ភ្នំពេញ ៖ គ្រោះថ្នាក់ចរាចរដែលនៅកំណាត់ផ្លូវជាតិលេខបណ្ដាលអោយមនុស្សម្នាក់រងរបួសធ្ងន់ធ្ងរនិងស្លាប់ម្នាក់ភ្លាមៗនៅកន្លែងកើតហេតុ ព្រោះតែរថយន្តCRVនិងម៉ូតូហុងដាឌ្រីមC125 បុកគ្នាពេញទំហឹងកាលពីវេលាម៉ោង១១និង៣០នាទីយប់ថ្ងៃទី២៣ខែមិនាឆ្នាំ២០១៤ ត្រង់ កចំណុចក្បែរផ្ទះសំណាក់ភ្នំមាស ក្នុងសង្កត់ភ្លើងឆេះរទេះ ខណ្ឌដង្កោ។
យោងតាមប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញបុរស២នាក់ជិះម៉ូតូ១គ្រឿងម៉ាកហុងដាឌ្រីមC125 ពណ៌ក្រហម ពាក់ស្លាកលេខ តាកែវ 1E-5993 បានជិះធ្វើដំណើរក្នុងទិសដៅពីត្បូងទៅជើងក្នុងល្បឿនលឿនស្រាប់តែមកដល់ចំណុចកើតហេតុខាងលើក៏មានរថយន្តCRVមួយគ្រឿង ពណ៌ទឹកប្រាក់ ពាក់ស្លាកលេខ
ភ្នំពេញ 2L-7114 បើកបរដោយនារីម្នាក់បានធ្វើដំណើរក្នុងទិសដៅបញ្ច្រាស់គ្នាពីជើងទៅត្បូង ក៏បណ្ដាលអោយរថយន្តនិងម៉ូតូខាលលើនេះបុកគ្នាចំពីមុខពេញទំហឹងធ្វើអោយអ្នកជិះម៉ូតូហោះផ្លោងទៅបុកនិងកញ្ចក់រថយន្តផ្ទប់បោកមួយទំហឹង ម៉ូតូទៅផ្សេងមនុស្សទៅផ្សេងខ្ទាតជាង១០ម៉ែត្រផ្សេងៗគ្នាយ៉ាងគួរឱ្យរន្ធត់។ភ្លាមៗនោះអ្នកជិះម៉ូតូម្នាក់ក៏បានដាច់ខ្យល់ស្លាប់
ភ្លាមៗនៅកន្លែងកើតហេតុ ចំណែកម្នាក់ទៀតរបួសធ្ងន់ត្រូវបានរថយន្តសាមុយដឹកបញ្ជូនទៅមន្ទីរពេទ្យតែត្រូវបានពេទ្យប្រាប់អោយដឹងថាបុរសរងរបួសនេះក៏សង្ឃឹមតិចដែរ។ចំពោះជនរងគ្រោះខាងលើនេះដែរសមត្ថកិច្ចនៅមិនទាន់អាចបញ្ជាក់ពីអត្តសញ្ញាណបាននៅឡើយទេ ព្រោះកំពុងស្រាវជ្រាវស្វែងរកក្រុមគ្រួសារអោយមកទទួលយកសពយកទៅធ្វើបុណ្យតាមប្រពៃណី។
បន្ទាប់ពីកើតហេតុម្ចាស់រថយន្តខាងលើក៏បានរត់ចេញពីក្នុងរថយន្តគេចខ្លួនបាត់ស្រមោលដោយបន្សលល់រថយន្តនៅកន្លែងកើតហេតុហើយក៏ត្រូវសមត្ថកិច្ចមូលដ្ឋានទំនាក់ទំនងទៅសមត្ថកិច្ចជំនាញផ្នែកចរាចរចុះវាស់វែងរថយន្តនិងម៉ូតូរងគ្រោះខាងលើនេះយកទៅរក្សាទុកនៅការិយាល័យចរាចរជើងគោកស្នងការនគរបាលរាជធានីភ្នំពេញរង់ចាំធ្វើការដោះស្រាយទៅតាមផ្លូវច្បាប់។
