមុខថ្នាក់ដឹកនាំទាំង៣ដែលជានិច្ចជាកាលតែងតែយកចិត្តទុកដាក់គិតគូរដោះស្រាយរាល់ការលំបាកខ្វះខាតរបស់ប្រជាពលរដ្ឋនៅគ្រប់មូលដ្ឋាននិងជម្រុញការងារអភិវឌ្ឍន៏ប្រទេសជាតិឲ្យរីកចំរើនលើគ្រប់វិស័យ។
ឯកឧត្តមបណ្ឌិត ណៅ ធួកបន្តថាប្រមុខរាជរដ្ឋាភិបាលកម្ពុជា បាននឹងកំពុងជំរុញឲ្យមន្ត្រីរាជការទាំងអស់ធ្វើការងារយ៉ាងជិតសិទ្ធជាមួយប្រជាពលរដ្ឋដើម្បីឲ្យការងារមួយចំនួនមានភាពជឿនលឿនទៅមុខនិងជៀសវាងការប្រគល់ភារៈកិច្ចទៅឲ្យថ្នាក់ក្រោមធ្វើការអនុវត្តខុសដែលជាមូលហេតុធ្វើឲ្យប្រជាពលរដ្ឋធ្វើការវាយតម្លៃខុសទៅលើរាជរដ្ឋាភិបាល ។
ឯកឧត្តមបន្តថានាពេលខាងឆាប់ៗខាងមុខនេះ នឹងរៀបចំចងក្រងជាក្រុមការងារសហការជាមួយអាជ្ងាធរមូលដ្ឋានចុះជួបជាមួយប្រជាពលរដ្ឋនៅតាមមូលដ្ឋានដើម្បីផ្តល់អត្ថប្រយោជន៍ជូនយ៉ាងពិតៗនិងគិតគូរ ដោះស្រាយឲ្យទាន់ពេលវេលារាល់ក្តីដែលក្តីកង្វល់របស់ប្រជាពលរដ្ឋ។
នាឪកាសនោះ ឯកឧត្តមបណ្ឌិតសាស្ត្រចារ្យ ណៅ ធួក បានឧបត្ថម្ភថវិកា៤០០.០០០រៀល ជូនឃុំជ្រៃវៀន និងប្រតិទិនចំនួន៤ម៉ឺនផ្ទាំងដល់សាលាស្រុកព្រៃឈរផងដែរ៕
