កាលពីថ្ងៃអាទិត្យ កម្លាំងសន្ដិសុខនិងប្រព័ន្ធផ្សព្វផ្សាយលីប៊ីបានបញ្ជាក់ថា មនុស្សជាង៤០នាក់បានបាត់បង់ជីវិត និងរាប់សិបនាក់ផ្សេងទៀតបានរងរបួស នៅក្នុងអំឡុងពេលប្រយុទ្ធគ្នាប៉ុន្មានថ្ងៃ នេះស្ថិតនៅទីក្រុងធំលំដាប់ទីពីររបស់ លីប៊ី គឺទីក្រុង Benghazi នោះ ។
កម្លាំងយោធាលីប៊ីបានធ្វើប្រតិបត្ដិ ការទ្រង់ទ្រាយធំឡោមព័ទ្ធទីតាំងសង្ស័យ ជាជម្រករបស់ក្រុមឧទ្ទាមដែលស្ថិតនៅ ក្នុងតំបន់ Bengshazi រដ្ឋ Buhdeima តំបន់Buatni, Leithi, Gamfouda, Gawarsha, Halees និង Sabriដើម្បី បោសសម្អាតក្រុមឧទ្ទាមអ៊ិស្លាមជ្រុល និយមរបស់ក្រុម Ansar al-Sharia និងសម្ពន្ធមិត្ដរបស់ក្រុមនេះឱ្យអស់ពី ទឹកដីលីប៊ី ។
មន្ដ្រីលីប៊ីបានអះអាងថា ទាហាន លីប៊ីបានធ្វើប្រតិបត្ដិការបោសសម្អាត ក្រុមងឧទ្ទាមដោយចូលរួមទាំងកងរថ ក្រោះ, យន្ដហោះចម្បាំង និងឧទ្ធម្ភាគ ចក្រ រួមទាំងកងកាំជ្រួចមីស៊ីលផងដែរ ដើម្បីបោសសម្អាតក្រុមឧទ្ទាមអ៊ិស្លាម និយមឱ្យរលើងទាំងឫសគល់ ។
ប្រព័ន្ធផ្សព្វផ្សាយនៅក្នុងតំបន់បាន ដកស្រង់ប្រភពព័ត៌មានពីមន្ដ្រីអ្នកនាំ ពាក្យរបស់កម្លាំងទាហានបញ្ជាក់ថា ក្នុង ប្រតិបត្ដិការនេះ ទាហានរដ្ឋាភិបាលបាន សម្លាប់ក្រុមឧទ្ទាមAnsar al Sharia ៣០នាក់ ។ ចំណែកខាងកងទ័ពរដ្ឋាភិ បាលវិញក៏បានស្លាប់៣នាក់ផងដែរ ។ មន្ទីរសុខាភិបាលក្នុងតំបន់ក៏បានបញ្ជាក់ ថា យ៉ាងហោចណាស់មនុស្ស១៣នាក់ បានស្លាប់ និង៦២នាក់រងរបួស ។
អឌ្ឍិចន្ទក្រហមលីប៊ីក៏បានប្រកាស ដែរថា ខ្លួនបានជម្លៀសមនុស្ស១១៨នាក់ ចេញពីតំបន់សង្គ្រាមប្រឆាំងក្រុម ឧទ្ទាមខាងលើនេះ ។ ក្នុងនោះជនបរទេស ផងដែរ ។
កាលពីសបា្ដហ៍មុន ទាហានលីប៊ីបាន ប្រកាសថា ខ្លួនបានចូលគ្រប់គ្រងកំពង់ ផែ Benghazi ។ កំពង់ផែនេះជាកន្លែង នាំចេញយ៉ាងសំខាន់នូវម្ហូបអាហារ និង ប្រេងសាំង ដែលធ្លាក់ក្រោមការគ្រប់ គ្រងរបស់ក្រុមឧទ្ទាមកាលពីខែតុលា ឆ្នាំ ២០១៤នោះ ។
ទីក្រុង Bengshazi ជាទីតាំងដែល ផ្ទុះការធ្វើបាតុកម្មនៅក្នុងឆ្នាំ២០១១ ទម្លាក់អតីតមេដឹកនាំលីប៊ី Muammar Gaddafi ។ ចាប់តាំងពីពេលនោះមក នៅទីនេះតែងកើតមានអំពើហិង្សាជា និច្ច ។ ទីនេះជាសមរភូមិក្ដៅរវាងកង ទ័ពរដ្ឋាភិបាល នឹងក្រុមឧទ្ទាមអ៊ិស្លាម ជ្រុលនិយម និងជាទីដែលកើតមានអំពើ ហិង្សា ការបំផ្ទុះគ្រាប់បែកអត្ដឃាត ការសម្លាប់ និងការចាប់ជំរិតផងដែរ 9
