ភ្នំពេញ ៖ បុរស០២នាក់ បានរងរបួសធ្ងន់ ក្នុងហេតុការណ៏គ្រោះថ្នាក់ ចរាចរណ៏ ម៉ូតូស៊ុយហ្ស៊ូគី និចបុក ជាមួយរថយន្តកុងតឺន័រ វេលាម៉ោង១០ និង ១៥នាទីយប់ថ្ងៃ ទី២១មីនា ២០១៤ នៅត្រង់ ស្តុបផ្សារដីហុយ ស្ថិតក្នុង សង្កាត់ទឹកថ្លា ខណ្ឌសែនសុខ ។
ប្រភពព័ត៌មានបានឱ្យដឹងថា មុនពេលកើតហេតុ គេឃើញយុវជន ០២នាក់ ជិះម៉ូតូ ស៊ុយហ្ស៊ូគីនិច ពណ៌ខ្មៅ ពាក់ស្លាកលេខភ្នំពេញ 1BF-9310 ជិះ ពីកើត ទៅលិច តាមផ្លូវសហពន្ធរុស្ស៊ី ស្រាប់តែមកដល់ ចំណុចកើតហេតុ ក៏បានទៅបុកក្បាល កុងតឺន័រផ្នែកខាង ឆ្វេងដែលពាក់ស្លាកលេខ ភ្នំពេញ 3A-5928 ពណ៌ខៀវខ្ចី លាយពណ៌ស ធ្វើដំណើរពីត្បូង ទៅជើង តាមផ្លូវភ្នំពេញ
ហាណូយ បណ្តាលឱ្យបុរស០២នាក់ រងរបួសធ្ងន់។ ក្រោយពេលកើតហេតុ ជនរងគ្រោះត្រូវ គេដឹកទៅ សង្គ្រោះនៅមន្ទីរពេទ្យ ចំណែកឯ ម៉ូតូជនរងគ្រោះ អ្នកបើកកុងតឺន័រ និងរថយន្តកុងតឺន័រ ត្រូវសមត្ថកិច្ច យកទៅរក្សា នៅអធិការដ្នាននគរបាលចរាចរណ៏ផ្លូវ គោកដោះស្រាយគ្នាជាក្រោយ ៕