ភាពអនាធិបតេយ្យការចូលកាប់និងដឹកជញ្ជូនឈើប្រណិតនៅតាមខ្សែបន្ទាត់ព្រំដែនប្រទេសវៀតណាមក្នុងទឹកដីខេត្តមណ្ឌលគិរីនៅតែកើតមានជារាងរាល់ថ្ងៃបើទោះបីជាសមត្ថកិច្ចជំនាញតាមបង្ក្រាបយ៉ាងណាក៏ដោយក៏នៅតែលួចលាក់កើតមាននិងប្រព្រឹត្តបទល្មើសព្រៃឈើនិងជំនួញឈើប្រណិតនេះដែរ។ កាលពីយប់ធៀបភ្លឺថ្ងៃទី៧គុម្ភះ២០១៥ត្រាក់ទ័រចំនួន៥គ្រឿងមនុស្ស៤នាក់ដែលបានលួចចូលមកដឹកឈើប្រណិតត្រូវបានជំនាញរដ្ឋ បាលព្រៃឈើនិងនិងនគរបាលដែលការពារព្រៃការពារមណ្ឌលគិរីចាប់ឃាត់បាន នៅចំណុចលុងឈូងក្នុងដែនព្រៃការពារស្ថិតក្នុងស្រុកពេជ្រាដាខេត្តមណ្ឌលគិរី។
លោកកែវ សុភក្រ័ នាយរងផ្នែករដ្ឋបាលព្រៃឈើកោះញែកដែលគ្រប់គ្រងដែនព្រៃការពារបានឲ្យដឹងថាការចុះបង្រា្កបនេះជំនាញសហការជាមួយសមត្ថកិច្ចនគរបាលរួមនិងព្រះរាជអាជ្ញារងមួយរូបផងដែរ។ការចុះបង្ក្រាបសមត្ថកិច្ចបានចាប់បានត្រាក់ទ័រចំនួន៥គ្រឿងនិងឃាត់ខ្លួនមនុស្សបានប្រាំនាក់ផងដែរជាជនជាតិវៀតណាម។
លោកបានបន្តថាត្រាក់ទ័រដឹកឈើល្មើសច្បាប់រួមនិងមនុស្សសមត្ថកិច្ចនិងជំនាញកំពុង អូសនិងដឹកជញ្ជូនយកមករក្សាទុកនៅខណ្ឌរដ្ឋបាលព្រៃឈើមណ្ឌលគិរីដើម្បីកសាងសំណុំរឿងចាត់ការតាមនិតិវិធីច្បាប់។តាមប្រភពរាយការណ៍ឲ្យដឹងដែរថាមានអ្នកមានអំណាចបានកាងត្រាក់ទ័រចំនួនជាង៣០គ្រឿងពីវៀតណាមឲ្យចូលមកទឹកដីខ្មែរតាមច្រករបៀងឈ្មោះប៉ុស្តិ៍៥
ស្ថិតក្នុងទឹកដីស្រុកពេជ្រាដាមកកាប់និងដឹកជញ្ជូនឈើប្រណិតប្រភេទសុក្រំនិងកកោះដែលឡាំងជាជ្រុងមានប្រវែង២ទៅ៥មែត្រដើម្បីដឹកចេញទៅប្រទេសវៀតណាមប៉ុន្តែនៅល្ងាចថ្ងៃទី៧គុម្ភះនេះអ្នកយកពត៍មានយើងមិនអាចទំនាក់ទំនងកាភ្លឺពីលោកនាយប៉ុស្តិ៍៥ដែលជាច្រករបៀងនោះបានទេ៕
