ខេត្តតាកែវ នៅស្នាក់ការគណះបក្សប្រជាជនកម្ពុជាឃុំគូស ស្រុកត្រាំកក់ ខេត្តតាកែវ កាលពីថ្ងៃទី០៩ ខែកុម្ភះ ឆ្នាំ២០១៥ មានពិធីផ្សព្វផ្សាយសេចក្តីសម្រេចចិត្តមហាសន្និបាតវិសាមញ្ញតំណាងទូទាំងប្រទេសរបស់ គណះបក្សប្រជាជនកម្ពុជា ដែលពិធីត្រូវបានរៀបចំក្រោម
អធិបតីភាព ឯកឧត្តមបណ្ឌិត ច័ន្ទ សារុន ទេសរដ្ឋមន្ត្រីនិងជាប្រធានក្រុមការងារថ្នាក់ជាតិចុះជួយមូលដ្ឋានខេត្តតាកែវ។បន្ទាប់ពីការអានរបាយការណ៍ទិដ្ឋភាពរួមនៃមហាសន្និបាតវិសាមញ្ញរបស់គណះបក្សប្រជាជនកម្ពុជា ដោយលោក ឆន ឆិន ប្រធានគណះបក្សប្រជាជនស្រុកត្រាំកក់រួចមក ឯកឧត្តមបណ្ឌិតទេសរដ្ឋមន្ត្រី ច័ន្ទ សារុន បានមានប្រសាសន៍
លើកឡើងពីសេចក្តីសម្រេចចិត្តនៃមហាសន្និបាតវិសាមញ្ញតំណាងទូទាំងប្រទេសរបស់គណះ បក្សប្រជាជនកម្ពុជាដែលរួមមានខ្លឹមសារ ៩ចំណុច ជាមួយគ្នានោះដែរ ឯកឧត្តមបណ្ឌិតទេសរដ្ឋមន្ត្រី ច័ន្ទ សារុនក៏បានលើកឡើងនូវខ្លឹមសារសំខាន់ៗមួយចំនួនទៀត ដែលឆ្លុះបញ្ចាំងឲ្យឃើញពីកិច្ចខិតខំប្រឹងប្រែងរបស់គណះបក្សប្រជាជនកម្ពុជានិងរាជរដ្ឋាភិបាលបានឆ្លងកាត់ពេលវេលា មួយដ៏លំបាកក្រៃលែង ដើម្បីការពារ និងដឹកនាំគណះបក្ស ដើម្បីរក្សាស្ថេរភាពនយោបាយ ស្ថេរភាពសង្គមនិងសេដ្ឋកិច្ច ជាពិសេសបន្ទាប់ពី ពេលបោះឆ្នោត។ឯកឧត្តមបណ្ឌិត ច័ន្ទ សារុន បានសង្កត់ធ្ងន់ថាគណះបក្សប្រជាជនកម្ពុជា និង
រាជរដ្ឋាភិបាលបានប្រកាន់ខ្ជាប់ភាពនឹងនរខិតខំគ្រប់គ្រងសភាការណ៍គ្រប់ផ្នែកឲ្យមានស្ថេរ ភាពហើយព្យាយាមដោះស្រាយបញ្ហាប្រកបដោយភាពម៉ឺងម៉ាត់ និងអត់ធ្មត់ដោយឈរលើគោល ការណ៍នីតិរដ្ឋគោរពឆន្ទះរបស់ប្រជាជននិងស្មារតីបង្រួបបង្រួមជាតិយ៉ាងស្មោះសរ។ ឯកឧត្តមបណ្ឌិតទេសរដ្ឋមន្ត្រី បានមានប្រសាសន៍បន្តទៀតថា អង្គសន្និបាតក៏បានពិនិត្យ យ៉ាងម៉ត់ច៉ត់ចំពោះ គោលការណ៍ពិភពលោក បច្ចុប្បន្នដែលកំពុងបន្ត ការរីកចម្រើនតាមនិន្នាការ សន្តិភាពសហប្រតិបត្តិការនិងអភិវឌ្ឍន៍ដោយឡែកអង្គសន្និបាតក៍បានកំណត់ដាក់ចេញនូវទិសដៅសម្រាប់អនុវត្តបន្តដូចជាបន្តការអប់រំការងារនយោបាយសតិអារម្មណ៍ធ្វើការកែទម្រង់ ទាំង ក្នុងរដ្ឋ ទាំងក្នុងបក្សនិងបណ្តាអង្គការមហាជន និងបន្តការងារកសាង
បក្សឲ្យរឹងមាំ ទាំងខាង នយោបាយសតិអារម្មណ៍និងចាត់តាំងការងារដែលមានអត្ថន័យកំណត់ចំពោះជោគជ័យនៃការដឹកនាំរបស់បក្សនៅគ្រប់កាលះទេសះគួររំលឹកថារយះពេល៣៦ឆ្នាំកន្លងមកនេះ ចាប់ពីពេលដែល បក្សត្រូវបានកសាងឡើងវិញបក្សយើងបានរីកចម្រើនធំធាត់ឥតឈប់ឈរ ឆ្លងកាត់ចលនា កសាងនិងការពារមាតុភូមិតាមបីដំណាក់កាលគឺដំណាក់កាលអនុវត្តរបបនយោបាយបក្សតែមួយ ដែលការកសាងបក្សត្រូវបានអនុវត្តពីលើចុះក្រោមបន្ទាប់មកជាដំណាក់កាលអន្តរកាលពីរបបបក្សតែមួយទៅរបបពហុបក្សដែលការកសាងបក្សត្រូវបានអនុវត្តតាមទិសដៅពីបរិមាណឈានទៅរកគុណភាពនិងដំណាក់កាលអនុវត្តរបបប្រជាធិបតេយ្យសេរីពហុបក្ស ដែលការកសាងបក្ស ត្រូវបម្រើឲ្យយុទ្ធសាស្ត្រផ្អែកលើបរិមាណសមាជិកបក្ស និងអំពើល្អរបស់មន្ត្រីបក្សដើម្បី ឈ្នះឆ្នោត។ ឯកឧត្តមបណ្ឌិតទេសរដ្ឋ មន្ត្រី បានប្រសាសន៍បន្ថែមទៀតថា តាយរយះលទ្ធផលដ៏ល្អនៃមហាសន្និបាតយើងនៅពេលនេះ បានបង្ហាញនូវធ្លុងសាមគ្គីភាព ឯកភាពផ្ទៃក្នុងដ៏រឹងមាំ និងភាពចាស់ទុំនយោបាយរបស់គណបក្ស យើង ព្រមទាំងស្តែងឲ្យឃើញនូវជំហានថ្មីប្រកបដោយថាមពលនៃដំណើរការកសាងពង្រឹងបក្ស។
