ភ្នំពេញ ៖ បុរសម្នាក់ជិះម៉ូតូហុងដាឌ្រីមC125 បោះពួយបញ្ច្រស់ផ្លូវបុកចំម៉ូតូសង់កូរ៉េជិះគ្នា៣នាក់បណ្ដាលអោយរងរបួសធ្ងន់ទាំង៤នាក់ កាលពីវេលាម៉ោង១១និង៣៥នាទីយប់ថ្ងៃទី២២ខែមីនាឆ្នាំ២០១៤ នៅចំណុចមុខផ្សារហេងលី តាមបណ្តោយផ្លូវ២៧១ ស្ថិតក្នុងសង្កាត់ទឹកថ្លា ខណ្ឌសែនសុខ។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុ គេឃើញបុរសម្នាក់ជិះម៉ូតូហុងដាឌ្រីមសេ១២៥ ពណ៌ខ្មៅ ពាក់ស្លាកលេខ តាកែវ1I-1247 ធ្វើដំណើរបញ្ច្រស់ទិស លើផ្លូវ ២៧១ ទិសដៅពីត្បូងទៅជើង ស្រាប់តែមកដល់ចំណុចកើតហេតុ ក៏បានបុកគ្នាជាមួយម៉ូតូសង់កូរ៉េមួយគ្រឿង ជិះគ្នា៣នាក់ ក្នុងនោះមាន ស្ត្រីមានផ្ទៃផងដែរ ពណ៌ក្រហម ពាក់ស្លាកលេខ ព្រៃវែង1F-0993 បណ្តាលឱ្យមនុស្ស៣នាក់ របួសធ្ងន់ក្នុងនោះមាន ស្ត្រីមានផ្ទៃពោះជិតគ្រប់ខែទៀត ។
ក្រោយពេលកើតហេតុ ជនរងគ្រោះ ត្រូវបានគេដឹកទៅសង្គ្រោះនៅមន្ទីរឯកជន ចំណែកម៉ូតូទាំង០២ គ្រឿង ត្រូវបានសមត្ថកិច្ចយកទៅរក្សានៅអធិការដ្ឋាននគរបាលខណ្ឌសែនសុខរង់ចង់ម្ចាស់ទាំង២ធ្វើការដោះស្រាយតាមផ្លូវច្បាប់៕
